鄒家成團隊發佈中心 dan repost
【正式告別護理界】
今日我返到去做咗年幾嘅內科病房辭職。本來以為可以好瀟灑咁頭也不回同大家告別，但估唔到離開嘅時候都會有啲感觸。
其實，由我決心參政一刻開始，已經預計有呢個決定嘅可能，但一直都係話「到時先算」。但隨著香港社會環境不斷惡化，政治方面嘅工作日益繁重，最近感覺到個人不論精神定體力都逐漸透支，逼使我要再次正視呢個埋藏咗大半年嘅諗法。
呢段時間，好多人同我講：「護士人工高、福利好、又穩定，點解唔讀埋佢，點解唔做」等等類似嘅說話。其實由我中學時父親早逝開始，就已經好想做護士，奈何時代嘅巨輪一直轉動，呢幾年多咗好多經歷，受到好多衝擊，心入面自然冒起咗好多新嘅諗法。
曾幾何時，我想加入護理行業係因為想透過照顧病患幫到更多嘅人。當香港進入極權時代，我發現每一個香港人早已成為暴政之下嘅受害者，病房以外更多嘅人，包括身邊嘅朋友同手足，同樣需要得到幫助。所以，我決定參政。
今日，我離開護理界唔係要拋棄病房入面嘅病人，而係因為我好希望未來嘅日子可以專注喺自己選擇咗嘅命途上面，繼續循政治層面推動社會變革。
即使我決定告別護理界，全身投入政治工作，但絕對唔代表我否定呢個時代之下作為一個護士嘅價值。經歷過去一年嘅時代革命，我哋目睹唔同年紀、職業、光譜嘅香港人彼此之間嘅連結。呢個係一場跨階層嘅革命，抗爭者無分職業，落得場嘅都係手足。我相信，每一個人只要謹記身份，保持信念，無論身處咩崗位做緊咩工作，都係為香港民族作出貢獻。
最後，非常感激過去呢一段時間病房同事對我嘅支持，對於你哋喺呢個時代之下堅守崗位嘅勇氣，我只有由衷嘅敬佩。今日一別，但重光之路上，我哋必然再會。
今日開始，我要重新出發了。
鄒家成
2020年9月29日
今日我返到去做咗年幾嘅內科病房辭職。本來以為可以好瀟灑咁頭也不回同大家告別，但估唔到離開嘅時候都會有啲感觸。
其實，由我決心參政一刻開始，已經預計有呢個決定嘅可能，但一直都係話「到時先算」。但隨著香港社會環境不斷惡化，政治方面嘅工作日益繁重，最近感覺到個人不論精神定體力都逐漸透支，逼使我要再次正視呢個埋藏咗大半年嘅諗法。
呢段時間，好多人同我講：「護士人工高、福利好、又穩定，點解唔讀埋佢，點解唔做」等等類似嘅說話。其實由我中學時父親早逝開始，就已經好想做護士，奈何時代嘅巨輪一直轉動，呢幾年多咗好多經歷，受到好多衝擊，心入面自然冒起咗好多新嘅諗法。
曾幾何時，我想加入護理行業係因為想透過照顧病患幫到更多嘅人。當香港進入極權時代，我發現每一個香港人早已成為暴政之下嘅受害者，病房以外更多嘅人，包括身邊嘅朋友同手足，同樣需要得到幫助。所以，我決定參政。
今日，我離開護理界唔係要拋棄病房入面嘅病人，而係因為我好希望未來嘅日子可以專注喺自己選擇咗嘅命途上面，繼續循政治層面推動社會變革。
即使我決定告別護理界，全身投入政治工作，但絕對唔代表我否定呢個時代之下作為一個護士嘅價值。經歷過去一年嘅時代革命，我哋目睹唔同年紀、職業、光譜嘅香港人彼此之間嘅連結。呢個係一場跨階層嘅革命，抗爭者無分職業，落得場嘅都係手足。我相信，每一個人只要謹記身份，保持信念，無論身處咩崗位做緊咩工作，都係為香港民族作出貢獻。
最後，非常感激過去呢一段時間病房同事對我嘅支持，對於你哋喺呢個時代之下堅守崗位嘅勇氣，我只有由衷嘅敬佩。今日一別，但重光之路上，我哋必然再會。
今日開始，我要重新出發了。
鄒家成
2020年9月29日