#Admin專欄 #執法與洗腦
@Windseasonbro一月三日下晝五點四十六分，喺牛頭角鬧市，一個二十七歲男人揸住一架電單車，沿宏基街往臨興街方向行駛。而可能係超速，又或者其他緣故，交通警追住嗰架電單車，電單車上車手當然再加速逃亡，就係嗰段時候，一個男人走出馬路攔截電單車，車手見狀即打算避開男人，但男子揮拳擊向車手，而車手最後因此失控撞向路邊鐵柱，傷重死亡。
後來發現走出馬路攔截電單車嘅男人係四十幾歲海關，政府亦出聲明企圖淡化呢件事。
風巴先旨聲明，我平日好憎惡不顧途人嘅司機，尤其響喉嘅跑車同埋極速嘅私家車，然而我認為今次事件入面，最大嘅問題並唔係個電單車司機，而係出馬路攔截電單車嘅四十幾歲海關。
制訂同執行法律，目的不外乎係提供一個框框畀人遵守，令大眾時刻警剔，唔好犯下同一個罪行／對社會造成傷害嘅事情。
然而呢次海關咁做，其實係好無謂：
第一，喺安全角度而言，嗰個海關妄顧自己嘅安全———如果個電單車司機唔係為咗避佢，死嗰個好可能係個海關而唔係電單車司機。
第二，都係喺安全角度而言，嗰個海關妄顧其他道路使用者嘅安全———佢點知道佢懶有型揮一拳落個電單車司機度，個司機炒車時會唔會撞到其他人？
第三，，如果嗰架係警方嘅隱形電單車，佢同後面架警車係一齊去追再前面嘅車執行任務呢？你喺唔知頭唔知路情況下咁樣做，萬一真係打死咗警察，我相信今日嘅香港政府會一面倒地批評海關。
呢度又會有人(藍絲、親中人士同真心膠)Spin咗個討論：『2019時私了文化盛行，而社會又會話香港人好港豬，難得有人關心身邊發生緊嘅嘢，點解要Blame個海關？』
我想講，『做好市民協助警察執法』嘅前提係確保到自身安全，同埋唔應該做超越太多嘅武力。例如如果有一個小偷搶阿婆錢然後跑走，如果小偷無武器喺手嘅情況下，你作為一個市民，如果叫到有幾個人一齊幫手，的確係可以協助警方，喺警察到場拘捕疑犯前，幾個人夾手夾腳唔好畀個小偷走。
呢個係合理武力。
但唔代表你要殺死個小偷，唔代表你要用麻包袋笠住個小偷再去毒打佢，呢個就係非合理武力。
喺呢個事件入面，海關揮拳之前我諗佢已經預示到個電單車會因此炒車，但佢仍然咁做，呢個就係非合理武力。
至於你話對付2019年藍絲馬鞍山炎柱李伯或者白衣人嘅『私了』，我覺得係合理，因為對方自2019年起已經對我哋做太多唔合理嘅武力。
對敵人仁慈，就係對自己殘忍。
對家都深明此義，所以佢哋每一個界別，每一樣事件都入侵香港(香港愈來愈多中資餐廳、中資Wechatpay Alipay)，亦會一直推行唔合理嘅事(控以林卓延暴動)，只係香港人仍然港豬，『放假去大陸玩』、『繼續食麥當勞』、『試下蜜雪冰城、瑞幸咖啡』、『用支付寶平1蚊、用Keeta平10蚊、用淘寶平幾十蚊』...
想去旅行，點解唔去日韓泰台？
想食好嘢，香港仍然有值得支持嘅舖頭。
想飲咖啡，如果自己沖，大把靚豆、靚粉；如果無可避免，寧願Starbuck好過瑞幸咖啡，但如果我喺香港，我寧願幫襯香港人嘅咖啡店／飲臺式珍珠奶茶。
我認同盡量減少消費，所以我去日韓先消費，如果你話去旅行無咁多錢去日韓，咪去臺泰囉。
離咗題我知，但我就係想同大家講而家香港好撚大鑊。
大鑊在當人哋好團結地全方位入侵香港，想令香港變成中国香港，但我哋合理化咗件事。
我唔係叫大家2025凸個頭出去似2019年咁打仗，但都唔好咁撚可悲幫襯敵人，『食酸菜魚、蜜雪冰城、去深圳玩』...
香港人，可唔可以畀啲骨氣？
而家就係佢哋中国洗腦，令到我哋唔單止警察、海關，以至普通藍絲，甚至連淺黃嘅真心膠都自我感覺良好，佢哋以為自己做咗好事，佢哋覺得個二十七歲電單車手係抵死...
洗腦嘅最高境界，並唔係要你完全變成佢，而係當你以為自己同佢哋唔同，但仍然甘心情願地『生活同政見分開』，若干年後，你會發現自己愈來愈中国人，香港滅亡並唔係全因為藍絲，而係愈來愈無底線嘅香港黃絲。
接受用Keeta==>接受用支那寶==>接受香港有咁多中式餐廳而自己又幫襯==>接受去大陸玩==>接受海關咁樣執法==>接受自己係中国人==>接受2019香港人包括彥霖、梓樂死亡==>
下一步係點？
我諗睇到呢到嘅大家，可能有啲人對彥霖、梓樂呢兩個名都可能無乜印象。
你想香港嘅下一代好，或者係世界好，就唔好區分留港撚定移民撚，大家都係手足，大家都係香港人，香港人唔好有太多藉口，戒咗中国嘢、戒咗中式思想，由呢單新聞開始，多啲同你身邊朋友討論我呢篇文章嘅意思，每人起碼畀你身邊六個朋友睇我呢篇文章、再Share畀你所有TG Group，即刻做！
希望大家繼續支持暴風雨巴呢個TG Channel同 #Admin專欄，而如果你中意聽風巴
@Windseasonbro 鳩噏，請你Follow本Channel
@Windseasonhk ，並叫多兩個朋友玩TG Follow風巴，感謝！
