Репост из: 民間集會團隊 Hong Kong Civil Assembly Team
【我哋繼續落去,為對得住自己】
呢啲時候要執筆有啲無從入手,但係喺咁嘅環境之下,都要以「民間集會團隊」名義發言,留個紀錄。
當初搞集會,拎身份證出嚟入紙,有咩事完全冇得避,講真素人一個真係唔驚咩?咁但係做得第一次,又唔爭在做多次,做做下都十幾廿次。
民集從來唔係企得最前嘅,我哋只係跟足規矩去提供一個平台,盡可能俾最多人相對安全地講出心聲。發言由前線勇武到後勤和理非、傳統泛民到激進本土、中國學生到外籍手足,台下觀眾自發嗌口號、揮旗幟,一個容納多元聲音嘅香港,藉住集會盡量呈現。
我哋唔係咁天真以為,遊行示威就可以改變社會,唔係。純粹係當刻可以做嘅就係咁多,咁就去做啦。初選都係嗰刻嘅環境,仍然可以做到嘅事,咁就去做啦。
見住團隊成員一次又一次被捕,罪名一次比一次重,我哋每次再聯絡,就係約幾時把握機會再聚,見到就傾下次搞乜好。
有冇諗過算啦唔搞?冇喎。
最多係煩惱愛丁堡遮打定油尖旺,實體集會搞唔到就轉網上集會同社區展覽,甚至乎呢幾個禮拜已經再約緊出嚟傾下個活動,但突然被提早報到嘅消息打亂。
国安紅線陰霾籠罩,發言人劉頴匡前晚臨報到之前,咁同我哋講:多謝大家一直以嚟嘅照顧,民間集會團隊之後仲搞唔搞就你哋決定吧。
2020年6月30日,我哋出po承諾過:
無論世間怎變,民集入紙不變 : )
今日民間集會團隊希望講一句:
我哋要繼續落去,係為對得住自己。
未來嘅路,其實無辦法代失去自由甚至已然離去嘅人行。嚟到2021年嘅香港,民集繼續落去嘅理由,只係為對得住企過出嚟咁多次嘅自己。就係因為知道人微言輕、知道做咗都冇乜用,先可以繼續做落去。
今日着黑衫,唔係因為有冇用,係為對得住自己仲有抗爭嘅意志。與此同時,懇請香港人唔好忘記其他正在還押或接受審訊的手足,前路茫茫更要留個位置與佢哋同行。
民間集會團隊
二零二一年三月一日
————————————————-
我們的最新動向/合作洽詢:
Facebook:
https://fb.me/HKCATeam/
Instagram:
https://instagr.am/HKCAT/
Twitter:
https://twitter.com/HKCATeam/
Youtube:
https://youtu.be/HKCATeam/
呢啲時候要執筆有啲無從入手,但係喺咁嘅環境之下,都要以「民間集會團隊」名義發言,留個紀錄。
當初搞集會,拎身份證出嚟入紙,有咩事完全冇得避,講真素人一個真係唔驚咩?咁但係做得第一次,又唔爭在做多次,做做下都十幾廿次。
民集從來唔係企得最前嘅,我哋只係跟足規矩去提供一個平台,盡可能俾最多人相對安全地講出心聲。發言由前線勇武到後勤和理非、傳統泛民到激進本土、中國學生到外籍手足,台下觀眾自發嗌口號、揮旗幟,一個容納多元聲音嘅香港,藉住集會盡量呈現。
我哋唔係咁天真以為,遊行示威就可以改變社會,唔係。純粹係當刻可以做嘅就係咁多,咁就去做啦。初選都係嗰刻嘅環境,仍然可以做到嘅事,咁就去做啦。
見住團隊成員一次又一次被捕,罪名一次比一次重,我哋每次再聯絡,就係約幾時把握機會再聚,見到就傾下次搞乜好。
有冇諗過算啦唔搞?冇喎。
最多係煩惱愛丁堡遮打定油尖旺,實體集會搞唔到就轉網上集會同社區展覽,甚至乎呢幾個禮拜已經再約緊出嚟傾下個活動,但突然被提早報到嘅消息打亂。
国安紅線陰霾籠罩,發言人劉頴匡前晚臨報到之前,咁同我哋講:多謝大家一直以嚟嘅照顧,民間集會團隊之後仲搞唔搞就你哋決定吧。
2020年6月30日,我哋出po承諾過:
無論世間怎變,民集入紙不變 : )
今日民間集會團隊希望講一句:
我哋要繼續落去,係為對得住自己。
未來嘅路,其實無辦法代失去自由甚至已然離去嘅人行。嚟到2021年嘅香港,民集繼續落去嘅理由,只係為對得住企過出嚟咁多次嘅自己。就係因為知道人微言輕、知道做咗都冇乜用,先可以繼續做落去。
今日着黑衫,唔係因為有冇用,係為對得住自己仲有抗爭嘅意志。與此同時,懇請香港人唔好忘記其他正在還押或接受審訊的手足,前路茫茫更要留個位置與佢哋同行。
民間集會團隊
二零二一年三月一日
————————————————-
我們的最新動向/合作洽詢:
Facebook:
https://fb.me/HKCATeam/
Instagram:
https://instagr.am/HKCAT/
Twitter:
https://twitter.com/HKCATeam/
Youtube:
https://youtu.be/HKCATeam/