#散水論 #D010 #國際戰線
【散水論：「唔好XXXX，美國歐盟唔鍾意！」】
散水撚以美國同歐盟做稻草人，手段屢見不鮮。
近日西班牙政府對2017年發動獨立公投嘅政治領袖，判處9年至13年不等嘅監禁，目的唔單止係剷除加泰隆尼亞嘅獨派勢力，仲係想摧毀加泰人民嘅反抗意志。今次香港人以對抗暴政為旗號，向國際話自己為自由而戰，轉個頭竟然話因為美國同歐盟唔鍾意加泰獨立，就阻止香港群眾聲援加泰——今日我哋就講下風向撚點樣以「歐美唔鍾意」為藉口，阻止追求自由、自主、獨立嘅思想喺香港嘅應有討論同傳播。
1. 違背意識形態
以加泰隆尼亞最近嘅示威為例，加泰人民一心追求脫離西班牙管治，喺壓逼下追求自由，根本就係受中國壓逼嘅香港人應該借鑑同跟隨嘅對象。即使香港人唔了解加泰獨立，都起碼應該聲援下話判決不公，而唔係話「歐美唔鍾意」、叫人唔好聲援「加泰狗」。如果香港人係真心相信民主、自由嘅價值，舉止上就不能講一套做一套，更唔可以覺得自己主動割蓆係好醒——連追求民主自由嘅都割蓆嘅香港人，係將呢幾個月聲援過香港嘅國家人民用完即棄？
2. 武力設限
「美國歐盟唔鍾意」嘅散水論，最常見於限制手足武力反抗。早前我哋都提過唔應該過度擔心手段過激借失去外國支持[1]，但仍然有班散水論以歐美為藉口，抹黑示威者使用武力反抗「過火」、「太激進」，阻止手足去做正確嘅事。就比如七月嘅時候，佢哋會話衝立法會外國會割蓆、掟汽油彈美國唔鍾意——但事實上都係杞人憂天。過度揣測、演繹歐美國家對香港抗爭手段嘅反應，只會使抗爭嘅群眾自我閹割，主動降低對武力嘅接受程度，大大拖延革命嘅進程，甚至連基本自衛嘅能力都失去。
3. 箝制意識形態
散水撚亦擅長以「美國歐盟唔鍾意」為由，控制群眾意識形態，遏止香港人尋求願景。站喺美國、歐盟嘅立場出發，冇一個國家會願意背負「分裂另一國家」嘅罪名，但咁樣唔代表人民唔應該憑自己意志，去追求一個自由、自主個國度。就連喺連登討論香港獨立、建國後嘅願景，都被散水撚指責為騎劫抗爭、美國唔鍾意。呢場革命既然係為咗香港嘅自由，理應以香港人民嘅意志為最重要，而唔係為咗尋求外國嘅批准同青睞——我哋唔係要否定國際喺呢場抗爭中扮演嘅角色，但香港人嘅意願先係我哋嘅初衷，外國亦唔會睇得起訶諛奉承、自貶身價嘅香港人。請記住自己為乜嘢而戰。
==
[1] https://t.me/hkmanual/161
==
請follow《香港革命指南》
@hkmanual
【散水論：「唔好XXXX，美國歐盟唔鍾意！」】
散水撚以美國同歐盟做稻草人，手段屢見不鮮。
近日西班牙政府對2017年發動獨立公投嘅政治領袖，判處9年至13年不等嘅監禁，目的唔單止係剷除加泰隆尼亞嘅獨派勢力，仲係想摧毀加泰人民嘅反抗意志。今次香港人以對抗暴政為旗號，向國際話自己為自由而戰，轉個頭竟然話因為美國同歐盟唔鍾意加泰獨立，就阻止香港群眾聲援加泰——今日我哋就講下風向撚點樣以「歐美唔鍾意」為藉口，阻止追求自由、自主、獨立嘅思想喺香港嘅應有討論同傳播。
1. 違背意識形態
以加泰隆尼亞最近嘅示威為例，加泰人民一心追求脫離西班牙管治，喺壓逼下追求自由，根本就係受中國壓逼嘅香港人應該借鑑同跟隨嘅對象。即使香港人唔了解加泰獨立，都起碼應該聲援下話判決不公，而唔係話「歐美唔鍾意」、叫人唔好聲援「加泰狗」。如果香港人係真心相信民主、自由嘅價值，舉止上就不能講一套做一套，更唔可以覺得自己主動割蓆係好醒——連追求民主自由嘅都割蓆嘅香港人，係將呢幾個月聲援過香港嘅國家人民用完即棄？
2. 武力設限
「美國歐盟唔鍾意」嘅散水論，最常見於限制手足武力反抗。早前我哋都提過唔應該過度擔心手段過激借失去外國支持[1]，但仍然有班散水論以歐美為藉口，抹黑示威者使用武力反抗「過火」、「太激進」，阻止手足去做正確嘅事。就比如七月嘅時候，佢哋會話衝立法會外國會割蓆、掟汽油彈美國唔鍾意——但事實上都係杞人憂天。過度揣測、演繹歐美國家對香港抗爭手段嘅反應，只會使抗爭嘅群眾自我閹割，主動降低對武力嘅接受程度，大大拖延革命嘅進程，甚至連基本自衛嘅能力都失去。
3. 箝制意識形態
散水撚亦擅長以「美國歐盟唔鍾意」為由，控制群眾意識形態，遏止香港人尋求願景。站喺美國、歐盟嘅立場出發，冇一個國家會願意背負「分裂另一國家」嘅罪名，但咁樣唔代表人民唔應該憑自己意志，去追求一個自由、自主個國度。就連喺連登討論香港獨立、建國後嘅願景，都被散水撚指責為騎劫抗爭、美國唔鍾意。呢場革命既然係為咗香港嘅自由，理應以香港人民嘅意志為最重要，而唔係為咗尋求外國嘅批准同青睞——我哋唔係要否定國際喺呢場抗爭中扮演嘅角色，但香港人嘅意願先係我哋嘅初衷，外國亦唔會睇得起訶諛奉承、自貶身價嘅香港人。請記住自己為乜嘢而戰。
==
[1] https://t.me/hkmanual/161
==
請follow《香港革命指南》
@hkmanual