【向蘋果致敬】
#致堅持捍衛真相的人🍎

《蘋果》喺廣受讀者歡迎之下，突然因政權打壓凍結資金步入歷史，趁住我哋仍然可以工會之名發聲，謹向《蘋果日報》、《壹周刊》、壹傳媒仝人送上一點致意。

呢篇唔係言正詞嚴嘅聲明，因為喺而家嘅香港，已無道理可言；我哋送上呢封小小嘅再會信，記低喺如此田地嘅香港，尚有人情仍在。

傳媒老闆係資本家，同工會推動勞工權益本有相左，但《蘋果日報》越行越前，積極揭發官商勾結壓榨勞工，大大小小嘅工潮、示威、記招、街站，《蘋果日報》幾乎從不缺席；遇有黑心僱主剝削員工，《蘋果》收到報料立馬跟進報道，為事主討回公道，從無畏懼得罪權貴，關顧弱勢義不容辭，充分發揮傳媒監察第四權。

單就工會身份而言，壹傳媒工會同樣不平則鳴，喺跨工會行動一齊並肩作戰。當工會人喺街頭被包圍抄牌，《蘋果》記者第一時間上前訪問之餘，亦言表關心提醒大家小心。不論何時，總有《蘋果》同我哋一路同行。

古有蘋果落地，啟發牛頓發現萬有引力；今有《蘋果》落紅，化作春泥更護花，讓自由公義喺香港人心中遍地開花。

《蘋果》再會，未來見！

二零二一年六月二十四日

航空同業陣線
社會及政治組織從業員工會
香港白領(行政及文職)同行工會
香港保險仝人職工會
香港自由工作者服務工會
港鐵新動力
清潔服務業職工會
香港酒店工會
香港資訊科技界工會
香港旅遊業革新總工會
城巴有限公司職工會
新世界第一巴士公司職工會
香港會計手足工會
航海交通服務業職工會
香港設計師工會
香港保險仝人職工會
建築地盤職工總會
香港公關及傳訊業總工會
香港舞台藝術從業員工會
香港寵物界工會