#讀者投稿
睇見連登有個Post話台灣政府有意放寬工作移民居留門檻,讀博碩士就可以折抵居留期限。好多兒登仔同崇台膠唔睇及分析䓢中細節就急不及待獻媚獻醜。但好正常,因為香港人既劣根性就係無獨立自主思考能力同人云亦云。
要討論呢個話題,首先就要知道香港人係台灣身分定位係乜,否則自我幻想同幻想代入現實的討論,只會令討論淪為「街市阿嬋」討論質素。根據中華民國「港澳關係條例」香港澳門人係屬於港澳居民,非外國人及大陸居民。如果講深入啲,相信班無獨立自主思考能力同人云亦云既兒登仔同崇台膠係唔會明。
就以入境台灣為例,香港澳門人係要申請港澳居民入臺證就可以入到境,而外國人入境係要吸引或要去中華民國外交部申請簽證,呢點就係香港澳門人同外國人既分別。而係學習方面,香港澳門學生係有一條獨立招生隊伍,而港澳學生(無論你係英葡定他國籍)都好,只要你有香港或澳門居民身分,你係台灣既居留證係一次過三年,之後再每年繼落去,而一般僑生或外國人只係一次過一年,而每年要繼領。
而關於僑外生定居方面,要注意喔,係呢方面香港澳門學生係屬於僑外生喔。咁就有兩種主要方法居留台灣。第一就係評點制,第二就係有47000蚊新台幣月薪就可以定居。首先,評點制係要各種要求夾埋有70分就可以定居。無錯,呢個算係比較容易,但你要搵到工之餘仲要最後一年月薪40000新台幣先可以定居再攞身分證,如果達唔到要求就無架啦。而47000蚊新台幣月薪就可以定居,簡單而言搵到野做之餘仲要每月有47000就ok。
講完一大輪,其實一切囗惠而不實。首先評點制每年只有2500個名額,而且係同全台所有僑外生一齊爭。其次就係台灣工作文化相對排外,如果見你英文唔好就多數foul。第三,台灣大學生畢業人均月薪只有28000-30000元,本土人都未必攞到咁高薪,我地僑外生又何德何能呢?最後,呢兩種制度並非涵括所有行業,如果你係讀乜藝術新聞之類係唔包的,要自己另外去申請。
(未完)