#散水論 #D013 #時機
【散水論：XXXX未係時候，唔好做/講住】

臨時政府宣言未係時候，唔好做/講住
時代革命未係時候，唔好做/講住
「國歌」未係時候，唔好做/講住
香港獨立未係時候，唔好做/講住

風向撚利用嘅就係前設謬誤，佢哋嘅前設咗兩點：第一假設𠵱家唔係時候，第二假設咗「最佳時候」嘅存在，繼而就利用𠵱個有缺陷嘅前設去制止所有討論。

邊個去決定幾時係最佳時候？風向撚係唔係有上帝視角可以睇穿香港前五百年後五百年所有發生嘅事，所以知道邊點就係最佳？我哋無水晶球，我哋要做嘅就係把握每個時機。

革命從來都無「最佳時候」，準備就不嬲都要做，乜都唔講唔做就係最差，每一次反抗都係為下一次反抗鋪平條路。我哋驟眼睇2019年好似係香港革命嘅大躍進，其實係靠之前咁多年，無數嘅人付出佢哋嘅自由同時間換返嚟。而風向撚就正正想手足一切有關獨立建國嘅準備工作都停曬，甚至美其名曰「靜靜哋贏/靜靜雞」，令革命降溫、為政權維穩。

我哋無時無刻都要積極準備，參與討論，努力說服大眾。正如六月冇人相信我哋可以行到而家，我哋更要證明畀認定失敗、無可能嘅人睇——一個民族對自由嘅信仰、對擁有獨立主權嘅追求，可以有幾不屈堅定。

歷史注定由香港人書寫，最佳時候就係當下。
=====
按：有人拉埋「特赦」嚟講，話呢刻叫香港獨立會影響「特赦」。事實上「特赦」係極權愚弄我哋嘅手段，稍後會出文再講。

關於「XXXX會影響國際戰線」嘅謬論，請重溫：https://t.me/hkmanual/245
====
請follow 《香港革命指南》
@hkmanual