【請相信制度、相信民主】
人係可以腐敗，但制度可以防止人性嘅墜落。美國嘅政治制度並非完善，但已經係數一數二嘅好。即使有懷疑選舉舞弊/質疑選舉結果，三權分立嘅政治制度上都有國會，法院把關。
特朗普係州同聯邦加加埋埋超過50間法院到提出訴訟，而大部分法院都唔受理/駁回佢嘅訴訟。要知道，法官有共和黨嘅，有民主黨嘅，亦有法官係特朗普自己任命嘅(例:美國聯邦最高法官9個法官，3個都係特朗普任命嘅。但聯邦最高法院都係駁回案件，而佢任命嘅法官都冇支持佢)。我地大部分人都唔熟悉法律，但係係有懷疑選舉舞弊之前，相信大家都認同美國係有司法獨立，咁我地又何必係大選後質疑美國司法機關嘅公正性呢？特朗普嘅法律團隊肯定係最優秀嘅，既然佢地嘅論點都唔獲法官接納，咁選舉結果就真係塵埃落定。
法院唔認為舞弊，仍然有國會把關。因為無論邊個做總統，最後都係需要參議院確認任命。今朝(香港時間)都有參議員挑戰拜登係唔同州份嘅選舉人票結果，但美國國會今朝都係大比數確認咗拜登獲得足夠選舉人票當選總統。咁選舉結果其實已經冇爭拗，因為議員係人民選出嚟嘅。既然民主社會就係少數服從多數，如果大家真係相信民主，就要聽從民意，接受多數美國人想要嘅結果，接受參議員嘅投票結果。
重點來了！咁特朗普嘅支持者衝入國會，阻止參議院確認總統任命嘅行為，到底係邊一方面呈現到民主呢？佢地係因為選舉結果同自己預想嘅結果有落差，而拒絕/阻止民選議員投票任命總統。有手足呢個時候嘗試將示威者嘅行為同612比較，但實際上兩者有所差異，唔建議你比較。
一、香港並唔存在民選議員，因此無論議員投支持送終條例，都唔係香港人嘅意願。美國唔同，總統、參眾兩院嘅議員全部都係美國公民一人一票投出嚟嘅。議員係真真正正咁代表人民嘅意願，示威者違抗民意並唔妥當。
二、各位仲記得五大訴求嗎？我地之所以闖入立法會，除咗要撤回惡法外，我地仲要真普選，一人一票嗰隻。但既然美國已經有一人一票嘅選舉，闖入國會其實並唔合理。因為美國嘅示威者實際上係嘗試推翻一人一票嘅選舉結果，同香港抗爭性質並唔相似。強行connect只會弄巧反拙。
如果以上嘅point仍然冇打動到你，咁我地睇下中共帶嘅風向(睇圖) 。唔洗解釋，華春瑩一開波就指責外媒以唔同嘅態度去應對美國同香港嘅示威者。中共居心叵測，好明顯想挑撥離間。敵人支持嘅，就要大力反對。既然中共目的係嘗試將兩地示威者比較，我地係咪應該盡量唔比較呢？就算真係摸唔清大陸嘅底細，真係有必要將香港同美國示威者作比較嗎？
你相信民主嗎？定係你只係將民主當做對自己有利時先用嘅底牌啊？
講咗咁多，其實想表達嘅只係：無論你係咪支持美國嘅示威都好，都係唔建議你用香港人做比較。中共可以用外媒報導小題大作，更何況我地係twitter上，一個世界各地所有人都可以connect嘅平台。無論如何，你想表達你嘅觀點，都係你嘅自由。但政治唔係黑或白咁簡單，要表達觀點，就要保持獨立思考。唔一定每件事都用香港嘅示威嚟比較。
政客/記者嘅諫言
1. https://twitter.com/nathanlawkc/status/1347110560438091776
2. https://twitter.com/jooeysiiu/status/1346912540710887427
3. https://twitter.com/tony_zy/status/1346970191327068170
4. https://twitter.com/RosalindZAdams/status/1346979428962734084
5. https://twitter.com/austinramzy/status/1346972977531768836
6. https://twitter.com/maryhui/status/1347168603737640960
人係可以腐敗，但制度可以防止人性嘅墜落。美國嘅政治制度並非完善，但已經係數一數二嘅好。即使有懷疑選舉舞弊/質疑選舉結果，三權分立嘅政治制度上都有國會，法院把關。
特朗普係州同聯邦加加埋埋超過50間法院到提出訴訟，而大部分法院都唔受理/駁回佢嘅訴訟。要知道，法官有共和黨嘅，有民主黨嘅，亦有法官係特朗普自己任命嘅(例:美國聯邦最高法官9個法官，3個都係特朗普任命嘅。但聯邦最高法院都係駁回案件，而佢任命嘅法官都冇支持佢)。我地大部分人都唔熟悉法律，但係係有懷疑選舉舞弊之前，相信大家都認同美國係有司法獨立，咁我地又何必係大選後質疑美國司法機關嘅公正性呢？特朗普嘅法律團隊肯定係最優秀嘅，既然佢地嘅論點都唔獲法官接納，咁選舉結果就真係塵埃落定。
法院唔認為舞弊，仍然有國會把關。因為無論邊個做總統，最後都係需要參議院確認任命。今朝(香港時間)都有參議員挑戰拜登係唔同州份嘅選舉人票結果，但美國國會今朝都係大比數確認咗拜登獲得足夠選舉人票當選總統。咁選舉結果其實已經冇爭拗，因為議員係人民選出嚟嘅。既然民主社會就係少數服從多數，如果大家真係相信民主，就要聽從民意，接受多數美國人想要嘅結果，接受參議員嘅投票結果。
重點來了！咁特朗普嘅支持者衝入國會，阻止參議院確認總統任命嘅行為，到底係邊一方面呈現到民主呢？佢地係因為選舉結果同自己預想嘅結果有落差，而拒絕/阻止民選議員投票任命總統。有手足呢個時候嘗試將示威者嘅行為同612比較，但實際上兩者有所差異，唔建議你比較。
一、香港並唔存在民選議員，因此無論議員投支持送終條例，都唔係香港人嘅意願。美國唔同，總統、參眾兩院嘅議員全部都係美國公民一人一票投出嚟嘅。議員係真真正正咁代表人民嘅意願，示威者違抗民意並唔妥當。
二、各位仲記得五大訴求嗎？我地之所以闖入立法會，除咗要撤回惡法外，我地仲要真普選，一人一票嗰隻。但既然美國已經有一人一票嘅選舉，闖入國會其實並唔合理。因為美國嘅示威者實際上係嘗試推翻一人一票嘅選舉結果，同香港抗爭性質並唔相似。強行connect只會弄巧反拙。
如果以上嘅point仍然冇打動到你，咁我地睇下中共帶嘅風向(睇圖) 。唔洗解釋，華春瑩一開波就指責外媒以唔同嘅態度去應對美國同香港嘅示威者。中共居心叵測，好明顯想挑撥離間。敵人支持嘅，就要大力反對。既然中共目的係嘗試將兩地示威者比較，我地係咪應該盡量唔比較呢？就算真係摸唔清大陸嘅底細，真係有必要將香港同美國示威者作比較嗎？
你相信民主嗎？定係你只係將民主當做對自己有利時先用嘅底牌啊？
講咗咁多，其實想表達嘅只係：無論你係咪支持美國嘅示威都好，都係唔建議你用香港人做比較。中共可以用外媒報導小題大作，更何況我地係twitter上，一個世界各地所有人都可以connect嘅平台。無論如何，你想表達你嘅觀點，都係你嘅自由。但政治唔係黑或白咁簡單，要表達觀點，就要保持獨立思考。唔一定每件事都用香港嘅示威嚟比較。
政客/記者嘅諫言
1. https://twitter.com/nathanlawkc/status/1347110560438091776
2. https://twitter.com/jooeysiiu/status/1346912540710887427
3. https://twitter.com/tony_zy/status/1346970191327068170
4. https://twitter.com/RosalindZAdams/status/1346979428962734084
5. https://twitter.com/austinramzy/status/1346972977531768836
6. https://twitter.com/maryhui/status/1347168603737640960