Репост из: 職工盟資訊頻道
【羊村工會前主席黎雯齡還押第二十四日獄中書】
探訪講起頭幾封信(Day1-3)唔見咗，either閘咗又或者寄失咗，可能係Cookie Monster食咗。我又嬲又傷心，頭幾日係最多情緒、最思緒如泉湧，最畀心機寫信(當然依家都有)；依家消化左件事，調整左心態平復咗，要我re-visit返入嚟大欖前嗰幾日嘅心境再寫返出嚟都harsh :(
嗰幾日係廿幾歲人生以來最難捱、最多嘢諗、身心體力都透支嘅兩日。
人生第一次俾人朝早六點拍門嘈醒，嗰個情景，「砰砰砰！」急速嘅拍門聲，而家諗返都猶有餘悸；
人生第一次五花大綁落孖葉，原來嗰條鐵鏈係咁重，落喺腰間令人舉步為艱；
人生第一次黑布蒙頭一堆閃光燈同鏡頭隊埋嚟，嗰個視野，係幾咁躁動不安；
人生第一次入臭格，冇咗眼鏡之後迷矇嘅世界、2x4米嘅狹小空間、氣味濃郁嘅毛氈......；
第一次感受到時間流逝可以咁慢，每一秒都如坐針氈；
人生第一次坐喺犯人欄，望到旁聽席有咁多熟悉嘅面孔，然後坐囚車離開法庭望到鍥而不捨嘅送車師，心入面五味陳雜。
回想返嗰幾日嘅經歷，都有種消化不良、唔真實嘅感覺。嗰幾日我係點調整自己心態嘅呢？我諗起My Little Airport嘅《西西弗斯之歌》。希臘神話入面有個人叫西西弗斯，佢被天神懲罰要推一舊沉重嘅石頭上山，每當佢就到山頂，舊大石都會碌落山，然後佢要年復年日復日咁重複推舊石頭上山。有一日西西弗斯諗通咗，神係用觀念去懲罰佢，用「我永世要推石頭好慘」呢一個觀念去懲罰佢。當佢明白左呢個道理之後，佢就決定要蔑視呢個命運，用荒謬去對抗荒謬，於是佢感到自己係快樂嘅。將「推石頭」換成「坐監」、「返工」或 一切令我哋感到刻板、睇唔到盡頭、痛苦嘅事，我哋要調節心態去面對佢，令到「神」懲罰唔到我哋。
提返起嗰幾日嘅每個畫面，幾經辛苦喺心入面築好嘅堤壩難免有少少崩塌。今晚臨瞓前我會祈禱祈求呢封信平安寄到你哋嘅手上，唔好再比Cookie Monster食咗，唔好被漢堡神偷偷咗！事不過三，再寄唔到就發脾4喇(´･Д･)」
——黎雯齡 Lorie
16.8.2021（還押於大欖女懲教所第24天）
#一人受困我們無一自由
#羊村案 #言語治療 #被捕人士 #囚權 #寫信師
探訪講起頭幾封信(Day1-3)唔見咗，either閘咗又或者寄失咗，可能係Cookie Monster食咗。我又嬲又傷心，頭幾日係最多情緒、最思緒如泉湧，最畀心機寫信(當然依家都有)；依家消化左件事，調整左心態平復咗，要我re-visit返入嚟大欖前嗰幾日嘅心境再寫返出嚟都harsh :(
嗰幾日係廿幾歲人生以來最難捱、最多嘢諗、身心體力都透支嘅兩日。
人生第一次俾人朝早六點拍門嘈醒，嗰個情景，「砰砰砰！」急速嘅拍門聲，而家諗返都猶有餘悸；
人生第一次五花大綁落孖葉，原來嗰條鐵鏈係咁重，落喺腰間令人舉步為艱；
人生第一次黑布蒙頭一堆閃光燈同鏡頭隊埋嚟，嗰個視野，係幾咁躁動不安；
人生第一次入臭格，冇咗眼鏡之後迷矇嘅世界、2x4米嘅狹小空間、氣味濃郁嘅毛氈......；
第一次感受到時間流逝可以咁慢，每一秒都如坐針氈；
人生第一次坐喺犯人欄，望到旁聽席有咁多熟悉嘅面孔，然後坐囚車離開法庭望到鍥而不捨嘅送車師，心入面五味陳雜。
回想返嗰幾日嘅經歷，都有種消化不良、唔真實嘅感覺。嗰幾日我係點調整自己心態嘅呢？我諗起My Little Airport嘅《西西弗斯之歌》。希臘神話入面有個人叫西西弗斯，佢被天神懲罰要推一舊沉重嘅石頭上山，每當佢就到山頂，舊大石都會碌落山，然後佢要年復年日復日咁重複推舊石頭上山。有一日西西弗斯諗通咗，神係用觀念去懲罰佢，用「我永世要推石頭好慘」呢一個觀念去懲罰佢。當佢明白左呢個道理之後，佢就決定要蔑視呢個命運，用荒謬去對抗荒謬，於是佢感到自己係快樂嘅。將「推石頭」換成「坐監」、「返工」或 一切令我哋感到刻板、睇唔到盡頭、痛苦嘅事，我哋要調節心態去面對佢，令到「神」懲罰唔到我哋。
提返起嗰幾日嘅每個畫面，幾經辛苦喺心入面築好嘅堤壩難免有少少崩塌。今晚臨瞓前我會祈禱祈求呢封信平安寄到你哋嘅手上，唔好再比Cookie Monster食咗，唔好被漢堡神偷偷咗！事不過三，再寄唔到就發脾4喇(´･Д･)」
——黎雯齡 Lorie
16.8.2021（還押於大欖女懲教所第24天）
#一人受困我們無一自由
#羊村案 #言語治療 #被捕人士 #囚權 #寫信師