#正論 #選舉
【選舉循環：「勝果」只係政權維隱嘅誘餌】
香港嘅政治由選舉主導，特首選舉、立法會選舉、區議會選舉，總係一浪接一浪，因此當刻一完結區選，好多人會覺得要開始準備立法會，繼而又用區議會、立法會去「影響」特首選舉。香港人嘅危機其實從來不在於一場選舉嘅「成敗」——以往立法會穩佔逾半席數，香港嘅赤化並無因而停止，而上屆立法會「民主派」大敗，反而就促進咗街頭抗爭。
真正容許政權操控香港人嘅，唔係制度內嘅資源多寡、唔係不同議會中所得嘅議席，而係一個「選舉循環」——對政權而言，如果一場選舉可以換來社會平靜，佢絕對願意運用公帑，犧牲「保皇黨」嘅政治利益，令人民喺所謂「勝出」以後「維持勝果」，靜待下次選舉，而藉機恢復因為制度外抗爭而崩潰嘅秩序。
香港政府要維持一場選舉，毫不費力，反正人民會要求選舉如期進行，總會原諒DQ議員資格、篩選、假提名、舞弊、種票等情況。我哋早前提過，一般而言政權要瓦解革命，會透過鎮壓、談判、滲透——而選舉其實就係談判同滲透嘅手段。透過交換條件去確保選舉如期進行，例如暫時停戰、中止鎮壓，然後滲透要「保持勝果」嘅言論，去延長交換條件，最後達致長久嘅「和平」。
如果我哋當刻開始「備戰」立法會，政權並不會感到恐懼，反而覺得欣喜。長達五個月嘅抗爭終於返回可以控制嘅制度內，抗爭者自動為政權續命，並期望下屆選舉如期舉行。唯有跳出「選舉循環」，香港人先真正能得到勝利，否則一切嘅「勝果」，都只係政權維穩嘅毒餌。
===
請follow 《香港革命指南》
@hkmanual
【選舉循環：「勝果」只係政權維隱嘅誘餌】
香港嘅政治由選舉主導，特首選舉、立法會選舉、區議會選舉，總係一浪接一浪，因此當刻一完結區選，好多人會覺得要開始準備立法會，繼而又用區議會、立法會去「影響」特首選舉。香港人嘅危機其實從來不在於一場選舉嘅「成敗」——以往立法會穩佔逾半席數，香港嘅赤化並無因而停止，而上屆立法會「民主派」大敗，反而就促進咗街頭抗爭。
真正容許政權操控香港人嘅，唔係制度內嘅資源多寡、唔係不同議會中所得嘅議席，而係一個「選舉循環」——對政權而言，如果一場選舉可以換來社會平靜，佢絕對願意運用公帑，犧牲「保皇黨」嘅政治利益，令人民喺所謂「勝出」以後「維持勝果」，靜待下次選舉，而藉機恢復因為制度外抗爭而崩潰嘅秩序。
香港政府要維持一場選舉，毫不費力，反正人民會要求選舉如期進行，總會原諒DQ議員資格、篩選、假提名、舞弊、種票等情況。我哋早前提過，一般而言政權要瓦解革命，會透過鎮壓、談判、滲透——而選舉其實就係談判同滲透嘅手段。透過交換條件去確保選舉如期進行，例如暫時停戰、中止鎮壓，然後滲透要「保持勝果」嘅言論，去延長交換條件，最後達致長久嘅「和平」。
如果我哋當刻開始「備戰」立法會，政權並不會感到恐懼，反而覺得欣喜。長達五個月嘅抗爭終於返回可以控制嘅制度內，抗爭者自動為政權續命，並期望下屆選舉如期舉行。唯有跳出「選舉循環」，香港人先真正能得到勝利，否則一切嘅「勝果」，都只係政權維穩嘅毒餌。
===
請follow 《香港革命指南》
@hkmanual