富昌榮昌、凱德傑仔社區資訊平台

@fucheongcswwfront Нравится 0
Это ваш канал? Подтвердите владение для дополнительных возможностей

長沙灣西社區陣線公海頻道,傑仔會不定時在此向各位提供區內最新消息,以及即將舉行嘅各種活動資訊,點擊此處接收傑仔社區訊息。歡迎各位街坊朋友 @cswwfront_barryuen /
@cswwfront_Alex ,報料最新資訊。
Гео и язык канала
Китай, Китайский
Категория
не указана


Гео канала
Китай
Язык канала
Китайский
Категория
не указана
Добавлен в индекс
17.09.2019 04:01
реклама
TGAlertsBot
Мониторинг упоминаний ключевых слов в каналах и чатах.
SearcheeBot
Ваш гид в мире Telegram-каналов
Telegram Analytics
Подписывайся, чтобы быть в курсе новостей TGStat.
208
подписчиков
~0
охват 1 публикации
~4
дневной охват
N/A
постов в день
N/A
ERR %
0
индекс цитирования
Репосты и упоминания канала
0 упоминаний канала
0 упоминаний публикаций
0 репостов
Упоминаний и репостов не обнаружено
Каналы, которые цитирует @fucheongcswwfront
Sunny
獴能救港哨兵Channel
Scott Scout 認證哨兵消息主頻道
【糖水Channel 】
獴能救港哨兵Channel
香港電台 RTHK
和你跑 總channel
獨立媒體 inmediahk.net
📺 文宣組 圖文直播台
本土新聞
和你跑 總channel
和你跑 總channel
和你跑 總channel
和你跑 總channel
和你跑 總channel
和你跑 總channel
和你跑 總channel
和你跑 總channel
天眼.交通頻道
和你跑 總channel
寶寶CHANNEL
和你跑 總channel
和你跑 總channel
香港 實時地圖
Последние публикации
Удалённые
С упоминаниями
Репосты
【派發愛心飯活動正式結束】

雖然傑仔已經辭任區議員一職,但早前都做埋最後一次派長者愛心飯嘅活動,亦希望藉住機會同一班登記攞飯嘅公公婆婆道別。派飯活動期間亦派發由善心人士捐贈嘅一批口罩俾一眾長者,在此感謝是次嘅慷慨捐助。最後傑仔亦要感激 #琦興餐廳 一直以嚟對愛心飯活動出心出力嘅支持,全靠佢哋幫忙先令活動能夠順利完滿咁進行🙌🏻🙌🏻

#俗語有話家有一老如有一寶
#能夠認識到咁多寶
#係傑仔嘅福氣
#往後要拜託各位街坊繼續撐住琦興
辭任前的工作跟進1:關注75小巴早上班次不穩引致學童遲到

六月至七月期間其實傑仔收到唔少區內家長反映75小巴早上班次不穩引致小朋友遲到。其實大家都知75小巴班次不穩主要係因為青山道一帶早上非常塞車,所以7點幾嘅車出咗去未必能夠順利返嚟。傑仔近日同咗小巴公司反映,獲得正面回應,簡單情況如下:

1)傑仔同小巴公司講希望可以加車,就算加唔到車都希望喺7點半至8點左右返回富昌嘅小巴入面預留一架去協助學生返學。小巴公司表示會加車,不過要等運輸署批准,批咗就預計兩個月後會幫75綫加多架車。

2)小巴公司同時建議就讀長沙灣一帶小學嘅學生(例如基福小學等),如果擔心75綫班次不穩可以試吓去深旺道乘搭75B小巴,喺長沙灣站B出口近消防局位置落車行返學校都可以。上車站點近V Walk商場外701巴士站上車嗰個位置,另外由長沙灣回程富昌嘅落車點就喺近富怡樓702巴士站。
【第一次都係最後一次漂書活動】

傑仔未來一星期嘅下午都會返辦事處處理善後,之前收集大家嘅書做漂書活動,隨住辦事處結束營運都要處理埋。

如果大家望到門口鐵架上嘅書,歡迎嚟攞返屋企慢慢睇(唔使還返俾我,亦唔好俾新嘅書我),呢個年代,讀多啲書係非常重要。呢幾日收拾期間有任何棄置而又有用嘅物資我都會放喺門口,大家有需要都可以留意吓。

昨日宣布辭任以後,有唔少街坊話未趕得切同傑仔道別,近排都會斷斷續續返嚟處理善後,如果真係想見面傾吓偈都可以Whatsapp/FB Inbox搵我預約時間。而辦公室電話27782533同時停止服務,不會接聽電話,敬請留意。
【再見、珍重、平安】

各位富昌、榮昌及凱德苑街坊:

傑仔於今天下午已向民政總署遞信辭任深水埗區議員,即日生效。換句話講,傑仔嘅區議員生涯正式完結。感謝曾經投票給我的4281位街坊,遺憾未能完成任期,傑仔在此向各位街坊道歉。

呢份工作俾到我嘅使命感同埋助人嘅快樂,以及街坊俾我嘅鼓勵我都會銘記於心。以「區議員」作為大學畢業第一份工作嘅我,呢一年半要感謝好多人,好多前線嘅同事對我嘅教導,令我獲益良多,讓我有一段畢生難忘嘅經歷。

無奈時不與我,能夠直抒胸臆嘅空間已經所剩無幾。

今天起大家再無民選議員為大家發聲,唯有希望大家繼續喺社區「化依賴為自救」,助人互助,將「區議員」留低嘅社區願景繼續透過自救同互助流傳落去。

感謝各位街坊陪伴我哋走過呢一年半嘅旅程,儘管社區嘅改變可能愈來愈渺茫,但相信只要大家仍然堅持信念,韜光養晦總會走出黑暗,遇見黎明。

各位珍重,平安、再見,有緣再會。

#慶幸仲幫咗唔少長者登記消費券
#原諒我無同大家一一道別

==========================================
註:之前我哋想搞漂書,原諒我哋平時工作繁忙遲遲未安排到,辦事處雖然已經停止運作,但都有一段時間要收拾辦事處嘅物資,各位街坊有需要可以落嚟攞返本書睇下。

另外,我哋都有少量剩低嘅工作要完成同埋需要匯報俾各位街坊知,我哋儘量會於今個月交代晒。

抱歉原定的證件相活動將會取消,稍後我會通知各位已登記的街坊。
Читать полностью
做個記錄,今日係我最後一次開區議會會議。

今日區議會嘅地區設施委員會通過更換深水埗公園泳池裡面嘅低壓電制櫃。低壓電制櫃係泳池嘅供電命脈,已經運作咗36年,機件已經有生鏽及腐蝕嘅情況出現,的確有更換嘅迫切性。工程預計於2022年2月至4月開工,更換後泳池嘅供電將會更加穩定,大家游水會更安全。
【凱德苑第一次業主會議即將舉行】

相信各位凱德苑業主近日都有留意到管理處喺大堂張貼嘅業主會議通知,將會喺今個星期六(7月10日)晚上喺長沙灣社區中心禮堂(近李鄭屋邨)有業主會議,將會決定成立屋苑法團等事項。

新屋苑成立法團十分重要,希望各位凱德苑街坊親身踴躍出席業主會議,投票選出未來決定屋苑事務及運作的法團。儘量避免使用「授權票」,以達致「自己屋苑自己救」的精神。

如果凱德苑業主及街坊對法團成立及業主會議內容不瞭解,管理處特意於今天(7月5日)晚上八時聯同民政署於凱德苑召開有關成立法團的簡介會,歡迎各位有興趣參與屋苑事務或欲了解更多成立法團資訊的街坊參與。

#自己屋苑自己救
#凱德苑 #業主會議
#難得有票投大家緊記珍惜
【協助登記消費劵】

電子消費劵今日開始接受申請,傑仔與團隊亦特意安排咗特別辦公時間,時間為上午10時至下午2時,協助有需要街坊嚟辦事處登記。

除填寫書面表格外,辦事處亦協助去年曾登記一萬元現金發放計劃嘅街坊透過網上系統登記。欲登記街坊請帶備所需資料,包括身份證及所選支付工具嘅號碼;如以網上登記,則需要同時帶備銀行帳戶號碼資料。

登記網站:
https://www.consumptionvoucher.gov.hk/tc/index.html

備註:辦事處不會協助以上載身份證或「智方便」方式作網上申請,敬請留意。
【東鐵綫紅磡站至旺角東站服務將於明天暫停】

因應配合沙中綫過海路段新軌道接駁工程,港鐵東鐵綫旺角東站至紅磡站列車服務將會於星期日(7月4日)作第六度暫停,如街坊欲轉乘東鐵綫請勿於屯馬綫紅磡站下車,而需乘搭該綫至大圍站轉車。另外,替代路線亦可以選乘新巴702線往九龍塘站接駁東鐵綫,而港鐵亦會安排接駁巴士服務往返紅磡站及九龍塘站,敬請各位街坊留意。

資料來源:
《東鐵綫旺角東站至紅磡站段 第六次星期日暫停服務訂於七月四日》(港鐵新聞稿)
https://www.mtr.com.hk/archive/corporate/en/press_release/PR-21-048-C.pdf
【抱歉原定的證件相活動將會取消,稍後我會通知各位已登記的街坊。】
【註:此為非牟利活動。】

傑仔知道呢排有唔少街坊希望影證件相,亦有家長想幫小朋友影返輯學生相,所以嚟緊7月16日(星期五)就會喺傑仔辦事處開設一場證件相拍攝活動,時間為晚上七點至九點。拍攝12張相嘅費用為$12,24張價錢則為$18。影完之後,預計需時兩星期內就可以落嚟辦事處領取大家嘅個人相片。

如果各位街坊有需要,記得先登入以下表格報名:
https://forms.gle/sR2ziSdyp99E9k579
或WhatsApp 6012-9454 與辦事處職員聯絡。登記時請提供姓名、地址、影相人數及證件相類別;而活動只限富昌邨、榮昌邨及凱德苑居民參與,敬請留意。

*記得要先報名呀!
====================
#傑仔 #黃傑朗 #深水埗社區陣線
#深社陣
#富昌邨 #榮昌邨 #深水埗區議員
#證件相拍攝
====================
黃傑朗區議員辦事處
地址: 富昌邨富旺樓地下25室
====================
【傑仔團隊招募義工】
如有意成為義工,請於以下google form填寫資料,以便安排,感謝。
https://forms.gle/uyoHyn6Ss5XrmoSW8
Читать полностью
【「樂悠咭」8月起分階段接受申請】

今日政府公佈左60歲至64歲兩蚊乘車優惠嘅詳情,要享用優惠需要申請一張「樂悠咭」,由八月二日開始會根據出生年份分階段接受申請,屆時傑仔都會協助街坊填寫申請表格。申請咗樂悠咭之後,明年2月27日開始就可以享用2蚊乘車優惠啦。
最近有位獨居婆婆準備離開香港,搵我哋協助清理屋企嘅雜物,唔知呢樣野包唔包喺區議會職能入面,所以我哋就用工餘時間去幫手。

#我們的日常
由於黑色暴雨警告持續生效,辦事處暫停開放直至黑雨警告信號解除後兩小時重新開放。惡劣天氣下,如非必要街坊切勿外出,注意安全。
#關注冷氣機滴水及非法接駁冷氣機喉情況
房署表示本邨冷氣機滴水嚴重,呼籲住戶時常檢查冷氣機滴水情況,盡快解決以免影響樓下住戶及地下途人。房署近日亦發現有住戶冷氣機喉私自接駁至公眾喉(見圖),引致有樓下住戶喉管出現「倒汗水」的情況,長遠而言更會造成喉管去水淤塞等情況。多數為裝冷氣師傅「貪方便」所致。如有相關情況,住戶必須自行還原。

#外牆維修進度報告
房署表示富誠樓外牆維修工程完成近1/3,預計八月完成。之後會於8-10月期間維修富萊樓及富怡樓,而10-12月則維修富旺樓,屆時大廈會有吊船及綠幕包圍,請各位街坊留意。

#商場更換污水喉
房署表示領展即將安排更換已老化的商場污水喉,由於該喉與富怡樓及富凱樓駁通,7月至8月期間會於該兩座不同室輪流停咸水,屆時請留意通告。

#年度升降機大檢
房署表示將於7月7至9日進行升降機大檢,本邨有三間升降機承辦商所以需時較長,早前富悅樓已完成,另外兩間承辦商會分批進行,當中使用東芝升降機的富盈、富韻及富旺樓為一組,使用通力升降機的富誠、富萊、富良、富怡、富凱樓為另一組,屆時會輪流暫停升降機服務,同樣請留意房署通告。

希望各位街坊持續向傑仔報告區內情況,傑仔和團隊會與房署研究可行方法,逐步改善屋邨環境。
Читать полностью
【2021年6月富昌邨管會及邨務報告】

#富昌邨 屋邨諮詢管理委員會(EMAC)於2021年6月25日晚上舉行的會議,繼續討論 #治安、#清潔、#保安、#撥款運用、#屋邨管理 及 #維修 等事宜,現向大家匯報:

#警民關係 #匯報罪案數字
警方代表匯報2021年4月至2021年5月富昌邨罪案數字,本邨沒有嚴重罪案發生,惟需留意夜歸出入安全,提防搶劫及爆竊案。

最近亦有不少網上罪案,例如有人冒認銀行登記消費券,如見不明來電或訊息,請果斷拒絕回應並刪除。

#籃球場翻新工程
早前房署表示於近富韻樓的籃球場將盡快於本財政年度進行翻新,房署交代最新進度表示會於8-10月期間展開。

#富悅樓旁上落貨區一帶翻新工程即將開展
房署將於8-10月期間更換上落貨區閘口附近渠蓋,並加長附近行人扶手,增加行人安全。

#要求跟進樓層防煙門雜物堆積
#要求加強防火教育宣傳

傑仔近日收到街坊反映樓層防煙門雜物堆積,早前傑仔巡樓時亦發現不少防煙門被繩索或物件牽引引致未能妥善關閉,影響防火防煙的功能。傑仔建議房署主動巡查,清潔公司必須指引清潔工不能以繩索長期打開防煙門及妥善清理後樓梯雜物,保安巡樓時亦可剪斷繩索,嚴重的樓層亦宜張貼清晰告示,以提醒居民或工作人員妥善關上防煙門的重要性。

另外,盂蘭節將至,因應早前有區內居民因火警喪生,亦有人曾以晾衫架燃燒冥鏹,加上早前亦有外區居民曾以壓力煲燒衣,反映街坊防火意識薄弱。傑仔建議房署加強防火宣傳,避免街坊於樓層走廊燒衣引致濃煙侷促影響鄰居,亦要加強宣傳位於富良樓垃圾站旁的燃燒冥鏹區域,以免再有火警發生。房署亦即將舉辦有關提升防火意識的活動,屆時大家敬請留意。

#高空擲物擊中水管 #懇請居民提升公德心
本月有不少邨內大廈供水設施接連損壞,包括富盈樓、富悅樓及富旺樓均有發生爆水泵或爆水管等情況,爆水泵方面,傑仔會前已向房署反映必須全面檢查各座水泵運作以確保住戶食水及鹹水供應穩定。

惟本週有兩宗爆水管均是人為導致,有小朋友把玩具及硬物從高處投擲擊中水管,引致爆水管及部分住戶咸水暫停。房署已找到相關住戶並立即扣分。
Читать полностью
【榮昌邨每月以物換物回收行動】

榮昌邨管理處每月最後一個星期五均會舉辦以物易物回收活動,居民可以回收膠樽換取日用品(例如洗潔精或紙巾等),旨在提升居民環保意識之餘又可以換取實用日用品,感謝榮昌管邨理處舉辦以物換物活動。

今個月嘅活動圓滿結束,各位榮昌邨居民可以留意管理處通告,做好回收,下個月最後一個星期五可以換領日用品~
【關於凱德苑巴士站】

近排唔少凱德苑街坊問起凱德苑巴士站幾時會有上蓋。

其實傑仔和鄒穎恒議員早在2021年2月25日發信予運輸署及巴士公司查詢有關巴士站上蓋嘅情況,不單只係上蓋,我哋仲要求巴士公司嘅報站同巴士站名稱上增加「凱德苑」,讓當時陸續入伙嘅凱德苑街坊可以準確搵到巴士站嘅位置。

新巴城巴早在4月尾回覆有關報站系統增加「凱德苑」嘅落實情況以及會研究增加巴士站上蓋,運輸署亦在發信近4個月才回覆我們會「研究」增設巴士站上蓋。

有人問,咁點解「做咗嘢」唔講?

大家都知道,興建巴士站上蓋其實部門之間經常互相推波,路政署、運輸署乃至巴士公司都無辦法答實幾時起好個巴士站上蓋。以V-Walk外701巴士站為例,我哋舊年一上任就發信問及巴士站上蓋工程進度,一路問問到今年年頭嘅區議會會議上一再追問先話「預計本年第三季開始動工」(到時我哋會再追進度)。可見其實要起到個巴士站上蓋其實真係要好多年,即使有去信爭取到運輸署表示會「研究」都唔好期望太多。

所謂「做嘢」同「成功爭取」呢啲,其實未見到個結果都未成事。運輸署開始研究;去到巴士公司有冇資源去起同埋決定幾時起;再去到路政署幾時批「掘地紙」先開工建成......成個過程係非常漫長,就算點問,都要等佢哋猜完波先答到少少嘢。

#問嘅問咗
#跟進嘅會跟進
#不過唔好期望太大
#跨部門嘅工作都係部門互相猜波環節
Читать полностью