香港言語治療師總工會 資訊發佈


Гео и язык канала: Китай, Китайский
Категория: не указана


本頻道由香港治療師工會的理事運作,用途為發放工會資訊。
若會員期望向理事表達意見,可pm @guhkst、電郵至generalunionhkst@gmail.com 或Whatsapp 5607 3858。
頻道連結:https://t.me/TheGUHKST


Гео и язык канала
Китай, Китайский
Категория
не указана
Статистика
Фильтр публикаций


喺琴晚舉辦嘅專職醫療專業交流會已經圓滿結束。感謝香港物理治療師職工總會 The Hong Kong General Union of Physiotherapists同埋 香港職業治療師工會 The Union of Hong Kong Occupational Therapists嘅兩位理事為我哋講解同ST相關嘅專業議題🙏🏻亦感謝各位會員撥冗出席。

會後亦有部份會員留低同理事討論工會嘅未來動向,如果各位同工有仼何議題想再作商討,歡迎隨時聯絡我哋。


招募下任理事

工會成立將近兩年,呢兩年間香港變得面目全非,專業被踐踏、聲音被消滅,置身於呢個時代入面嘅言語治療師又應該肩負起啲咩嘅社會責任呢?

工會第一屆理事將會喺嚟緊九月卸任,想邀請熱心嘅同工加入工會,成為下屆理事,一齊喺呢個最壞嘅時代入面互相扶持、同行,令業界同工依然能夠看得見彼此,一齊捍衛專業,一齊守護我哋嘅家園。

理事需具備嘅資格:
1. 具認可言語治療專業文憑、同等或以上學歷
2. 通常喺香港居住
3. 從事於言語治療行業嘅僱員
4. 本會會員(而家仲接受申請)

理事職責同任期:
- 管理本會以及處理會務
- 理事會人數為6-15人
- 任期兩年(2021.9-2023.9)
- 工會想行嘅路線任由候選理事而定,再經會員喺會員大會授權

成為理事嘅方法:
1. 可以先聯絡理事了解詳情+成為本會會員
2. 理事會喺八月透過電郵開放提名(相關電郵淨係會send畀會員,所以想做理事嘅同工必須要儘快申請入會)
3. 提名後經九月嘅周年大會由會員投票選出

有興趣嘅同工隨時可以透過Whatsapp/ Telegram/ Signal 聯絡工會電話,向現任理事了解更多相關詳情。


飲水坐直,好好捍衛自己嘅專業,係喺壞時代入面我哋每一個人都要做嘅事。喺工作上,我哋亦應該用努力不懈嘅心,令自己每日進步。

為咗令各位同工可以喺工作嘅時候坐直,令我哋嘅服務使用者飲水飲得更好,工會嚟緊將會舉辦專職醫療專業交流會。當中請到註冊職業治療師同我哋分享改善坐姿對吞嚥評估同治療嘅重要性,仲有註冊物理治療師講吓舒緩工作引起嘅肌肉痛症嘅方法。分享會詳情如下:

日期:03/07/2021(六)
時間:19:15-21:00
地點:九龍佐敦彌敦道208-212號四海大廈2樓

分享會只限會員岀席,費用全免。名額有限,先到先得。如有興趣參加,可以遞交以下嘅Google Form:
https://forms.gle/mMyUBwQyupFYXNEh8
成功登記者將會收到電郵確認。


15/6/2019+2

【毋忘梁烈士 承傳未竟之志】

今日係梁凌杰先生逝世兩年嘅日子。兩年前,梁烈士以自己嘅性命向政府控訴,並喺遺書寫上「我對呢個香港已心灰意冷,呢幾個月不斷沉思,都找不出答案和將來,今日我是個人意願,唯獨是政府促成」,並且喺橫幅上寫上「全面撤回送中、我們不是暴動、釋放學生傷者、林鄭下台、help Hong Kong 」等遺言。

逝者已矣,生者如斯。今晚我哋以黑衫白絲帶相聚悼念梁烈士過後,但願我哋都能夠時刻提醒自己唔好忘記初衷,鞭策自己繼續為逝者行落去,完成佢哋嘅遺願。


12/6/2019+2
我會留喺香港,繼續與無聲者同行。

兩年前嘅今日係反送中血淚抗爭嘅序幕,之後我哋見證住反送中運動入面眾香港人對民主嘅渴求,示威者有以死明志嘅、有墜樓身亡嘅、有身中實彈嘅;當過百萬人走上街頭,當權者對渴求民主嘅訴求依然漠視不理,更以蠻橫警暴血腥鎮壓。所以,我哋一班言語治療師成立咗工會,期望能夠為無聲者發聲、與無聲者同行。

兩年前,我哋一班理事喺政綱上面寫上://回望自九七以來,香港都潛藏着政治干預的蛛絲馬跡,即使言語治療業界亦無法獨善其身。以語言教學政策為例,從2008年強推「普教中」,至今年刪減中文會話卷的提議,都令人起疑政府有意削弱廣東話的文化地位。而在反送中運動以來的警暴濫權下,人人自危,無人倖免。假若作為服務老幼的業界一員都默不作聲,只與自我噤聲無異。//

到今日,制度嘅崩壞每日都加速緊。取消中文會話卷嘅決定已經落實咗,早前中國國家教育部發表《粵港澳大灣區語言生活狀況報告》入面更建議香港要確立普通話同簡體字嘅法律地位,亦要適度融入考評制度。安老院同學校雖然暫時免受催淚彈禍害,但就需要面臨一系列因武漢肺炎而強推嘅荒謬措施,學生亦被政權嘅洗腦教育思想箝制。

兩年嚟,無力感籠罩住香港,理事自問對香港嘅付出遠遠不及眾多抗爭者。但我哋承諾未來嘅日子會留守香港,捍衛專業、堅持只教授母語、努力將真相傳承,我哋會繼續與無聲者同行。

理事想邀請咁多位言語治療師同我哋一樣,買份蘋果日報,喺頭版填上大家嘅堅持,再send畀我哋一齊放上工會Facebook Page,令業界同工喺艱難嘅日子依然看得見彼此。

#留下來的人
#與無聲者同行


Репост из: 職工盟資訊頻道
【2019+2年六月街站】

留守香港 砥礪前行。

反送中運動兩周年,你還記得兩年前每一個腳步,每一句口號,每一個日子嗎?
還是已經隨時間漸忘,由當日的人海如今只存在於腦海中?

職工盟以及工會繼續街站,提醒香港人,莫忘兩年前的事,兩年前的腳步,留守香港,砥礪前行。

六月街站日程:

職工盟x香港言語治療師總工會
日期:6月9日
時間:19:30
地點:旺角

日期:6月13日
時間:18:00
地點:荃灣

日期:6月14日
時間:20:00
地點:旺角

#千祈唔好慣 #揸緊宗旨 #避唔到 #一齊捱 #留下來的人 #NeverSurrender #mayday2021
===================


⭐️香港言語治療師總工會會員優惠 - 軟膳點 Mealingful

好消息!而家只要喺 www.mealingful.hk 第一次購物嘅時候買滿$300,並輸入GUHKST會員專屬嘅優惠碼,就可以有$50折扣!😋 理事稍後會將優惠碼同埋條款以電郵發送俾各位會員。

-商舖享有最終決定權。
-優惠期至2021年8月31日。

#guhkstwelfare


Репост из: 職工盟資訊頻道
【工業行動進行中‼️】
太古可樂工會反對資方減薪方案,現正進行工業行動‼️

即睇直播:https://www.facebook.com/HKCTU/videos/1148450545635427/

事緣太古可樂公司於5月頭向營業部員工發出通告,表示公司將會改變員工的薪酬機制。在新方案下,員工的底薪將會「封頂」,同時公司會削減員工薪金,變相令工會多年來成功爭取的加薪幅度化為烏有。公司亦未有提供新方案下的佣金計算方法,員工無從得知薪酬架構調整後佣金如何計算。是次「打劫」方案影響營業部約40名員工。

工會曾多次約見管理層對此減薪方案表達不滿,員工亦向公司發出三十多人的聯署信,希望公司保留原有薪酬機制。工會多次向公司管理層要求提供詳細的佣金計算方法,但公司一直無法提供準確資料。員工根本沒法清晰理解薪酬架構改變後對薪金的實際影響,做法含糊。新方案中同時列明員工所賺取的佣金需要上繳高達85%至公司管理層,前線員工辛苦工作的酬勞白白被管理層瓜分。此做法毫無理據可言,真正「肥上瘦下」,做法不能忍受。

在疫情期間,太古可口可樂2020年度應佔溢利為二億一千六百萬,較二零一九年增加百分之四。公司在疫情期間獲得政府「保就業計畫」的1,238萬薪金津貼。在疫情緩和後,立即對前線工作人員開刀,提出的減薪方案猶如變相打劫。工會忍無可忍,只能發地工業行動。

10:00即時:工會代表正與資方談判,其餘三十多名工會成員在可樂廠外繼續工業行動,並聲援工會代表。

09:00 即時:工會發起工業行動,三十多名營業部員工


⭐️香港言語治療師總工會會員優惠 - 友誠印務 Yau Shing Printing

寫排版唔想再罰抄自己個名?通知學生上堂嘅通告成日都不翼而飛?係時候整返個印嚟用,方便又快捷🤩友誠印務提供訂製原子印服務,亦有唔同款式嘅公仔印可以買嚟上堂嘅時侯獎勵學生😼而家只要喺Signal落單嗰陣表明GUHKST會員身份,或者喺網站(https://www.yaushingprinting.com/)買嘢嘅時候輸入優惠碼「GUHKST20」,所有產品都有8折優惠!😍

-店舖享有最終決定權。
-優惠期至2021年12月31日。

#guhkstwelfare


會訊:第六期
理事已經郵寄咗第六期會訊到各大言語治療師嘅工作場所。

內容:良心店舖推介、召喚寫信師、理事招募、工作匯報


《良心店舖推介-言語治療師篇》
同工工作時經常需要用到唔同玩具、印仔、文具、手套等。既然有得揀,梗係幫襯良心店舖啦!
理事揀咗十間相關嘅良心店舖推介俾大家,方便大家幫學校/機構添置啱用嘅物資。

印章/印刷
1. 友誠印務
2. Copycat Printing Centre

文具/精品/玩具
3. 甲蟲部屋
4. Fun Crazy Board Game House
5. 文林文具

繪本/書本
6. 一拳書館
7. 13B Store
8. 博雅小書店

手套/紗布墊/口罩/消毒酒精棉
9. 海藥堂中西大藥房
10. 荃心日韓藥房

#善用資源 #幫襯良心店舖


//缺乏人的意志選擇,歷史的進程將非常不同。我們不難想像,如果美麗島事件的大逮捕之後,沒有律師、家屬、以及更多的年輕人投入運動,黨外運動將如雷震被逮捕之後,立即沈寂。

臺灣的民主化,如果曾經發生的話,也將是一個完全不同的故事。而說故事的人,或許是我們的下一代。// 吳乃德《百年追求》

本會理事尋日喺街站派發咗呢張有關後國安法時期校園情況嘅文宣,入面總結咗國安法實施後學校充斥住嘅種種殷海光所描述「內在鉗制」(課程嘅改動)同「外在鉗制」(扼殺學生組織、審查老師教學內容等)。

面對校園嘅淪陷,當運動嘅前線領袖同埋眾多嘅參與者被捕後,我哋更應努力噉Living in Truth(活在真實中),剩下嘅就係公民社會、家長、你同埋我嘅事。學校唔教嘅,就由公民社會同家長教,回應其他社會議題亦都係。但願我哋都好似臺灣美麗島事件噉,能夠前仆後繼,堅守信念,Never Surrender。

P.S. 尋日派張透明卡用法可以參考 @hotelsecret 嘅帖文

P.P.S. 各位港大畢業嘅同工,如果對校方打壓學生會不滿嘅話,請一齊聯署,珍惜每一個發聲嘅機會:https://forms.gle/SCDq7m8wKWEc7hqm6


今日係五一勞動節,全港各區都有唔同工會擺設嘅街站。

本會理事現時喺尖沙咀碼頭,講述後國安法時代嘅校園情況,同埋派發《羊村清道夫》,希望可以提供一個校園以外嘅教材畀家長參考。

#揸緊宗旨 #千祈唔好慣


官字兩個口。
自己市民就可以隨便愚弄,諸多限制仲話製造「誘因」,人哋就當貴客要奉承,乜都最方便。
究竟政府當香港人係乜?


聽日我哋同

職工盟(HKCTU)
香港物理治療師職工總會 The Hong Kong General Union of Physiotherapists
香港職業治療師工會

喺荃灣有聯合街站,歡迎大家嚟寫信寄畀手足。另外,我哋亦會宣傳我哋嘅新書《羊村清道夫》同埋派發一套兩款嘅貼紙,聽日見!


唔少學校喺過往兩年都一直請唔到校本言語治療師,以致好多學校都需要臨急臨忙噉搵私人機構幫忙,導致行政混亂、學生嘅服務受影響。點解會發生噉嘅情況?

兩年前EDB拒絕聆聽業界意見硬推計劃,推行後又拒絕完善計劃。而家有大量SBST嘅point都計唔足(當中有同工被認可年資同實際年資差距長達七年),令好多比較資深嘅同工都唔會想入學校做,點解EDB仲可以話校本言語治療計劃「至今運作暢順」?計劃推出後,ST對時間表編排、工作份量或者抗疫安排等問題都投訴無門,點解EDB仲堅持現有畀ST反映意見嘅機制已經足夠?EDB確實有畀ST填問卷,但問卷內容只係檢討服務做得好唔好,對EDB或者學校嘅配合就隻字不提。

有關檢討上述事項嘅建議,可以參考本會早前提出嘅三大訴求:
https://www.facebook.com/TheGUHKST/posts/240652814059564

無論係喺社會,抑或我哋嘅工作環境,「哪裏有壓迫,哪裏就有反抗」。本會曾經三番四次嘗試邀請EDB對談,希望能夠改善呢個計劃,但係EDB重重覆覆嘅「遊花園」式回應令人失望。

為咗跟進改善校本言語治療計劃,本會已經喺今朝再次電郵EDB,重申三大訴求並再次邀請EDB進行公開對話。(詳情可以參考電郵截圖。)


【12港人案第200日】

深圳市鹽田人民檢察院舊年年底宣布,經過「不公開聽證」後,決定唔起訴兩名未成年人黃臨福同廖子文,而其餘十人而家仍被扣留喺中國。

「一人受困,我們無一自由。」一日十二港人未返齊嚟,大家都依然要對事件保持關注。同時,繼續透過旁聽案件同寫信等方法,持續支持所有需要面臨審判同被囚嘅手足。

有關十二港人嘅情況補充:
1. 黃臨福、廖子文
- 被加控一項「不依期歸押」罪,案件分別押至3 月 29 日(黃臨福)同3月30日(廖子文)再審
- 現時喺壁屋監獄還押,據了解,兩名被告都希望可以盡快繼續學業

2. 李宇軒、張俊富、張銘裕、嚴文謙、李子賢、郭子麟、鄭子豪、黃偉然被判監七個月,而家八位港人依然喺鹽田看守所服刑,其中子賢媽媽表示子賢會喺3月22號刑滿再移交返港

3. 鄧棨然被判監三年,喬映瑜被判監兩年,兩位港人現時仍然喺中國服刑


#save12hkyouths #bringthemallback


Репост из: 二百萬三罷聯合陣線
【第四期工會脈搏-編者的話】

全文:
https://www.facebook.com/103127291554089/posts/203797951487022/?d=n

//.......
法庭外,國家機器不斷從四方八面拉起橙色的封鎖線,試圖阻止人們等待囚車。好不容易換個路口又再等待,等待途中,身旁聽到有人說:「啲政治人物俾人拉晒,我地仲可唔可以繼續行落去?」我回答:「試下沿路行下,你見到唔止呢度有人,其他路都仲有人嘅話咪行到囉。」大概十多分鐘,他回來說:「原來前面轉彎位好多人等緊,仲有呀,個天橋底都有好多人。」我答:「係囉,想行落去嘅話,點俾政權趕,你肯行嘅咪有路。咁可能你會話有路行姐,都可能俾人拉喎,咁算唔算有路行。但依家邊度有路係可以安全唔俾人拉?如果有都係呃緊自己啦。真係睇我地幾有決心去實踐信念。」

“We're not going to jail because of what we did. We're going to jail because of who we are!” -The Trial Of The Chicago 7

如果我們還期待某些領袖帶領我們走向民主,那麼無可否認反對陣營領袖被完全滅聲令香港民主遙不可及。但是,若果我們從今以後不再假手於人,認清自己的責任能力目標,我們自身就是最大反抗的武器。抗爭是沒有「分工」這回事,沒有人應該被分工負責坐監、擋子彈,沒有人比誰勇敢不恐懼,而是你願不願意在恐懼之中,承擔共同志業,一起再踏前多一步抗爭。

我們從此只有眼前路,沒有身後身。

後記:
除了初選47人案外,亦有很多手足案件需要我們同等的支持。記得第一天法庭外人潮洶湧,但同在西九的其他手足案件卻沒有坐滿。不止是那幾天是這樣,一直以來很多無名手足的案件也只有少數人旁聽。愈來愈多暴動案排期上庭,又愈來愈多像理大手足的案件那樣,不知道哪一個清晨,踢保的手足被還押。我們除了一起再踏前多一步抗爭外,同時也踏前多一步關心不同案件的手足吧。//
(*第四期其他內容尚在校對,會延遲出版)

instagram: unionspulse


Репост из: 醫管局員工陣線 Hospital Authority Employees Alliance
【召喚寫信師】

同大家一樣,Winnie都係怕悶嘅,咁悶一定好想收信同大家傾計。
所以邀請各位寫信比Winnie,大家一齊寫到佢睇唔切!

請將信件寄至:
尖沙咀柯士甸路20號保發商業大廈1603室

寫信給Winnie注意事項:

‼️ 用不大於 A4 的信紙;信紙不一定是白色,但請盡量選素色信紙
‼️ 懲教署會審閱每封書信,各位寫信師記得好好保護個人私隱

❌ 請勿使用塗改液或改錯帶
❌ 不要使用過厚信紙,不要用閃亮墨水寫信
❌ 勿附加任何裝飾,信紙不能有貼紙、金粉或立體裝置
❌ 信封内勿附加任何物品,如書籤及釘書機釘、錢、郵票、回郵信封、咭片等等。
* 不合規格的書信會被扣起
❌ 勿用賀咭、硬咭紙、立體信紙
* 每位還押人士最多只能收取30張賀咭,多出的賀咭會被放入私人物品箱
❌ 勿透露個人資料,勿提及發夢經歷、監獄情況、逃獄訊息及抗爭口號
❌ 勿寄直接列印、原封不動的新聞。如想寄新聞或者評論文章,請在文章上下寫上給Winnie的訊息,這才會被視為「個人信件」,獲准接收

⭕ 來信請於右下方註明頁數,方便處理
⭕ 內容可多寫感受、生活點滴、社會動態、個人近況,但不要寫食物,因為諗起無得食係好慘的
⭕ 請在信件上方預留空白位置,方便處理
⭕ 如希望Winnie回信,請於信封上留下回郵地址



Показано 20 последних публикаций.

276

подписчиков
Статистика канала