#政治詞彙 #V003 #特赦
【政治詞彙：特赦】
特赦係指承諾不起訴或懲罰被指控干犯某些罪行，或者已被定罪嘅人。簡單而言，特赦嘅前設係特赦對象本身有罪，只係當權者酌情赦免你。然而，香港嘅「特赦」唔單止無法幫助義士，更等於承認我哋所做嘅一切只係一場犯罪，而非革命。代價唔單止係對義士嘅污名，更係主動為極權政府建立合法性，認同政權係有正當、合法嘅權力去「赦免」香港人。
關於特赦嘅常見謬論，就係認為能夠令手足減刑、免罪，總好過唔做——事實上喺香港政府係極權政體嘅前提下，特赦唔單止係承認義士有罪，更係透過分化前線抗爭者同其他被捕手足，令革命冷卻甚至失去正當性，摧毀一路以嚟嘅成果，白費手足嘅犧牲。曾鈺成向香港政府建議以「赦輕不赦重」嘅原則特赦，目的就係孤立最前線嘅義士，喺政府「釋出善意」嘅同時又能夠清算堅實嘅反抗者，最終付出最多嘅手足代價最大，而接受「開恩特赦」嘅香港民眾又重返政權嘅控制之中。
與此同時，好多人認為特赦嘅問題係在於會赦免埋曱甴、或者話曱甴未被起訴所以唔應該進行特赦。即使政權只係「特赦」義士、起訴埋曱甴，都唔係我哋想要嘅結果——我哋唔係要政權檢討、反省，因為本質上呢個政府係不義，所以更要徹徹底底咁推翻呢個政府。換言之，曱甴會由我哋親自處理，與特赦問題無關。
接受特赦等於承認義士有罪，但係有罪嘅唔係香港人，而係中國、中國喺香港建立嘅在地政權以及所有擁護獨裁嘅人。我哋一定要完成革命、清算敵人，只有敵人先需要乞求赦免。各位手足，請勿再心存僥倖——革命推翻獨裁，既係責任更係義務，何罪之有？
=====
請follow《香港革命指南》
@hkmanual
【政治詞彙：特赦】
特赦係指承諾不起訴或懲罰被指控干犯某些罪行，或者已被定罪嘅人。簡單而言，特赦嘅前設係特赦對象本身有罪，只係當權者酌情赦免你。然而，香港嘅「特赦」唔單止無法幫助義士，更等於承認我哋所做嘅一切只係一場犯罪，而非革命。代價唔單止係對義士嘅污名，更係主動為極權政府建立合法性，認同政權係有正當、合法嘅權力去「赦免」香港人。
關於特赦嘅常見謬論，就係認為能夠令手足減刑、免罪，總好過唔做——事實上喺香港政府係極權政體嘅前提下，特赦唔單止係承認義士有罪，更係透過分化前線抗爭者同其他被捕手足，令革命冷卻甚至失去正當性，摧毀一路以嚟嘅成果，白費手足嘅犧牲。曾鈺成向香港政府建議以「赦輕不赦重」嘅原則特赦，目的就係孤立最前線嘅義士，喺政府「釋出善意」嘅同時又能夠清算堅實嘅反抗者，最終付出最多嘅手足代價最大，而接受「開恩特赦」嘅香港民眾又重返政權嘅控制之中。
與此同時，好多人認為特赦嘅問題係在於會赦免埋曱甴、或者話曱甴未被起訴所以唔應該進行特赦。即使政權只係「特赦」義士、起訴埋曱甴，都唔係我哋想要嘅結果——我哋唔係要政權檢討、反省，因為本質上呢個政府係不義，所以更要徹徹底底咁推翻呢個政府。換言之，曱甴會由我哋親自處理，與特赦問題無關。
接受特赦等於承認義士有罪，但係有罪嘅唔係香港人，而係中國、中國喺香港建立嘅在地政權以及所有擁護獨裁嘅人。我哋一定要完成革命、清算敵人，只有敵人先需要乞求赦免。各位手足，請勿再心存僥倖——革命推翻獨裁，既係責任更係義務，何罪之有？
=====
請follow《香港革命指南》
@hkmanual