星期三-四(12-13/10)紙片人係9cake做店長
📍 9cake(葵芳)
葵芳葵富路7號葵涌廣場2樓2010號舖
星期六(22/10)有嚟緊考DSE去無名氏做店長
📍油麻地仁俊大廈1號地舖
=分隔線=
@hker_ic101 光陰似箭、日月如梭，轉眼間三年已經過去。
回想當初2019年嘅時候，我仲係一個對呢個世界充滿熱血、自命不凡嘅青少年，喺社運爆發之前一兩個月我仲考緊DSE，喺通識科試卷上面奮筆疾書批評時事、談論政策，交卷嗰陣充滿自豪、甚至覺得自己嘅答案俾政府已經實行嘅政策做得更加好，完全冇諗過其實呢個世界有能力嘅人真係好多好多、又點到我嚟懷才不遇呢？
呢個世界係充滿複雜嘅因素，現實世界唔係安徒生裏面嘅童話故事，「政治」呢兩個字有幾黑暗其實係嗰陣我係完全冇任何認知，直到社運將虛假嘅繁華撕破。
修讀歷史、文學嘅我又真係一個充滿書生氣息嘅廢青，作為一個身高175、但係體重從來冇超過55 kg嘅弱雞，小弟真係手無縛雞之力，當時除咗用手上嗰支筆宣洩憤怒之外其實冇咩做到，個轉捩點係去到喺網上面見到十幾個警察用盾牌、用警棍圍住一個手無寸鐵跌咗喺地下嘅女仔瘋狂毆打，嗰一刻嘅情緒真係控制唔到。
個世界唔應該係咁㗎喎，呢度喺香港嚟……用左19年教育構成嘅世界觀，就咁樣比啲盾牌同警棍扑碎曬。係憤怒同哀痛之下、感受到時代的召喚、順應命運的齒輪，就展開左投筆後的生涯……
（箇中細節請恕我現時無法筆錄、君子不立危牆之下。）
言歸正傳，小弟仍然堅信自己係無罪嘅、亦都唔打算認罪妥協屈服，毫無疑問「法律面前 窮人含撚」按照法庭程序折磨咗我三年、正式開審連續30日拖到變成整整一年12個月，其中發生過太多太多事、所有嘢都超出我嘅預期。
其實上個月已經去到山窮水盡，法庭再次宣布要再押後一個月、雖然其實一路以來都係佢迫害緊我、成件事係冇辦法對佢產生一絲一毫嘅感激，但至少呢一次我有時間去尋求幫助。
由於小弟好似唔小心越寫越多嘢，小弟嘅背景及面臨嘅困難已經用比較詳盡嘅方式寫咗喺
@hker_ic101裏面，為免呢篇文章過於累贅、就請麻煩各位稍移玉步了。
📣 請訂閱作戰研究院 Telegram Channel ➼
@FightResearch戰術研究 | 抗爭資訊 | 時局分析 | 評論 | 趣事
