被捕人士收信部

@youarenotalonehk_mailbox Нравится 0
Это ваш канал? Подтвердите владение для дополнительных возможностей

公開信報料: @youarenotalonehk_mailbot
【關注組】 @youarenotalonehk
【直播台】 @youarenotalonehk_live
【資訊部】 @youarenotalonehk_info
【搜證部】 @youarenotalonehk_evidence
【收信部】 @youarenotalonehk_mailbox
Гео и язык канала
Китай, Китайский
Категория
не указана


Гео канала
Китай
Язык канала
Китайский
Категория
не указана
Добавлен в индекс
16.12.2019 03:02
реклама
TGAlertsBot
Мониторинг упоминаний ключевых слов в каналах и чатах.
SearcheeBot
Ваш гид в мире Telegram-каналов
Telegram Analytics
Подписывайся, чтобы быть в курсе новостей TGStat.
6 777
подписчиков
~1k
охват 1 публикации
~6.5k
дневной охват
~7
постов / день
14.8%
ERR %
69.5
индекс цитирования
Репосты и упоминания канала
1570 упоминаний канала
819 упоминаний публикаций
1988 репостов
p2i電光石火計劃
p2i電光石火計劃
DirectX@HK
DirectX@HK
屯門安全哨兵
DirectX@HK
每日警暴實錄
被捕人士資訊部
p2i電光石火計劃
p2i電光石火計劃
p2i電光石火計劃
被捕人士資訊部
All-In-One 資訊集合平台
All-In-One 資訊集合平台
All-In-One 資訊集合平台
All-In-One 資訊集合平台
被捕人士關注組
義士關注組
p2i電光石火計劃
p2i電光石火計劃
All-In-One 資訊集合平台
All-In-One 資訊集合平台
All-In-One 資訊集合平台
Каналы, которые цитирует @youarenotalonehk_mailbox
T.N.T.X. 牆內分享平台
囊螢
囊螢
囊螢
囊螢
囊螢
囊螢
囊螢
囊螢
囊螢
T.N.T.X. 牆內分享平台
囊螢
囊螢
獨立媒體 inmediahk.net
T.N.T.X. 牆內分享平台
囊螢
囊螢
囊螢
囊螢
囊螢
囊螢
T.N.T.X. 牆內分享平台
囊螢
星火同盟 抗爭支援
囊螢
T.N.T.X. 牆內分享平台
獨立媒體 inmediahk.net
囊螢
星火同盟 抗爭支援
囊螢
囊螢
被捕人士關注組
星火同盟 抗爭支援
T.N.T.X. 牆內分享平台
Последние публикации
Удалённые
С упоминаниями
Репосты
被捕人士收信部 27 Sep, 14:00
【一個物品的故事 - Give me 5】

香港言語治療師總工會主席黎雯齡 (Lorie) 及其餘 4 名成員現被控「串謀刊印、發佈、分發、展示或複製煽動刊物」,縱使身處牢獄,Lorie 仍未有絕望。在 8 月 29 日的家書中,她突然畫上一雙手掌,掌上寫著「Give Me Five!」

Lorie 在信中未有解釋為甚麼要畫上手掌,所以當我們到獄中探望她的時候,她才解釋指是雖然分隔兩地,但都希望可以給香港人加一點力量,才在信中畫上自己的手掌,喻意香港人不要灰心,要一起「Give Me Five!」

#羊村繪本案 #GiveMeFive #職工盟展覽

職工盟
Читать полностью
被捕人士收信部 27 Sep, 12:00
To我愛的XXX:

小弟因為發生左啲事,正喺到68B(單獨囚禁),同鎖水記唔同,68B係有福利。知道Lester一直都喺68B,收到佢嘅文章話睇唔到奧運好可惜,68B嘅生活,除咗Lester之外,好多手足亦體驗緊,只係今時我變為其中一員,當係可以身同感受吧,幸好係,小弟仲有個半月就拍,68B只係個半月嘅時間,可能因為期數中嘅手足都拍晒,全張枱只淨下小弟一個,反有一種空虛嘅感覺。依家68B⋯反而有種自得其樂,鬆一口氣嘅感覺,可能係因為可以遠離是非,唔需要同無謂人打交際吧。如果喺啱啱入冊之時要68B,小弟定必感痛苦要一個鍾意熱鬧嘅人68B我腦海中只能浮現「痛苦」二字。如果兩年前同我講我會enjoy 68B,我一定會話痴線⋯

喺68B入倉一刻發生咗一件小插曲。因為68B係有福利,可以keep住隻收音機,小弟第一時間拎收音機出嚟試下收唔收到。結果⋯行勻晒全倉,每一個角落,連馬桶都試埋,都連丁點聲亦收唔到!嗰下個心立刻慌晒,好似落入水潭一樣,我諗當初被捕第一次上Court時都冇咁緊張。心諗「仆街!68B冇歌聽!」最後當然解決咗。不過嗰一刻我就知道,收音機,唔係,係歌對我有幾重要。記得細個睇過一本繪本,故事講一個老伯伯好鍾意聽收音機。有一日,老伯伯收音機粒保險絲燒咗,佢就拎住粒壞嘅保險絲去大電器舖打算買粒新嘅。點知個店長話「依個時代仲邊有人聽收音機?個個睇電視啦!」立刻推介伯伯買電視。老伯伯睇完電視就入咗魔,從此就專注喺電視節目上,唔同人交流,為咗可以同時睇唔同嘅台,洗晒儲蓄去買電視,甚至賣走自己屋企嘅花園。如果依本繪本係依家先推出,「主角」應該唔係電視,會係電話吧。

從68B,小弟就知道,寧願冇電話都唔可以冇收音機。有時真係要去選擇時先會明白乜嘢先係不可缺少。我諗電視同收音機唔係重點,重點係其中承載咗啲乜。我會揀收音機唔揀電視原因係收音機承載嘅歌。有時候真係要靜落嚟先會清晰,太多衝擊亦未必好事。正如喺出面嘅日子,拎住手機,大把歌聽啦!偏偏係「大把」,反而唔去珍惜,聽咗成年《出走》都唔知係陳蕾唱。或者依個就係「太多」嘅缺點。拎住手機,以為乜都知,睇到好多野,大把Friend Whatsapp,到冇手機喺手,安靜落嚟先發現,過往睇新聞只係記得標題,冇一個Friend搵自己,而身邊有人生日都唔知。原來,靜,亦唔係壞事。可能真係要靜一靜,先會見到事情嘅本質,而唔係載體。

尚千赴戎
木何懼火

08-09-2021
—————————————
Patreon: https://www.patreon.com/wood_wordbeyondwall
Facebook: 尚千赴戎 木何懼火
Instagram: Word.beyond.wall
MeWe: wood_wordbeyondwall
請大家多多支持🙏🏼💪🏻❤️
Читать полностью
被捕人士收信部 27 Sep, 10:00
好耐都冇update過譚生近況,佢一切安好,有時間做下運動,健康左😅😅

Solo's Soap & Groceries
被捕人士收信部 27 Sep, 08:00
【 「我係中國人呀hi~」「我唔係中國人呀bye~」 】

//早幾日,我哋3個B仔同個頂更老細吹水,佢知道我哋呢個期數多社運case,所以就無可避免地展開咗一輪嘅「國民教育」。內容不外乎都係嗰啲嘅陳腔濫調:「英國人喺教育制度入面做咗唔少手腳去洗你哋腦」「啲年青人唔讀書去搞事」「(講緊政治犯)佢哋有佢哋嘅追求,冇嘢㗎,啱!但唔好搞到人吖嘛!」「(講緊毒犯)冇計㗎!都係搵食啫,唔係個個人都有學歷有能力撈正行嘛!」⋯⋯諸如此類,不能盡錄。我哋3個都冇好認真看待佢所講嘅說話,除咗偶爾回以一句佢未必能夠察覺到嘅諷刺之外,我哋嘅回應就只有沉默——佢都唔係第一個咁說教嘅老職 ... ... //

全文請見Patreon
https://www.patreon.com/posts/56561721

建築生的鐵窗手記
Читать полностью
被捕人士收信部 27 Sep, 06:00
「中秋節⋯⋯快樂?」

22 September 2021

先補祝一句中秋節快樂,今年嘅中秋節都過得幾不快樂,唔係因為自己身處牆內(其實本身喺出面本人既節日感都唔係特別強,加上都預左黎緊好幾個節日都要喺入面過,所以心情都尚算平淡),但當睇到賢學思政出事之後,心裡實在好難受,尤其從新聞片段目睹王逸戰被捕時神態自若嘅表情,佢嘅豁達同dedication令我好想喊,尤記得當初佢曾經講過:「賢學思政嘅存在就係為左踩紅線」。從王逸戰身上睇到嗰對肯定,從容嘅眼神,同鄒幸彤被捕喺車上嘅笑容,係如出一轍,有啲人真係說到做到。至於賢學思政被指控變本加厲地向相同信念嘅在囚人士派發物資以招攬追隨者,本人對於當中嘅邏輯同證據,除左黑人問號同充滿疑惑之外,實在不想多講。

置身於如此動盪時代,適逢中秋節最啱講啲老土說話,我地可以做而且需要做嘅就係好好去愛你身邊每一個人,因為未必每個人都可以喺呢個人月兩團圓嘅日子同家人相聚,有人甚至要喺中秋節正日面對第一日還押嘅不安同未知。近日喺解悶上睇到一篇文章名為「在暴政年代,讓我們瘋狂而真誠地去愛吧。」,當中有一句「在暴政年代,真摯的愛是危險的、自由的愛是危險的、瘋狂的愛是危險的」,very well said,好想同大家分享。當面對紛亂而不知所措時,或者回歸最基本,去學習甚麼叫愛is what we have to do。愛係獨特,個體化,人性化,不受控制,亦所謂「危險」嘅思想同體驗,為未來帶黎無限可能性,亦教我地學習即使好人不一定有好報,都堅持做一個正直善良嘅人;即刻愛帶黎傷害同犧牲,都不計較地去愛。

講完咁多突然覺得自己瞬間大愛左膠ed,只不過覺得當大家都被無力感、疲倦感所輾壓時,或者諗得簡單少少,好好去愛自己、愛身邊嘅家人朋友、愛呢個世界、愛同住呢個地球上嘅其他生物。我都明白知易行難,但起碼我地需要有個awareness去學習何謂人性、何謂愛。

最後衷心祝福各位安好,好好生活,好好思考,好好去做一個「人」。

U

#公開信
———————————————————
See more on Patreon👉🏻 www.patreon.com/walkwithu/

walkwithu__
Читать полностью
被捕人士收信部 27 Sep, 03:37
Репост из: T.N.T.X. 牆內分享平台
【被捕之後】

大家好,我諗大家應該都唔知我係邊個,但大家願意當我係手足當我係一份子我都好開心,今次呢封信我只係想簡單分享下自己係呢2個多月係牆內嘅時間相比起好多其他手足只係好少,但對我黎講已經覺得好耐,由一比人拉左就直通車到依家,成件事真係好突然,完全冇心理準備,最一開始成個人都覺得好無助,完全唔知點算,但好彩嘅係呢個陌生嘅地方大家都對我好好好照顧我,包括手足同其他人,講真個句我對監房嘅認知就係從電影再加少少自己嘅幻想,但好彩都冇想像中咁差,最深刻嘅事暫時係左係一間小強房,D小強真係多到我唔夠膽訓,我驚一訓醒成身小強(諗翻都驚)。同有一件都好深刻嘅係夜晚訓唔著,然後我就望住一隻小強爬左上我位熟睡中嘅室友頭上,(但我冇提佢)會唔會好衰,哈哈! 不過呢度最辛苦嘅係有好多人會比意見你,但其實佢地對案情唔知頭唔知尾咁,雖然我都係聽左就算,但無可否認心理上都會受到影響。一開始就情緒就只有不安感,對家人同女友嘅思念和對未來未知嘅不安感同壓力都壓得我好辛苦,壓到我想放棄,依家就習慣左好多。好快又會再次上庭雖然都知保釋唔到,但都係會有種緊張感同心存希望嘅心,而都會試高院保釋希望成功啦。最後我想係度多謝我家人同我最愛嘅女朋友,冇佢地一直咁支持我,我諗我都唔可以寫到呢封信,都多謝有份係牆內顧我嘅人。聽聞有人支持同留意我寫嘅故事,我唔係專業小說家讀書又唔太好,就只係中意寫下故事FF下,所以文筆唔係咁好,感謝各位嘅支持,我會努力D架啦。

By 火鳥

~~~~~~~~~~~~~~~~~~
各Tier分享內容相同,讀者可以按心目中價值加入
❤️‍🔥 Patreon: patreon.com/tntx ❤️‍🔥
TG: t.me/tntxplatform
FB: TNTX牆內分享平台
IG: @tntx.platform
Читать полностью
被捕人士收信部 26 Sep, 17:30
【見字煲湯🍲】

嘉蔚:秋天嚟緊喇,天氣會乾燥,得閒煲下湯水俾家人滋潤吓,煲多咗嘅就請埋隔籬鄰舍飲啦❤️

Miss You all 田灣嘅街坊⋯記得要多D關心身邊嘅人喔!

(admin:謝謝大家最近對嘉蔚的關心,未能一一回應,只能如嘉蔚常言,大家都要照顧好自己。)

—————————————————
💪Patreon支持Tiffany在囚支援:
https://www.patreon.com/faanhouABC
📨寫信俾Tiffany:
九龍中央郵政局73962號


袁嘉蔚
被捕人士收信部 26 Sep, 15:45
我終於可以答大家: 有呀,有新消息啦。琴日收到信呀😊雖然無乜特別野,但收到信都好開心🥰

不過,做乜又畀功課我做呀😣自學西班牙🇪🇸同日文書籍教材😫盡力啦。我都期待可以探你嘅一日。

之前,寫咗信畀佢嘅朋友仔們,可能要再等下先,今次未有其他回信🙇🏻‍♂️希望佢係有收到啦。

#save12hkyouth #standwithhk #天佑香港 #bringthemallback #我們不只一個數字

YAN's Lego Brother
被捕人士收信部 26 Sep, 08:23
Репост из: 囊螢
被捕人士收信部 26 Sep, 08:23
Репост из: 囊螢
被捕人士收信部 26 Sep, 08:23
Репост из: 囊螢
是次報到形式有所不同,由某個地方警署轉去了警總。經過了若干小時的煎熬(協助調查),我終於重生了!但迎接而來的,卻是一場大驟雨⋯⋯

鞋底跟我一樣的極度不爭氣,回天乏術,自行分體⋯⋯

在這天雨路滑的情況下,我的遭遇 : 甩底波鞋,沒有雨傘,店舖打烊 ......

心裡那一團都不知道是怒火抑或是淒涼......

睇人仆街最開心,究竟我有沒有一仆一碌還是上演了一場赤腳真人show! 請大家移師到我的Patreon尋找答案。

**每一步真的越來越艱難,請大家可以多多支持我和其他手足的Patreon**

==================
💥💥Patreon: patreon.com/lumos_hkers 💥💥
TG: @lumos_hkers
FB: https://www.facebook.com/profile.php?id=100071666506239
IG: https://www.instagram.com/lumos_hkers/
Читать полностью
被捕人士收信部 26 Sep, 05:00
大家有留意開三粒星都會知到6/9佢哋正式轉charge,面對呢d荒謬嘅控罪,其實都唔知講乜9嘢好。但唔等於我哋要放棄,咩都唔做。

我哋可以陪住三粒星一齊行!

你願意承諾一路同佢做筆友,到放學時,一齊食餐飯嗎?

Admin應承你,出返嚟你想食咩都陪你食,除左屎!

⭐️⭐️⭐️(admin os 😮‍💨)

Hay yo~真係轉左了 LOL呢兩條罪真係😑我都有少少懷疑我係咪真係TR3(玩過CS嘅俾個5我!) 聽到真係得啖笑~雖然我六月已經知佢哋會轉呢條charge,但係 LOL...

我諗返我一路以嚟我嘅夢想明明都只係帶住我嘅小路痴大寶貝(有請Apple~~~ )兩個人手拖手環遊下世界咁簡單。點不知一年過去我個名竟然係咁喺不同場合下不停出現😑我一世人嘅軌跡就咁行咗去一個冇人估到嘅路線度...如果我嘅人生係一本小說,我相信我前20年絕對悶到冇人睇到落去 LOL到底係乜原因呢...竟然變成咁 LOL

嗱,大家唔好以為我頹緊吖,其實我一啲都冇得黎仲有啲樂觀tim!我只係感嘆緊我嘅人生原來可以咁跳脫咋☺️BTW,我有個新諗法@@ 過幾年出去之後同所有仲有聯絡嘅筆友都食餐飯😝但由於財政狀況欠佳關係!係AA㗎!!!原本都諗住講單趣聞,但好似唔係好啱timing,下次先!hhh再傾😄

📣📣📣patreon會出多封信關於謙謙保釋唔到去送佢嫲嫲最後一程嘅原因,請大家多多Subscribe!

#saamlapsing
#三粒星

三粒星 saamlapsing
Читать полностью
被捕人士收信部 25 Sep, 14:00
【唔俾畫連豬,咁我唯有出貓lor…】

今朝被人接見,大約原因係話我寄出去D信封同信封有問題,理由係處方話「連豬」/「豬」係政治性動物,總之信封上面有隻豬就唔寄得咁,之後沒收哂D信封咁,(但信件同郵票有比返我),之後我畫左一個信封,我竟發現我畫唔出野!

睇黎過往呢一年我太習慣依賴使用連豬進行創作,所以!今日要進行「大創作」,我會一口氣設計未來主要使用既角色,大家可針對呢D角色比一下意見,目前會集中處理Q版角色為主,題材依然會取自動物。(其實係我懶,Q版快靚正XD)。

希望大家留言中意邊隻la,順便可以比個名佢地XDDD。

我發現原來當太空泛時,係咩都畫唔出,但有一D「刺激」既時候,先有靈感,或者係當我不再畫連豬時,先可以留意到,「原來仲有咁大空間」。

或者大家投個票最鍾意邊隻,我以後用個隻畫:]

#連豬
#投票
#黑箱操作

-----------------------------------
如果大家想支持文浩,歡迎訂閱、追踪:
patreon: https://www.patreon.com/manhoinjail
FB:文浩的365日
IG:manhoinjail

文浩的365日 manhoinjail
Читать полностью
被捕人士收信部 25 Sep, 14:00
被捕人士收信部 25 Sep, 14:00
被捕人士收信部 24 Sep, 17:30
賢學思政成員被捕:為國安法又再訂立新紅線

//今日係9月20號星期一,係迎月嘅日子,聽食皇家飯嘅囚友講今晚晚餐有雞髀食,大家都覺得好驚喜同開心。喺監倉先可以因為咁簡單嘅嘢而滿足喜悅,都唔知叫幸運定悲哀。聽講過年嗰陣都會再有雞髀食,即係每年除咗兩隻雞髀同埋應該仲有一餐臘腸之外,其餘時間嘅飯菜都係食返不斷循環嘅餐單。所以我真係好珍惜而家還押期間嘅每一餐私飯,雖則同出面相比都好難稱得上珍饈美味,但肯定都係到我只能夠食皇家飯嘅時候會懷念嘅味道。就以雞蛋為例,我今日早餐有炒蛋、晚餐有蒸水蛋食,喺外面都係好平凡嘅食物,但當你知道將來唯一有機會食到嘅蛋係烚蛋,就會非常珍惜一切看似普通嘅食物。聽日聽講有月餅派,我都好期待。(小編按:所以真係好感謝大家繼續留喺度支持佢!✊🏼🙇🏻‍♂️)

本來香港政治界都努力進行緊新舊交替,大批對呢個城市嘅未來充滿想法嘅年輕人已經準備接替上一代政治人物為香港付出。但而家唔單止呢一代年輕人已經被國安法下嘅紅海一網打盡,連再下一代準備催生出嘅新火苗都被撲滅,講緊嘅當然係今日被捕嘅賢學思政。

按照喺電台聽到警察國安處嘅講法,賢學思政涉嫌嘅罪狀包括呼籲香港人唔好用安心出行並且填假資料、呼籲港人習武以準備下一場抗爭、喺旺角設立會址畀追隨者進行小買賣同展覽、有系統向相同理念在囚人士提供物資以招攬支持者等等。

我認為今次國安處嘅講法係值得留意嘅,以往我哋理解一個人犯法,包括國安法,都係講緊某一個特定嘅行為犯法,警察會因為嗰一項特定嘅違法行為去調查、拘捕,乃至檢控。例如一夥人去打劫金行,就針對打劫呢件事嘅策劃、執行到分贓咁去查。喺國安法語境下,犯法嘅可以係嗌一句口號、舉一支旗、參加一場初選等等,都係某項特定行為。

但今次賢學思政並唔係因為做咗某一項特定行為而被捕,而係成個組織被定性為一個危害國家安全嘅組織之後,佢做嘅所有有助壯大組織或者宣揚組織理念嘅嘢,都自動成為罪證。上到法庭要定罪就只需要證明:
(1)呢個組織嘅綱領或宗旨係危害國家嘅;
(2)呢個組織喺國安法生效後仍然有運作;
(3)被告係呢個組織嘅活躍成員。

呢個方法比起要慢慢證明被告某個行為點樣顛覆到個政權或者分裂到國家容易得多,亦好容易照板煮碗用係打擊任何黃絲公民團體嘅成員,只係在乎佢下個想搞邊個,大概都係會槍打出頭鳥,邊個仲敢搞任何野就拉邊個。//

📌 全文:劉頴匡Patreon
Читать полностью
被捕人士收信部 24 Sep, 17:30
被捕人士收信部 23 Sep, 16:30
To我愛的XXX:

最近幾年葉巧琳出咗首新歌《怪物》小弟瘋狂share俾筆友,一聽就愛上。之前講過,鍾意嘅歌,係因為有共鳴,聽住《怪物》嘅歌詞,心諗「根本係講緊自己」(有睇小說應該會明)。葉巧琳雖然係造星3嘅參賽者,但小弟真正留意係佢《浸浴》嘅時候。一開始聽《浸浴》覺得冇乜特別,聽多幾次細心留意,估唔到《浸浴》係如此安慰到囹圄之中嘅心情。

香港地少,唔係家家戶戶都有浴缸可以浸浴,不過必定有試過喺一日做嘢做到好辛苦,夜晚返屋企,一個人喺廁所,閉上眼,搵花灑淋自己,好似一日嘅辛酸都被洗滌走。小弟喺出面經常咁做。相信每人都擁有一啲洗走辛酸嘅儀式,有人對海大叫,有人搵樹窿,有人用花灑淋自己。每一個人都有「我想清洗肌膚剩餘的黑色素 重新上路」嘅方法。可惜依種方法喺牆內唔係太有用。無時無刻都有人喺身邊,根本唔會有喘息嘅空間,想搵花灑淋自己?唔好意思,計時㗎。依種儀式,重視係轉化,要FF一切壞事被帶走,告別過去,接受新自己,係象徵性行為。小弟依20個月就係用903《廣東爆谷》片尾曲「吸一口氣 慢慢呼出轉機 為明日爭一口氣」作為「儀式」。

可惜,儀式唔係成日Work。監房嘅負面情緒可以壓到一個人變形,面對嘅事太多。想逃離壞情緒?想解決問題?一切都「觸得到又只有霧薄弱到像番梘泡」呀迪同我講過,唔好妄想喺入面解決問題,可以做嘅只能舒緩問題。幾咁無力嘅一句。可惜,依個係事實。保持感覺會難受無助,拋棄情緒會行屍走肉。每多一日,可以話多一點黑暗略蝕自己。尤其係拜山,其實每一句每一個看似微不足道嘅行為都對牆內人影響好大,只係你睇到同睇唔到嘅分別。

記得睇過《Rick and Morty》有一集有一部洗滌機,可以吸走人所有負面嘅事。可能每一個出冊嘅人都需要一部洗滌機,洗走牆內產生嘅「黑」。如果話一件事係監房之中可以做洗滌機,必定係音樂。因為有歌先可以「拾回活著的知覺 是有血有淚」,令牆內不至行屍走肉,或者沉喺黑暗之中。其實監房除外係社會縮影。跌倒,失落,染黑,漂白嘅過程不斷輪迴。喺入面,成日會講一句話「好想屌晒全世界!」,而講完依句繼續向前。隔住玻璃,同牆外關係「當擁抱親切度薄弱過番梘泡 無論惡補怎惡補 反正都不會得到」,根本係任人魚肉。小弟親眼見住唔少山盟海誓隔住玻璃被消失。隔住玻璃難道有得「say No」?十五分鐘又挽留到啲乜?若果冇洗滌機,叫佢哋出冊後如何再相信承諾?牆內誰大誰惡誰正確,難道出冊後會自動放棄叢林法則?監房就係大染缸,染黑係必定。問題係有幾多人可以漂白。

《浸浴》小弟認為最神奇嘅地方,係看似有答案,其實係冇答案。卻能意外地成為洗滌機。「更改新的造型比舊日還好」(舊去新)「回復我的好」(新回舊),兩句歌詞其實係矛盾。到底新嘅自己好,定係舊嘅自己好?喺經歷完負面後,係新自己洗走黑色,只留返好嘅自己。新同舊其實冇衝突。負能量未必係壞,每一次負能量來臨,好似打散自己再重組一樣。當然,有人從始變黑,但亦有人蔥此脫變。我諗最重要係「想快樂 想快樂 切勿望穿秋水」,唔好太嘗試去捉住,唔好諗一定要解法,唔好「為愛太過累」。監房就係要學習喺解決唔到時,放鬆,或者舒緩,已經係一種解決(相信唔止係牆內)。洗滌儀式都需要自己肯去放下,肯去被洗走先得,唔係死抱住身上嘅「黑色嘢」,浸幾耐浴都冇用。

現實中冇可能神奇地經過浸浴,就能「融化了眼淚」。其實嗰部神奇外星洗滌機正係每人心中,每日淋上新顏色,再沖洗,又淋上新顏色。留下或者選擇留下嘅就係新嘅自己。不過點都好,出冊真係好想「洗吧洗吧 溶化我過去」,嚟埸久違嘅浸浴。

尚千赴戎
木何懼火

29-8-2021
—————————————
Patreon: https://www.patreon.com/wood_wordbeyondwall
Facebook: 尚千赴戎 木何懼火
Instagram: Word.beyond.wall
MeWe: wood_wordbeyondwall
請大家多多支持🙏🏼💪🏻❤️
Читать полностью
被捕人士收信部 23 Sep, 15:00
🥚糾結🥚

一年前嘅猶豫不決,一年後嘅今日終於有定案。

糾結咗兩年嘅問題,今日阿蛋決定——認罪。

現階段唔敢代表阿蛋講太多,只知道要下呢個決定,對佢嚟講真係唔容易。

兩年嘅還柙,當中所承受嘅煎熬,內心要幾強大先可以撐落去?我真係唔識講⋯

今年12月5號,將會係阿蛋喺獄中渡過第3個生日。
過去兩年,我只會同阿蛋講「平安就好」,相信今年都唔會例外!

********
如果大家想寫信俾阿蛋,可以寄到:
九龍中央郵政局 郵箱71488號

和蛋做筆友~
1.請附上一個貼上郵票及寫上回郵地址嘅信封。
⚠️請不要在信中寫上回郵地址⚠️

2.如不方便以住址作為回郵地址,可在信內另外用紙寫開E-mail或Telegram ,收到回信後將會聯絡。

3.和你寫~
收到信後,會直接寄到監獄。

所有格式及寫信條件,請參考燕子生命或一釋尚存,謝謝大家🙏🏻

#燕子生命
#一釋尚存

~~~~~~~~~~~~~~~~
Facebook :ArDaan
👇🏻如想繼續支持手足,可按心目中價值加入👇🏻
Patreon: www.patreon.com/ArDaan
~~~~~~~~~~~~~~~~

阿蛋 ar_daan_
Читать полностью
被捕人士收信部 23 Sep, 13:45
有信收呀,見到自己就PM我啦!

秋天的懶蟲 _
Winnie_
Auntie LuLu_
CoCo_
茱_
Bowie_
Esther_
Hestien_
Bunnny_
茉莉豹鼠_
文謙堂家姐_
Qunnie_
晴天娃娃_

三粒星 saamlapsing