https://m.facebook.com/story.php?story_fbid=351171269942067&id=100594731666390你問🙋🏻♀️我答💁🏻♂️ 第2️⃣季
首先多謝大家喺上一篇文章中咁踴躍討論，小編真係好開心呀😍！同時小編喺上次嘅文章中睇到好多好有意思嘅留言，所以決定集合一次過回答！💪🏻
Q1: 點解有時巴士冷氣好大風，有時又得微風㗎？🤔
A1: 因為而家巴士係全數採用電腦恆溫冷氣，冷氣電腦會根據車上溫度感應器嚟調整冷氣快/慢風，當電腦感應到車上溫度接近設定溫度時，就會自動調慢風機速度。💨
一般冷氣系統嘅溫度感應器會設於回風口，而巴士嘅回風口一般會設於車尾（單層巴士則設於車中段天花板上），所以當車尾回風口嘅溫度感應器感應到車上溫度接近設定溫度時（現時九巴冷氣溫度一般設定於約25℃），冷氣就會自動調整為慢風。🐢
但係回風口溫度達25℃並不代表全車溫度均接近25℃，尤其是巴士車頭容易受日光照射，溫度往往會偏高，而頻繁嘅停站同開閂車門更會加劇冷氣流失。🙉
Q2: 點解巴士冷氣夏天好熱，冬天又會好凍㗎？🤯
A2: 巴士冷氣不足問題已經於上文講過，原因簡單嚟講係因為冷氣設定溫度過高而造成車上溫度偏高，但係冬天又點解會好凍呢？🥶
現時九巴大部份巴士都係採用冷暖混合電腦恆溫空調，原則上電腦會根據車上溫度感應器嚟調整冷暖氣，而新巴士空調原裝亦支援暖氣系統，所以而家新巴士已經取消咗舊車常見嘅地台暖氣管，而理論上巴士空調係冬天時亦應該識吹暖風，但係呢個講法只係理論上！點解？🤔
因為原來九巴為咗減輕維修負擔，一直冇為巴士接駁暖氣空調裝置架！所以巴士冷氣真係只得冷氣，係冇暖氣㗎！所以咪冬天都只係識出凍風囉！😠
同樣，由於冷氣電腦會根據車上溫度感應器黎調整冷氣快/慢風，當冬天車廂溫度低於設定溫度時，電腦就會指示空調系統調高風速，試圖開大「暖氣」嚟提升車廂溫度啦，但係好可惜九巴並冇為巴士安裝暖氣，所以乘客只會感覺到冷氣風口吹出強勁嘅冷風。🥶
Q3: 我試過搭車上層冇開冷氣，下層又有喎，點解嘅？😥
A3: 九巴早前因應肺炎疫情，曾經解鎖過冷氣操作面板，容許車長「有限度」調整冷氣，包括強制冷氣鮮風及上下層冷氣開關，而有時車長夜間回廠時會關閉上層冷氣以節省燃油，如果翌日嘅車長唔記得開返上層冷氣，就會造成上層冇冷氣嘅現象啦。💁🏻♂️
遇上呢個情況，可以禮貌向車長詢問上層冷氣設定是否有誤，小編相信車長會好樂意解答乘客嘅疑問㗎。不過要留意現時（2021年6月）九巴已經鎖上所有巴士嘅冷氣操作面板同車廂通風窗，車長已經無法再自行調較冷氣啦。🙅🏻♂️
而且九巴鎖上冷氣操作面板令車長無法調較強制冷氣鮮風黎加強空氣流通，亦有機會增加咗肺炎傳播嘅風險，所以大家為咗自己健康著想，一定要向巴士公司表達自已嘅意見呀！（但係要留意喺炎熱天氣下開啟冷氣鮮風係有機會加劇巴士冷氣不足嘅情況，因為冷氣功率未必足夠冷卻車外炎熱嘅空氣）😖
今次小編就答住咁多先，如果大家重有啲咩有關巴士嘅問題或者迷思，歡迎係下面留言，小編我定必盡力回答大家㗎！😆
🌟🌟🌟
💃🏻 九巴和你𝗕𝘂𝘀 🕺🏻
🎆 𝗠𝗲𝗪𝗲: mewe.com/join/yellowbuswithyou
🎆 𝗜𝗻𝘀𝘁𝗮𝗴𝗿𝗮𝗺: instagram.com/buswithyou
🎆 𝗙𝗮𝗰𝗲𝗯𝗼𝗼𝗸: facebook.com/Buswithyou
📣 九巴和你𝗕𝘂𝘀聚集一班有良知嘅九巴伙記🎗，分享工作上同社會上嘅大小事。無論你係九巴、龍運定陽光，車長、站長、文職、站務助理定工程部，都歡迎你投稿嚟我哋嘅「九巴𝗦𝗲𝗰𝗿𝗲𝘁」，分享任何喺九巴返工嘅秘密、煩惱同心聲。 📣
🚌 投稿連結:
https://forms.gle/zxQo3mrpb15p6Ypb7
