#Admin專欄 #
唔好畀性慾操控你嘅人生 @WindseasonbroTLDR: 唔好畀性慾操控你嘅人生。最近中国同香港幾乎喺同一時間發生兩件性質差唔多嘅師生戀。
中国嗰單：已婚女老師同男學生之間有性關係，然後女老師嘅老公忍唔住網上發佈影片以及提告
香港嗰單亦不遑多讓：男教練同十幾歲女學生持續有性關係，執筆之際女學生公開承認係自願發生性行為。
點解呢兩單嘢會令人側目，就係因為佢哋都破壞咗個Social norm不特止，而且係因為權力不平衡(老師同學生、教練同學員)，一個老師/教練係Supposed要照顧未有足夠自我認知嘅學生/學員，就好似執筆之時聽聞一個香港公立醫院醫生不必要地胸襲女病人一樣無恥。
禮崩樂壞。我哋必須承認，除咗中国因素之外，我哋香港人嘅質素都確實係差咗。個原因好可能係破窗效應。
我意思唔係好似官媒口徑咁講2019年之後啲人習慣唔守法呢類官方喉舌藉口，而係當個社會一路向差方向發展，啲人就唔會再有歸屬感同埋做好嘅決心。
舉個例子，就好似當你體育堂拎到一塊好靚嘅羽毛球拍，大部分人會珍而重之，盡量避免刮花塊拍，但如果班上有個惡霸將佢打到變晒形，到時你都唔會介意刮花多一兩條痕。
香港而家就係全方位禮樂崩壞。
其實畀性慾操控你嘅人生係一件好可悲嘅事，我唔係單止話佢哋兩個，更可悲嘅係身邊嘅人睇完呢單新聞後竟然話安裝Telegram TG睇下呢單嘢，竟然將Telegram同咸相咸片劃上等號。
而其實Telegram絕對唔係用嚟睇咸片嘅工具！
而其實Telegram絕對唔係用嚟睇咸片嘅工具！
而其實Telegram絕對唔係用嚟睇咸片嘅工具！我相信好少人會話自己完全無性慾（雖然呢個世界的確有無性慾嘅人），事實上有性慾係好自然嘅事，否則你同我唔會喺地球出世。
然而人生只係識得飲飲食食，每每話題就係性話題嘅人好撚可悲。
而家嘅後生仔女視做愛為Stage 5(拍拖嘅終極Task／目標)，然而其實Set咗呢個Stage之後，係唔係已經『打爆機』，唔再愛對方呢？
性行為同做愛，大家又分唔分得清？愛一個人，唔係Take，要係Give，即係生活上嘅陪伴同埋相處先係重點，否則你只係愛自己。
愛一個人，唔應該分Stage，先唔講『Stage 5』，先講拖手、擁抱，又點分Stage 1、2？
同埋題外話，可唔可以唔好用Stage呢個形容詞，好似講緊Cancer咁。
老實講，你哋問風巴咸唔咸濕，我都有咸濕過，不過我好細個就覺得睇咸相同咸片係一件好可悲嘅事，亦無一個打飛機嘅習慣。
記住，唔好畀性慾操控你嘅人生，當你個腦成撚日都係諗咸濕嘢嘅時候，係裝唔到對你同埋世界真係有用嘅知識同技能。
我希望香港人唔好再畀性慾操控你嘅人生，其實你可以Get rid of it。
當然，兩情相悅，又符合Social norm嘅(一夫一妻)嘅性行為，中意幾時做咪幾時做囉。否則嘅話，請收起你哋嘅性慾，唔好掛住出火，轉而為之嘅係對生活其他應該發火嘅事有火。希望大家繼續支持暴風雨巴呢個TG Channel同 #Admin專欄，而如果你中意聽風巴
@Windseasonbro 鳩噏，請你Follow本Channel 😉
@Windseasonhk ，並叫多兩個朋友玩TG Follow風巴，感謝=)
