傑仔頻道

@iptszkit

Гео и язык канала: Китай, Китайский

Категория: Новости и СМИ

傑仔歡迎你～

Связанные каналы

Гео и язык канала

Китай, Китайский

Категория

Новости и СМИ

Статистика

Избранное

Фильтр публикаций

Скрывать удаленные

Скрывать репосты

傑仔頻道

22 Apr 2021, 05:10

裕民坊新交通交匯處已於今年4月2日投入服務，唔少往來藍田同觀塘嘅巴士同小巴已遷移入交匯處。觀塘區議會正在收集居民對新交通交匯處嘅意見，傑仔歡迎藍田居民留言！

歡迎進入填寫意見：
https://forms.gle/ZpYAVqGeHXWsP1gKA

224 0 0

傑仔頻道

12 Apr 2021, 15:47

傑仔今日與土木工程拓展署及運輸署到將軍澳隧道（九龍方向）巴士站現場視察。目前工程在最後階段，並以４月底為啟用為目標。由於署方今日仍未能能提供確實啟用日期，一有消息傑仔會盡早告知各位。
除此之外，有關於連德道過馬路到天橋及巴士站嘅過路未有提供更安全嘅過路指示，傑仔會繼續要求署方提供斑馬線及紅綠公仔過路燈，令大家安全過路！

264 0 0

傑仔頻道

1 Apr 2021, 16:58

早前有唔少居民期待藍田新打卡點嘅落成，但又擔心呢處又再次成為衛生黑點。係開幕之前傑仔曾向領展反映希望圍封公園一帶以減少聚集情況，傑仔感謝領展接納相關建議，並從呢個方向去作出適當圍封安排，減少非參觀者聚集問題，但同時保留公眾通道讓居民出入啟田商場。

傑仔會繼續留意公園嘅衛生情況，希望藍田嘅衛生環境可以持續改善。

217 0 0

傑仔頻道

30 Mar 2021, 15:19

今日市建局邀請觀塘區議員到新裕民坊商場及公共運輸交匯處視察，由4月2日開始，16M巴士、63號綠色小巴及紅色小巴將在此設新巴士總站讓藍田居民往返觀塘同藍田。

186 0 0

傑仔頻道

30 Mar 2021, 15:19

https://www.facebook.com/1126993467352031/posts/4186349864749694?sfns=mo

175 0 0

傑仔頻道

24 Mar 2021, 17:31

🔆釋除居民疑慮系列🧏🏻

話說今日係安田街啟田商場後門出現咗呢啲活動捲閘，傑仔亦留意到唔少居民擔心會唔會有地方出現封區檢測嘅情況。傑仔嘗試搵出活動捲閘主人，最終原來係個活動捲閘係屬於啟田商場做私人用途，唔係封區！

不過近日平田邨都唔現咗唔少個案，會唔會真係突然封區就真係無從得知！傑仔都係提提大家做好防疫措施！

206 0 0

傑仔頻道

24 Mar 2021, 09:54

近日啟田商場有食肆食客出現確診個案，領展係昨晚亦為商場進行大消毒同清潔工作。
而平田亦出現多宗個案，傑仔呼籲藍田居民提升自我防疫意識，切勿鬆懈呀！

161 0 0

傑仔頻道

17 Mar 2021, 14:15

啟田商場KTOPIA將會係3月24日開幕啦！究竟藍田居民係萬眾期待多咗個打卡點定係擔心果度會再度變為衛生黑點？希望領展加強留意果度環境，確保居民或遊人打卡時都可以有一個乾淨嘅地方。傑仔亦會繼續同大家跟進！

200 0 0

傑仔頻道

9 Mar 2021, 15:55

有居民向傑仔表示連德道呢個路牌遮擋了路面視線，有時候可能要伸個頭望一望睇下冇車經過後才可過馬路，其實都幾危險。相反，駕駛者亦可能同樣地被呢塊路牌遮住，無法及早發現有冇人在準備過路。傑仔已望有關部門反映，希望改善問題，保障居民同駕駛者安全！

250 0 0

傑仔頻道

3 Feb 2021, 14:15

總是有些人鍾意高空擲物，相信拋擲物落街落山坡嘅人從來唔會諗下會唔會有人被擊中而受傷。其實呢個籃已經掛在樹枝上好耐，最近終於處理到，避免跌落地面傷到人。

傑仔歡迎大家不妨留意樹上有冇物件懸掛住，歡迎聯絡傑仔一同跟進！

最後，唔好高空擲物！

323 0 0

每當有車輛由天橋開往連德道時，坐係車尾的乘客均會容易「彈起」一下，曾經更有居民同傑仔講嚇到心都離一離！傑仔發現乘客會突然彈起嘅原因係天橋與連德道之間的接駁位置出現高低不平狀況有關係。

有見及此，傑仔早前與政府部門到現場視察情況。目測開得比較快嘅車輛後座幾乎都會彈起，相反開得慢嘅車輛就冇乜呢個問題。政府部門表示去年曾經就呢個問題位接駁位作出維修，嘗試減少彈起情況。

傑仔理解接駁位或多或少都未必能夠完全平坦，就算要跟進相信亦要用非常之耐嘅時間。所以傑仔亦另外要求政府部門設置「慢駛」告示，等車輛途經此處時會減速，令車尾乘客冇咁易彈起，保障安全！

267 0 0

傑仔頻道

28 Jan 2021, 14:43

近日唔同報紙都報導興田商場現有業主將商場、冬菇亭等物業沽出，報導更指出新買家計劃收購後於部份範圍設立護理安老院。

傑仔目前未知道未來商場發展會變成點樣，日後有進一步消息會再同大家匯報。

196 0 1

傑仔頻道

22 Jan 2021, 14:39

近日有報章指出藍田德田街將可能以「組裝合成」建築方式興建公屋。係上年5月嘅時候，政府曾經將德田街同平田街公屋發展項目放上係區議會討論，當時我曾提出過係果個位置建屋嘅憂慮，包括有建屋計劃有冇諮詢過鄰近嘅學校等。

我今次比較關注係在德田街建屋工程將會影響區內眾多學生，是否在需要停一停諗一諗？

第1. 擬建屋位置嘅周邊係兩間學校，分別係聖保祿中學同國際學校，工程帶來嘅噪音同塵埃將會嚴重學生學習同健康。

第2. 國際學校在早期啟用後，因為有非常多嘅私家車和校巴接送學生造成狹窄嘅安田街交通擠塞，但當時經適當安排後，校巴現在常使用藍田北巴士站上落學生，大大減輕安田街塞車問題，若果工程冇咗呢個上落車點，咁安田街是否又回復返塞車問題？

第3. 除咗上述兩間學校會直接受到影響之外，安田街同慶田街仲有三間小學嘅學生都會經常途經安田街返學，如果工程期間咁多大型工程車出出入入，又令街道嘅車流上升，會唔會對小朋友嘅安全出現隱憂？

我理解政府係好想起多啲樓畀市民居住，而我相信政府若果能夠在合適位置興建公屋同發展足夠嘅配套，相信冇人會反對。

247 0 0

傑仔頻道

19 Jan 2021, 14:34

傑仔社區工作匯報：

近期傑仔收到居民意見，指出汽車行經連德道上嘅渠蓋時，渠蓋會發出「啪啪」兩聲，呢啲嘅聲音係晚間嘅時間特別令休息緊嘅居民感覺到，以致難以入睡。

傑仔向有關政府部門反映後，最近部門安排位連德道嘅一啲渠蓋周邊重鋪石屎，務求減少路面與渠蓋高低不平嘅狀況令到車輛駛經時造成聲響，減低對居民滋擾。

傑仔歡迎大家一齊關心藍田事，有社區問題歡迎同傑仔聯絡😊！

212 0 0

傑仔頻道

18 Jan 2021, 11:18

報章指出今日新增超過100宗確診個案，傑仔相信好多居民都擔心藍田區會唔會斷左連續５日０確診嘅記錄。呢個都係要睇今晚才可以知道情況。
傑仔在此唯有都係提提大家留意家居喉管有冇問題，並且定期在地台去水位入水，保障家居衛生防疫病！

300 0 1

傑仔頻道

31 Dec 2020, 13:27

藍田碧雲道東區社區會堂嘅臨時檢測中心已經開放，目前有多名居民排隊等候檢測。請注意返，呢個臨時檢測中心只目前只係開放畀德田邨德隆樓及藍田邨藍泰樓居民檢測。請準備身份證同住址證明以備不時之需！

服務時間：
2020 年 12 月 31 日下午 3 時 30 分至晚上 8 時
2021 年 1 月 1 日至 1 月 3 日每天上午 10 時至晚上 8 時。

至於6歲以下嘅兒童需要用糞便檢驗，據民政處表示將會安排於臨時檢測中心領取糞便檢驗樣本瓶，傑仔會繼續反映爭取快啲將樣本瓶送達，方便有有需要嘅居民領取。

另外德隆樓住戶亦可以憑垃圾袋卡到大廈座頭領取口罩，每戶一盒！

257 0 1