被捕人士收信部


Channel's geo and language: China, Chinese
Category: not specified


公開信報料: @youarenotalonehk_mailbot
【關注組】 @youarenotalonehk
【直播台】 @youarenotalonehk_live
【資訊部】 @youarenotalonehk_info
【搜證部】 @youarenotalonehk_evidence
【收信部】 @youarenotalonehk_mailbox


Channel's geo and language
China, Chinese
Category
not specified
Statistics
Posts filter


晨早流流,千里迢迢,赤柱探監,俾人串爆,我求之不得,甚至樂上半天。因為,串我的人叫黃之鋒。

1,跟之鋒說好耐冇見:他說不是啊,每次上庭都見到我,只是傾不到偈,打不到招呼而已。他說他十分留意來旁聽的人,而6月1日和2日正是他上庭的日子,希望大家關注。

2,問之鋒在監獄的適應情況:他說反正不是第一次坐監,所以物資上和心理上的適應沒有問題,況且屋企人處境安全,心裏更是了無牽掛。

3,問之鋒對判刑的準備:他說我跟他認識已11年, 11年前根本不能想像11年後的今天景象,而今天又豈能預測11年後會是怎樣的一個香港/世界。

4,之鋒問我去或留:他留意之前社會對去或留有很大爭論,他一面對留下來的人表示尊敬,因為留下來的人承受很大的壓力。另一方面又認為去或留都不是真議題,真議題其實是去也好留也好,之後會為香港幹什麼。

5,問之鋒在監獄的生活如何:他有讀寫障礙,又不喜歡運動,大多時間都在聽收音機。他串我不懂得〈大日如來〉,這是梁佰堅填的詞,李芷君唱的歌,電台節目經常播,內容關於放監。之鋒十分感謝此時此刻仍有這些歌在唱。

附上幾句歌詞,算是之鋒給牆外的你點歌:

//心中想到不止有我一個人 當天為著信念而狂奔 疲憊過痛過 幾百千天啞忍 仍沒放棄那不變初心 衝出這四面牆人沒罣礙 離開池塘追逐大海 灌溉不更改 有日牆上花開 別怕一個人黑暗中比賽//

邵家臻


8-5-2022(第一百三十日)⭐️日 母親係自私又無私嘅偉大生物☺️
1. 母親節快樂❤️祝各位媽媽身體健康❣️
一陣可以見媽咪,梳好啲個頭(平時是旦梳反正唔洗見人)
我個期數好多媽媽,所以一大早就祝各位母親節快樂😆 有個話:「我有個仔!」我:係。佢:「三十幾歲!」我:係,佢:「同我個仔一齊好唔好?靚仔!」我:好嘅奶奶!氹得佢幾開心XD佢話要聽日比佢個仔張相我睇下~

2. 見咗媽咪了,講咗句:「母親節快樂」就忍唔住喊☹️
實在唔想佢本身係慶祝嘅日子仍然嚟探我,着住囚犯衫嘅我,家人同媽咪一齊嚟。媽咪比較少講嘢,家人話:「你有無咩想同X講?」媽咪:「我望下你(佢對住我講)。」☹️
我就是一個幸福的小孩子。

3. 今日想同大家分享一啲小想法:(廢話mode~嘻~)
有一日我同一個有抑鬱嘅人傾偈,佢話:「唔係我想出世係嚟個世界上,我嘅出世係嚟至於成人嘅自私,佢哋x嘢個陣有無問過我啊!」
我並唔否認佢嘅說法,每個人生於世上並唔係基於自願,生育一個生命有好多背後嘅原因,例如:我想做媽媽,長輩帶來嘅壓力,唔想得一個小朋友想有個弟妹陪伴佢成長等等。無論任何原因,都係成人嘅想法,自私嗎?我認同自私的,不過成人可以選擇點樣去養育自己嘅孩子。用無私傾盡自己所有嘅愛比自己嘅孩子。
我都諗過好多次到底我生存係呢個世界嘅意義係乜?我唔知啊,我只係世間其中一粒不顯眼嘅微塵。但我感恩我有生存嘅機會去經歷感受世界。如果我家人對我唔係咁好,我又會唔會尋死?我諗唔會,生命係自己嘅。出生我無得揀,離世我有得揀。不過遲早我都死,係死之前我想做我未試過,覺得應該要做嘅,做咗我會心安理得嘅,無悔此生嘅😊

我感激媽咪自私地將我帶嚟呢個世界。
教我做一個正直嘅人,堅強去面對自己嘅難關。比我隨心所欲嘅生活,任由我做人做得咁自我😆✨
養兒防老?
哈哈!我少令佢擔心一日都偷笑XD
可以做你嘅女兒,係我嘅幾生修到,好撚幸福。
媽,我愛你😊❤️

想試下唔寫到喊,好難XD

Local Yeah本土野


外星人~

Hay~唔知大家知唔知我同章魚升左Cat A未呢?反正我已經係一個Cat A了😵以後成日都要坐鐵威龍?⋯諗起都頭痛!

近排報紙成日報有啲關於國安法啲case等開審等好耐⋯唔坐唔知程序慢,地院等2-3年開審大家知la! High Court Case 嗰啲隨時要等個4,5年先開審!點解冇人會表示關注嘅呢??我真係R晒頭~

BTW我新落嘅期數得20人😑其中30歲以後下嘅得3個⋯我瞬間覺得自己入咗老人院LOL 😂
好!悶!吖 😴

唔孤獨嘅浮標~(靚仔星)

#三粒星
#save12hkyouths

saamlapsing 


文字、歌詞一向都係阿匡嘅興趣。四月嘅時候,阿匡就再次喺收押所內作咗一首詞,佢話係講愛情🤔 唔知大家點睇?會唔會可以畀啲意見?有有無朋友想幫手唱出來演繹呢?

請小額支持阿匡創作👉🏻 www.patreon.com/ventuslauwh

《記得要忘記》 (原曲: 某種老朋友 - 林家謙)

別回望誰在途上誇口日後重來
講過的缺一不可再難存在
很愛很愛不過亦不想受害 人其實需要自愛
原來光景可變改 原來這叫做時代

別人在亡命時活得很自在 無遺憾需要負載
得你一個捨不得遠洋過海
困在最狹小的被鋪中 再等被愛 痛苦痛在有期待
長情得不到喝采 頑強到寂寞難耐

*如未能承受記得要忘記
不要讓前事捆綁自己
今天天氣多明媚 為何一貫愁眉
明明很清楚輕煙只得你記起
自虐完太陽之後一樣升起
何來同路人陪着吸入刺鼻的空氣
遺物已所餘無幾 念舊亦是無味

忘掉緣由後再將過程忘記
假設未曾活於昔日故地
要是舊時拿得起也可以逃離
像塵土四散後落入無人之地
在地圖上找不到你遺留過任何香味
歷史書裏面未曾尋獲有什麼可記
是最普通的過客不發一言又遠飛 *

面前是條越行越黑的絕路 仍然未相信命數
堅決得押上一生與神去對賭
抱着過太緊所以很不慣不用抱 放手確實有難度
嫌回憶都不夠好 才傻到自掘墳墓

Repeat *

記得要忘記 最初的自己

劉頴匡


Another Q & A⋯⋯

Q:甚麼時候Last day?
A:下個月。

Q:還有甚麼想做?
A:最近沒甚麼胃口。不過想食沒這麼貴的Osso Buco、沒這麼酸的Beef Tartare和去沒多少人而且有梳化坐的疏乎里店。(歡迎出招)

Q:為甚麼最近看作品的人少了?
A:我也想知道。

Q:在監獄裡面有甚麼打算?
A:會花光所有時間看書和鍛鍊。在外面的時候,根本沒辦法專心,坐牢可能反而給了自己一個機會進修。

Q:出來之後會不會離開香港?
A:至少一年內都不會。連旅行都不會去。接下來要處理的事太多。

Q:例如?
A:學習巴西柔術和拳擊,重新拿回身體的操控權;開始執材料、砌大綱、找合作和出版夥伴、逐步執行寫作計劃。

Q:一般人開Patreon都會隱藏資助總額,為甚麼你的Patreon會公開價碼?
A:大部分人不願意把自己的收入來源和價碼公開,我反而認為,透明度才是對所有資助者和支持者最好的交代。他們有權知道自己支持的創作者,到底有多少價值,以及了解資金往後的流向。

更重要的是,每一個數字,都是一個實在的證明——前線抗爭者不是像表面看般孤獨前行,從來也有人默默用行動表示。還有多少人願意為失去時間的人買回他們所犧牲的尊嚴和信心,我想透過自己的Patreon,向所有支持抗爭的人做一次最透明的展示。

Q:好了好了,情勒寶寶。我給就是了。
A:6月後才給會比較好。Patreon的截數日,是每個月的1號。

Q:走之前還有甚麼想問?
A:為甚麼最近看作品的人少了?

shiken_420


【探訪完結要走,傑仔好唔捨得】

日前,趁傑仔未過界,還在荔枝角,有二位朋友去探佢。
朋友問傑仔有冇俾人蝦,傑仔話冇,佢話入面好多囚友都話佢判刑太重。
傑仔話喺荔枝角唔使做嘢,每日有$3(入邊啲嘢好平,幾元雞幾元雞都可以買嘢了),知道嚟緊會迥界去另一監獄,去到嗰邊先要正式做嘢。
係艻枝角,佢每日主要都係瞓覺,自己又做下健身。
朋友問佢瞓得好唔好?傑仔話有時都瞓唔到,因為試過隔離床左右兩邊嘅人鼻鼾聲都好大,所以完全瞓唔到😂😂😂
三十分鐘探訪時間完結,兩位朋友要走,傑仔好唔捨得。
朋友同佢講,過左界之後都會去探佢的,叫佢唔使擔心!

保重!好快再見!

如果大家想支持傑仔渡過呢個難關,歡迎訂閱他的patreon:
https://www.patreon.com/kitjaihker

kitjaihker


越接近上庭的日子,愈要謹慎行事,例如減少敏感人物探監,或者省卻敏感話題,至少要低調探監,不動聲色最好。

近排探監,都被要求做「默探」-默默地來,默默地報個平安,默默update 獄中生活,默默手印手,默默做個加油手勢,然後默默地走,就是了。

我當然樂意做「默探」。探監其實不在於說了甚麼,也不在於聽了甚麼,而是彼此連結,成為彼此的光亮。

6月1日和2日又是民主派初選案上庭的日子,兜兜轉轉,經歷了年多的法庭程序,可能今次是真正交付高院審理。我知道,被囚禁的人總希望事情有發展,不管是好是壞。封閉、隔絕、孤立的囚錮生活製造很多幻想、猜測,心靈極端不明。孤立久了反而有種期盼早早有結論的衝動,在這裏的囚人或都希望快被提訊,好有個了斷吧。

Sad but true 。

邵家臻


徵筆友興趣:
煲劇(韓或台)
食嘢,飲珍珠奶茶
BL
詳情請dm了解

稜•支援


徵書:
1.衛斯理回憶錄1,3,4(葉李華著)
2.圖書館戰爭
3.東方堡量,香港軍事史1840-1970

唔需要全新但書本唔可以有畫花塗鴉、簽
名、貼紙、金粉

如果有任何疑問歡迎DM或
TG @hklinksupport 查詢

稜•支援


Forward from: 【天水連線·官方頻道】

聯絡天水連線:@tswcbot


信箱已經安排好
大家可以寫信寄去以下地址
我哋會將信轉交被版主
信内容可以分享生活發生嘅得意嘢、關心下佢等等
避免寫啲過於敏感嘅內容

地址:
Li Chin Pan
P.O.Box 68272
Kowloon East Post Office

rioters_memes


5-5-2022(第一百二十七日)⭐️四
1. Yeah!終於出糧啦❤️獎勵自己食2包麥餅+一包麥精~ 見到自己啲糧好實在,唔洗再靠人投食~
如果有Minion嚟,我仲可以投食返佢哋,但我希望無Minion需要入嚟。

2. 污糟啊姨成日監視我,所以佢係「四柴」。姑娘就三柴。佢勁過姑娘,下稱「四柴」。四柴太鍾意監視我。有時係其他倉友見到佢監視我一舉一動。我同佢對面床,佢好鍾意望我。今朝摺衫,比倉友見到佢𥄫實我XD
我去完留尿返倉企咗係廁所同清潔廁所嘅倉友A傾偈,佢企係廁所門口望加聽(好有心,由倉尾行去倉頭嘅廁所)
倉友A好討厭佢呢啲行為, A啤實佢。四柴即刻行開~一個圈!再被啤走XD Minion仲係到個陣有單幾好笑,我同Minion傾偈,四柴行去我哋隔離𥄫加聽,我即刻拉走Minion去另一邊傾。四柴又行去我哋後面,我再拉Minion行開。然後用隻手遮住Minion隻耳仔細細聲講,四柴就啤實我。(一定要比佢知?-v-?)
每日都咁樣佢唔悶咩-v- Btw佢好鍾意篤人背脊,向姑娘打小報告,但打錯曬。由佢監視我,變咗我每日睇返佢做乜XD

3. 諗住出咗糧,大家就停止投食。倉友們:「你想飲咩啊?」「拎去食!」「你鍾意就自己打開拎!」Btw, reject曬!無嘢食個陣我從不推搪所有投食😆依家有糧~可以靠自己。
有個倉友好搞笑,佢話:「你係好人!我請你!隨便拎!」我只不過幫咗佢手執糧箱,佢就讚我好人了XD好人易做!

4. 四柴就𥄫實我ing. 佢一邊食餅一邊𥄫實我寫信~
到底,佢點解要咁做?佢唔鍾意我去到咩程度要𥄫到實呢?
為咗唔比佢𥄫,我決定,去沖涼!

Local Yeah本土野


銘仔就黎23歲生日,希望可以收集大家嘅祝福!送份小小禮物比銘仔!

記得係生日信!卡有數量限制keep唔到💛

#三粒星
#生日信件收集活動

saamlapsing


經過三個月的審訊,案件現時已聆訊完成,押後至7月宣判。

或許在兩年前,我還會認為「有得打」。畢竟控方證據薄弱,就連拘捕我的警員也消失得無影無蹤,從來沒有出現過。而確實這兩年也偶有一些脫罪個案,例如中大11.12案就有兩名被告裁定罪名不成立,理由為控方「未能證明被告在言行直接或間接參與暴動」。

但自從上年11月的終審判決,何謂「參與」進一步被釐清,而律政司也好像打了支強心針般,知道無需要實質舉證也能定罪,連以往那含糊脫罪的空間也不復見。今時今日只憑一個人身處現場和擁有「一般示威者裝備」就足以讓法庭推論至毫無合理疑點。涵蓋範圍之闊,讓最近的判決幾近百分百入罪。

大勢至此,只能有所覺悟作出最壞打算。

這包括做好入獄的準備,例如書單、探訪名單、物資等。而Patreon也是我想透過這兩個月的空窗期建立好的一件事情。當我想像自己未來三年都會在牢中度過,其中最擔心的必然是孤獨感和終日重重複複的生活。那種心理上的拆磨我相信非現時所能想像。就算準備再好,再叫自己如何坦然面對,當真正步入監倉時那份恐懼和不捨定必很痛苦。這時候書寫文字確實是一個很好的心理出口。用文字整理思緒,再與你們分享,藉此與牆外世界連繫。

同時間我也要老實,經營Patreon是為了未來三年都有些收入,不至於歸零。就算每個月幾千元,以三年計也是一筆可觀的數目。更何況本來坐監也要用錢,進修、讀書、報紙雜誌、日用品等等。

自從畢業後就一直在拍YouTube,幾年來有幸能以自己所長拍片為生,也慢慢開拓了不同領域,例如旅遊。同時也有努力做好自己的CV,經營製作公司,拍過各式廣告也有固定客戶。本來26歲這仕途才剛起步,未來也充滿很多可能性,卻在這時候開始了一場漫長的官司。曾經想過要是僥倖脫罪,我會離開香港旅居拍片。我夢想三十歲前環遊世界,當個digital nomad一邊旅行一邊拍片。這種digital nomad的生活型態其實在外國見慣不怪,在現今自媒體世代也很流行,很多我喜愛的創作者也是以此方式邊生活邊創作。這種生活就算只有一年也足以無憾。

現在轉而執筆是從來沒想過的事。我非文字工作者,墨水有限。同時也沒想過要在公共領域如此貼近政治。美麗新香港下就算Patreon寫文也得小心,同時若果這個僅餘無幾的空間未來被「整頓」也不是什麼驚奇的事。即使如此,也想透過這裡好好寫字,繼而梳理自己與這座城市千絲萬縷的關係。比起隱藏創傷,假裝坦然,或許寫出來更能真正面對。

➡️Patreon - https://www.patreon.com/aumanyick

Auman


1-5-2022(第一百二十三日)⭐️日
1. 有啲倉友會叫倉做屋企,佢哋同我講的話我會話:「個到只係監倉咋,我屋企唔係嚟到。」
啲囚友嘅刑期都無我咁長,佢哋前幾日同我講坐咁耐好難捱,我話:「我嚟體驗下坐監生活。」-v-
坐監,係由細到大成人對小朋友嘅恐嚇,係電視劇嘅誇大手法誤導。其實好普通,如同入咗寄宿黑工工廠XD
包3餐,仲衰過黑工嘅人工,打風落雨都唔驚,所以理解點解有人故意犯法嚟坐為免三餐不繼。
有時都覺得難捱,但覺得浪費時間難捱啲,要用盡我係到有嘅時間。依家報緊course進修下。(雖則好貴😣)每朝都抽時間同字典共處溫生字XD 夜晚當然係做運動同回信~
我希望係為自己有得著咁出冊,我亦將捱嘅時間盡量減低。好好裝備自己。Minion問過我:「你係出面係咪都咁鍾意學習?」😆我表示學嘅嘢唔同,我比較好動。過去2年學識咗定點射擊,射箭,獨木舟個啲等等。未來2年就拎起書~
願我能堅持到底,嗯嗯!
我嘅計劃:
起身:溫生字➡️返工➡️下午:讀書(之後打算申請下午唔返工)➡️夜晚:寫信,運動
作為一個向來都隨心所欲嘅人咁有計劃制定恆常,真係想笑XD

2. 啲字努力靚咗㗎啦,都睇唔到嘅話,戴眼鏡啦!😆
有覺得靚咗麻煩讚我!讚我啊!無就唔洗話我知-3-

3. 有囚友整咗蛋糕分享我食~好好味!佢話聽日再整嘢我食~Happy❤️

4. 今日磅咗豬,輕咗少少only😣 已經是全期數最輕嘅人,係我輕定大家重😰

Local Yeah本土野


誠徵二手書
交收/郵寄地點: 北區
(詳情DM)

收:
-人文史地
-圖文/漫畫書 ( 唔好美食)
-自然科學
-社會科學
-小說
-期刊

不收/ 需除去
-硬皮書、線裝書、釘裝
-劃花塗鴉、簽名、貼紙、金粉
- 不可有色情、暴力等內容

shirleyswine_2.0


30-4-2022(第一百二十二日)⭐️六 ☁️
1. 今日係不斷清潔嘅日子,朝早係倉負責拖地,係工場上午洗一次廁所,下午洗一次廁所。返Day room洗風機,再洗地。
由頭濕到落腳,又熱又攰又污糟。⬆️洗風機前要撩塵出嚟。我負責爬上去整,整個人都係塵-^- 而我今日排最尾沖涼,惟有坐係到寫下信等下先~

2. 最近返工嘅口頭禪:「我好肚餓!」
唔知點解一做嘢就餓,肚生蟲!五月五先出糧😣

3. Minion有日問我:「監獄有無咩術語or講嘅嘢?」佢就走想學。
因為我哋嚟到無人會講,我都無再用~每日都諗起先教佢~咁就同大家介紹埋:
「Black叻Jack」—— 我唔識解釋,佢哋會講:「屙到Black叻Jack」,我淨係知源於Black Jack。
「拖嘢」—— 指係飯堂偷袋嘢返倉,例如:「有無拖嘢啊?」⬅️姑娘問
「乜」—— 係我哋隻杯嘅叫法,例如:「有無見過我隻乜」
「手袋」—— 房用嘅水樽,例如:「記得拎手袋」⬅️即係拎水返倉
「細毛」、「中毛」—— 毛巾,細同中size之分。大毛呢?沖涼毛巾~但唔叫大毛~
「米笠」—— 大腩先有嘅米色衛衣
「貓」—— 收音機,例如:「有X X聽,快啲聽貓」
「大貓」—— 中央廣播收音機,例如:「今晚大貓又係音樂情人」
「貓糧」—— 電池,例如:「我隻貓要食貓糧啊!」
「貓鬚」—— 耳筒,例如:「仆街貓鬚斷咗!」
「美金」—— Tempo紙巾,例如:「嘩,你咁奢侈用美金嘅?」
「贏」—— 書,例如:「有無人借贏啊?」
「襯」—— 仇人/ 有仇,例如:「依家係咪同你有襯啊?咁大整古?」
「老細」—— 正莊姑娘,負責我哋期數der
「糧袋」—— 一個出入用嘅白色透明袋,放自己物品帶出倉。
「磅豬」—— 磅重~
講住咁多先~唔記得了XD

4. 依家先知5-10年監禁有下限,個下限認咗居然無得扣3分1。不理解。

Local Yeah本土野


29-4-2022(第一百二十一日)⭐️五 🌞
1. 有一日,我悟透咗一件事。我好嚴格,好多嘢我都認為係common sense。
但發現唔係,我太理所當然,記得以前工作都比老細s話過。
個陣未參透,依家明了。所以有日我寫低咗係我本記事簿到提醒自己,卻發現執行起嚟好難。😣
好似今日有個坐左9個月嘅倉友問:「個垃圾袋放邊?」我嚟咗第二日已經記得係邊到放,忍唔住講:「連我都知放邊喎!」佢扔低個袋:「咁你擺」個下忍唔到:「咁我出埋你份糧好唔好?」佢就走咗去了。我本身諗住睇返佢去放,但諗諗下,我記得唔等於人哋記得,亦諗諗下放個袋咁小事我係咪有必要話佢,最後我拎咗去放。
我諗有排先做到做人唔好咁嚴格,淨係睇佢哋9成人洗手唔用洗手液,我到依家都努力緊接受。
今日亦有另一位越南囚友(下稱A)推我,差啲仆直,佢已經唔係第一次。
少炆,佢唔識廣東話交流唔到。我同比較熟嘅越南囚友B講。
B:「大家文化唔同,你就下佢啦。佢邊到識?」我以為佢講地方文化差異。
我:「推人就唔啱啦!越南文化興推人㗎咩?!」
B:「人哋係農民,識嘅嘢唔多嘛。」
雖則我重係唔認同佢推人嘅行為,我每次都比佢好大力推開。但我的確無諗過人哋嘅出生,人哋接受嘅教育,我淨係認為唔啱,而無思考背後嘅原因。

Local Yeah本土野


為男手足徵筆友
*徵筆友的他現時身處成人監獄

手足背景/興趣如下:
🔆讀土木工程
🔆可與他研究物理、心理學、哲學
🔆最想做無國界工程師
🔆鍾意儲消防車、St. John車、工程車、戰艦模型
🔆鍾意睇天文書、歷史書、工程書
🔆鍾意思考
🔆鍾意數學丶計數
🔆鍾意捉象棋、黑白棋
🔆鍾意玩GTA、戰艦Game、神魔之塔

Pls DM @fung1seon3zi2
搵夠就del story🙏🏻💛


【傑仔猛話好肚餓,有無嘢食】
由於加名入探訪名單的問題,傑仔判囚幾日後,朋友才能在荔枝角探到他、入物資給他。
隔住玻璃窗,一手提起電話,傑仔已急不及待問:哎呀,xx,你有無帶嘢食黎啊,好肚餓呀!
朋友:咩嘢食呀?
傑仔:餅干啊
朋友:果啲物資呀,判刑後就無架啦,還柙果啲先有架。
傑仔:我好肚餓呀,D飯好難食呀。
朋友:難食都要食架啦,無辦法呀。
朋友望到傑仔好失望的樣子:你無論如何閩要食飽個飯呀,一定要食呀!
傑仔:哦~
荔枝角D飯難食,全銀河系都知,幸好傑仔好快會過界到其他監獄,到時情況會好D。

如果大家想支持傑作渡過呢個難關,歡迎訂閱他的patreon:
https://www.patreon.com/kitjaihker

kitjaihker

20 last posts shown.