環保工會x本土研究社呈獻—
《講環講》第六講：垃剎徵費🗑2024年1月係香港垃圾嘅一個新癲峯，連登變綠登，連「多麼不想清楚」的人，都被迫喺各大傳媒報道、KOL、Youtuber見到綠色指定袋嘅縱影。唔少人話環保L擾民，但原來垃圾徵費喺世界唔少城市係老規矩？點解偏偏香港講咗廿年都未落到地？ 一延再延，究竟今鋪係衰咩野⁉️
今次邀請咗環境教育工作者大便妹 ，以及綠色和平同事Leanne ，同大家分享吓唔同國家地區嘅減廢情況，嘗試分析點解小學本常識書，講足廿年「堆填區飽和」😶到依家都一樣當然，仲想知道你點睇！
💰留我做個垃圾
近十年香港垃圾量都係上升趨勢，2022年香港3個堆填區每日收留超過1萬1千噸垃圾，而佢地消耗嘅唔止係地方，仲有每年近十億元營運費同廢物轉運費。加埋一堆O-park、Y-Park、焚化爐同綠在區區究竟洗咗幾多錢？
🏭被世界遺棄不可怕
世界好多地區都有做垃圾徵費，東亞為例，旅行熱點台北、首爾同東京都做咗垃圾徵費超過十年，收費、成效、市民反應又係點？焚化爐又係咪真係「一爐永逸」？除咗按袋收費，仲有無其他方法？
♻️頹廢中那媚態
我相信無嘢一出世就係垃圾 。垃圾嘅源頭其實喺邊度？政府成日話源頭減廢，要俾個「重大鼓勵」市民乾淨回收 。其實，一開始生產者少啲包裝、少啲即棄、多啲維修，好似已直接源頭減廢，慳水慳力？香港嘅生產者責任制，政府政策係偏幫商家，定係小市民？
◤ 名額有限，先到先得
《講環講》：垃剎徵費🚮
▍日期🗓﹕2月1日 （星期四）
▍時間🕙﹕ 1930 - 2130
▍地點🏠﹕ 九龍吳松街191號突破中心7樓本土研究社
▍費用💰﹕ $100（可於網上或現場支付）
▍報名✏️：
https://bit.ly/talk0201❈ 環境教育及生態保育工會會員／本研社訂閲者費用全免 ❈
--------------------
🌏關於《講環講》：
活動由本土研究社x環境教育及生態保育工會合辦，每月有請環境、生態和自然保育領域嘅專家 ，同大家分享前沿環境及生態話題，旨在讓有志從事環境生態及關注環境事務的朋友交流見解，了解最新的動態與觸覺，讓更多朋友找到參與及投身的出路。
每月第一個星期四，圍埋一齊傾一齊學。無論你嘅背景如何，都歡迎你來參加！ 😎🤟🏻
