FreeHkxmascard

#928雨革五週年

天氣巴打你好，我有幾句想同手足講

呢五年嘅路真係唔易行。

五年前我係一個大學生，早喺雨傘前已經係一個獨派
有一次我因為做功課所以讀咗《想像的共同體》呢本書
個一刻我已經諗緊︰
「如果按書入面咁講，咁香港人咪應該都可以成為一個民族?」
好可惜個一刻我大中華情花毒未除，覺得港獨無可能，好快就將呢個問題拋諸腦後
直到五年前嘅2月，港大學苑第一次提出香港民族論，我突然發現原來有人同我諗緊同一樣野，就係咁我成為咗獨派。

講返雨傘，926夜晚，我同朋友喺現場等緊黃之鋒嘅「重要宣佈」，等到變化石都仲係一堆泛民老鬼鳩up，終於我地忍唔住走人，走咗先知大家衝咗入公民廣場。當晚我訓唔著，喺屋企睇住直播，一天光就衝返出黎，走上前線。

到928朝早臨出門口之前，答應阿媽要留返條命返屋企。所以雖然我都係第一批食催淚彈嘅人，但係嗰一刻我怕死，我真係怕返唔到屋企，所以我走咗，呢個係我呢世人之中最後悔嘅事。

之後金鐘膠化，我開始轉場旺角，但係又唔知自己可以做乜，又好清楚長期佔領，最終只會令大家厭倦，結果我每日淨係當旺角係自修室，默默咁睇住我地失敗，79日猶如無發生過一樣。

灰唔灰心?一定好灰，我同所有人都一樣咁灰，覺得香港可能已經玩完。
但係我唔甘心咁就結束。
本住It is just the beginning嘅心態，我開始諗仲有咩可以做。
大家話要深耕細作，所以我又投身去做選舉義工，最後16年發生DQ事件之後，我對議會終於死心。
我相信雨傘之後仲會有下一場大戰，所以我搵埋一班朋友開TG group，一齊約行山，或者做行下路撚當練體能，裝備自己。

我地都無諗過下一場大戰只係隔咗五年，但係原來呢五年係咁漫長
我地用咗五年時間黎學識團結，唔會隨便互相指責，分化割蓆
我地用咗五年時間黎學識和勇一體，兩者都不可或缺
我地用咗五年時間黎學識向前看，拋棄失敗主義
呢五年係香港人好寶貴嘅一課，嗰79日真係存在，亦無白費到

我同admin一樣，都覺得真普選也好，獨立也好，最終殊途同歸，爭取嘅都係「香港自治」。
所以就算今日嘅我已經投身社會，就算我知大部分人都未係想香港獨立，就算我仍然好怕死，但係為咗唔好再比自己後悔多次，為咗上一代、呢一代、下一代，為咗香港呢個家鄉，我都會繼續走上前線，站喺大家嘅前面。

願榮光歸香港！

#928雨革五週年
今日晏晝，有手足想分享雨革五週年時，反問我有無乜感受可以分享下。

其實係有嘅。

感覺就係，呢一代嘅手足，無論勇和，都比雨革的我們強得多。

五年前的九二八，二零一四年的我，應該係讀緊碩士吧。當年無論工作上的中国同事，或者同班有好多NDS同學，我一直都唔認為佢哋係自己人。我從電視得知金鐘夏愨道已經發射了催淚彈，當時我跟大部分香港人一樣，義憤填膺，二話不說就拎把遮，問老死借咗包急救包，FB湊合幾位中學大學朋友就出發金鐘。

我永不會忘記當日嘅金鐘。

我跟朋友在中環某地鐵出口集合，果日係第一次令到我覺得香港係有希望。事關出生於英治香港的我一直都係獨派，一直都唔認為自己係中国人。2008年，北京奧運，當身邊人自認做中国人為中国隊加油，當大家都『我係中國人啊屌！』的時候，我一直都好納悶，覺得香港玩完。

我知道，大家可能話，2014年大家都唔係爭取『香港獨立』，而係爭取『我要真普選』，但而家大家回想一下，自己『反送中運動』嘅Hidden Agenda都係『香港自治，大陸同香港河水不犯井水』，其實咁樣係無意思，就有如擺一個野人強姦犯喺一個靚女隔籬，然後叫靚女放心：呢五十日唔會強姦妳，妳可以表達意見，只要乖乖地就範，呢五十日就會有好日子過，有飽飯食；同時叫靚女幻想五十日後野人強姦犯會變成同靚女一樣有學識有文明，風度翩翩嘅王子一撚樣咁無稽。

『雨傘革命—我要真普選』及『反送中運動』嘅Hidden Agenda係『香港獨立』。

講返2014 928，當日我哋一行人去到中環，一路上，氣氛十分沉重，因為大家都傳出邊度邊度已經開咗槍（甚至話係散彈槍）、邊度邊度唔夠人、邊度邊度有催淚彈、邊度邊度有防暴警。滿街都是人，但氣氛沉重之極。終於出到某出口（特意唔講乜出口，你要知道對家好撚古惑，當年的CCTV紀錄分分鐘儲到而家。)見到一排防暴警察，手持長槍指向我哋香港人！

有阿叔師奶話：『你都係香港人嚟架！點解你要用槍指向我哋？』我亦都講一堆嘢屌鳩班差佬。當時防暴警有無舉旗我都已忘記了，但無忘記的是他們的眼神（未上豬嘴頭盔果時有幾個平頭裝，目露凶光），我腦海閃過四個字———中国公安。事實上早在當年已經有人廣傳警察由公安武警解放軍假扮。

無情的步操、快速的上彈、更快速的投射催淚彈，三四枚催淚彈射到我前方約莫五六米爆開，第一次被催淚彈穿透身上僅有的醫療用口罩，一時之間，全部人又咳又喊，分不清催淚的原因是催淚彈還是其他原因，一行人跑到地鐵站內避難，有些人差錯腳，差點扭親，然後黑警繼續向地鐵站內射一枚催淚彈。

我催淚彈處就咁樣喺２０１４９２８破咗，落到地鐵站市民自發的補給站，有水有生理鹽水有TEMPO，洗了眼，抹掉眼淚之後再上地面，同其他當年的手足一路向夏愨道進發。

這是我除了公益金百萬行之類活動，第一次行馬路。

只見當日各路手足互相照顧，第一次覺得香港人如此團結。

一路走，總是新鮮景象。

也是第一次走行車天橋，到夏愨道。

只見大家反守夏愨道，無人願意走，有人開始寫連儂牆，有人去四方八面擴散，不過可惜金鐘當年係和理非活動多。

及後轉戰旺角，重奪旺角。

今日睇返，2014年我所謂的勇武同今時今日2019年的手足實在雲泥之別。
2014至2019年，我和朋友都是天琦的Fans，所以2019年6月9號，第一次百萬大遊行，我同朋友大嗌光復香港，時代革命，但遊行隊伍無人附和。

當時我諗，香港都係無希望了。

之後612的勇武，616再出去遊行，再嗌光復香港，無人理。

後來一連串的事件升級，當中有陰謀論、有悲劇、但亦有開心的時候，至於攻入立法會、打柒廢老、開始有人嗌光復、鐳射革命、肥媽死黑警、願榮光歸香港好振奮人心。

我係Skip咗唔開心果堆嘢唔講。

Btw，我只係好想好想同各位手足講，你哋好利害，一個都不能少，我哋齊上齊落好嗎？

９２７　９２８　９２９　９３０　１００１　大家都要出去，安全返家。

記住１００１不是終點，好嗎？

我喺2017年開呢個Channel時，都想儲天氣Channel之名，喺下次嘅社會運動嚟之前改變下港豬心態，不過估唔到未用到我呢個屎橋之前，林鄭已經自爆，尤騎在港獨之父梁振英之上。

好撚眼訓，唔知打咗D乜。

光復香港！時代革命！

Wind Season Bro

#928雨革五週年

💛致5年前抗爭過嘅你同妳：
感謝你哋往日也曾勇敢企出嚟去爭取，即使世界暫未同我哋預期一樣，但我相信已和成功行近咗一大步。請唔好怪責自己當初做過嘅事導致最後嘅結果。希望大家勿忘初衷，帶著往日嘅信念一直走落去，希望以前嘅你仍然帶住團火喺而加嘅運動發揮最大嘅作用。🔥

👷🏾‍♀️👷🏽‍♂️

🖤致現在一齊努力緊嘅你同妳：
運動已經走過3個幾月，無論曾經有冇做過啲咩/做咗啲咩，多謝你哋。🙇🏾‍♀️希望大家緊記我哋從前經歷過嘅大小事，吸收經驗後令今場運動成功。無論參考前人定其他國家嘅民主運動，都希望大家能夠一直進步，俾人睇到我哋有勇有謀！因為我哋今次唔可以輸🥺都知道大家哩段時間會好辛苦，好似到咗樽頸位，請大家好好俾自己嘅身心靈都休息一下，千祈唔好覺得自己唔應該休息，休息只為走更長嘅路！🛣而哩段路我哋都彼此打氣同接力，唔好擔心，You’re not alone to fight this war👫(好老套haha)一直好慶幸有咁多手足齊上齊落，我好想有人能夠同大家喺煲底相擁！一齊喺香港呼吸自由嘅空氣！❤️

光復香港 時代革命
香港人 加油🇭🇰

愛港小薯愚筆💕