《首戰亞冠舞台 - 傑志門將梁蔚雅》
首屆女子「亞冠盃」即將舉行，其中香港代表，上屆聯賽盟主傑志女子隊現已抵達不丹，預備出戰「亞冠盃」D組外圍賽。不丹這個地方想必對香港球迷並不陌生，皆因港隊歷年亦曾於當地作賽，而當地超過2000米海拔的地理環境亦往往令作客球員倍添難關。有份隨隊出戰的傑志女子隊門將梁蔚雅（阿lay），就向《港足吶喊》分享了球隊身在不丹的現況，以及內心對於首次征戰球會級別的亞洲賽事，有何感受。
話雖不丹的高原環境令人「聞風喪膽」，但阿lay就表示天氣狀況比想象中容易適應：「一落機時，會感覺到唞氣冇平時咁大啖，並且會有少少頭痛既感覺，但係過咗15-30分鐘會適應得到。」阿lay補充表示球隊在週五以及週六兩日，已前往兩個不同的球場練習，球隊亦逐漸適應當地天氣：「練波嘅時候比起喺香港容易喘氣，但球隊適應呢度嘅天氣都還好，冇球員有好大嘅反應。」
之所以球隊在抵達不丹後暫未有太大難關，阿lay就將此歸功於球隊職員以及物理治療師，並透露曾向男子隊球員「偷師」有關不丹的狀況：「出發之前，我自己都有問吓曾經嚟過嘅男子隊球員，呢度天氣同野食大概係點，所以大家都有心理準備；而嚟到之後，球隊職員同物理治療師都有check住我地既狀況，提要補充維他命C同多啲休息 。」
而對於傑志首次征戰亞冠，阿lay個人雖然已曾隨港隊參與亞洲賽賽事，但就認為征戰球會亞洲賽感受尤其特別：「嚟咗傑志七年終於可以實現到去踢女子亞冠盃。見證住香港嘅女子足球去到唔同水平。而且第一次代表傑志出外，感受到球會比我哋嘅支持，教練對球隊既幫助。加上球會入面都係自己識咗好多年嘅隊友同好朋友，可以一齊達成目標出外係好開心嘅事情，自己足球生涯裏面又再成就解鎖。」
亞冠舞台相當宏大，但對於阿lay而言的目標非常簡單，便是於賽事中發揮應有水準：「我自己嘅目標未必係一個個人目標，我好希望球隊上上下都可以將自己最好嗰一面。」
談起亞冠賽事的強度，作為守門員的阿lay表示已預期面對的攻門威脅，會較本地聯賽多：「我相信受到的攻門會較本地聯賽多。而喺亞洲賽對住唔熟悉嘅球隊，最好就係做最熟悉既事，踢出傑志既風格，做好教練嘅部署。」
傑志女子隊首戰將會於今日香港時間晚上8時上演，大戰坐擁主場之利的不丹代表皇家廷普學院，並於週六迎戰伊朗冠軍巴馬卡頓。在此祝願傑志以及阿lay於亞冠舞台上發揮出最佳表現！
首屆女子「亞冠盃」即將舉行，其中香港代表，上屆聯賽盟主傑志女子隊現已抵達不丹，預備出戰「亞冠盃」D組外圍賽。不丹這個地方想必對香港球迷並不陌生，皆因港隊歷年亦曾於當地作賽，而當地超過2000米海拔的地理環境亦往往令作客球員倍添難關。有份隨隊出戰的傑志女子隊門將梁蔚雅（阿lay），就向《港足吶喊》分享了球隊身在不丹的現況，以及內心對於首次征戰球會級別的亞洲賽事，有何感受。
話雖不丹的高原環境令人「聞風喪膽」，但阿lay就表示天氣狀況比想象中容易適應：「一落機時，會感覺到唞氣冇平時咁大啖，並且會有少少頭痛既感覺，但係過咗15-30分鐘會適應得到。」阿lay補充表示球隊在週五以及週六兩日，已前往兩個不同的球場練習，球隊亦逐漸適應當地天氣：「練波嘅時候比起喺香港容易喘氣，但球隊適應呢度嘅天氣都還好，冇球員有好大嘅反應。」
之所以球隊在抵達不丹後暫未有太大難關，阿lay就將此歸功於球隊職員以及物理治療師，並透露曾向男子隊球員「偷師」有關不丹的狀況：「出發之前，我自己都有問吓曾經嚟過嘅男子隊球員，呢度天氣同野食大概係點，所以大家都有心理準備；而嚟到之後，球隊職員同物理治療師都有check住我地既狀況，提要補充維他命C同多啲休息 。」
而對於傑志首次征戰亞冠，阿lay個人雖然已曾隨港隊參與亞洲賽賽事，但就認為征戰球會亞洲賽感受尤其特別：「嚟咗傑志七年終於可以實現到去踢女子亞冠盃。見證住香港嘅女子足球去到唔同水平。而且第一次代表傑志出外，感受到球會比我哋嘅支持，教練對球隊既幫助。加上球會入面都係自己識咗好多年嘅隊友同好朋友，可以一齊達成目標出外係好開心嘅事情，自己足球生涯裏面又再成就解鎖。」
亞冠舞台相當宏大，但對於阿lay而言的目標非常簡單，便是於賽事中發揮應有水準：「我自己嘅目標未必係一個個人目標，我好希望球隊上上下都可以將自己最好嗰一面。」
談起亞冠賽事的強度，作為守門員的阿lay表示已預期面對的攻門威脅，會較本地聯賽多：「我相信受到的攻門會較本地聯賽多。而喺亞洲賽對住唔熟悉嘅球隊，最好就係做最熟悉既事，踢出傑志既風格，做好教練嘅部署。」
傑志女子隊首戰將會於今日香港時間晚上8時上演，大戰坐擁主場之利的不丹代表皇家廷普學院，並於週六迎戰伊朗冠軍巴馬卡頓。在此祝願傑志以及阿lay於亞冠舞台上發揮出最佳表現！