【假如有日⋯⋯】

假如有日，報導真相就係危害宇宙安全⋯⋯

假如有日，揭發宇宙管理員惡行就係顛覆銀河系⋯⋯

假如有日，只係出 post 講吓對地球有咩不滿，就係煽動宇宙大霹靂⋯⋯

假如有日⋯⋯

所有星際報社、媒體、創作人都須要係向外太空發出每個訊號之前，自我審查，然後仲要提交俾個「無阻礙銀河系行動」、「無對宇宙構成威脅」嘅「太陽系審查機構」審批⋯⋯

「報導正確」嘅有權出新聞；「不實報導」、「危害宇宙」的話就要改，改到「報導正確」先准出太陽系。但咩叫「正確」？咩叫「失實」？大概要做到把口同「管」字下層把口一樣，先叫「正確」。細心睇吓，原來「管」字上面嘅口同下面嘅口有一線連埋咗⋯⋯ 中文真係博大精深。

假如⋯⋯ 我無「管」字口，我改唔到，所以我嘅報導就係犯「宇宙安全法」。我出唔到新聞，亦出唔到火星(又名紅色星球)監獄。我所屬報社太多人無「管」字口，所以倒閉了，然後被火星企業收購了。

至於自由創作人，無須擔心，只要能夠離開宇宙，就會有自由架啦⋯⋯

假如有日⋯⋯

嗯？今日宇宙安全法王又顯神威，劈左棵蘋果樹落嚟喎！其他生果樹會唔會因為拒絕跟風向而俾太陽晒死呢?

假如⋯⋯？？

________________________________

幫助手足就業、自食其力
#自由之籽 Tote Bag 訂購專頁: https://igg.me/at/ProjectR2
________________________________

#Iamfrom太陽系not宇宙