救急扶危 x 好鄰舍北區教會「和你傾」
由上年到而家,我地個社會發生咗好多令人不快同憤怒嘅事!特別係啱啱上個月尾中共政權強姦式通過國安法,更令不少香港人感到無助!而反送中以來大家經歷的警暴問題、法治不公等問題,更令到不少人嘅情緒同埋生活受到好嚴重影響!
人嘅情緒就好似橡筋咁,當壓迫到一個極點就會斷裂 - 曼德拉(曲)
我地救急扶急channel本身係一個FA物資channel,但由於有不少友台都提供類似嘅支援, 所以我哋channel喺早前已經轉型做輔導支援方面等服務。
而我哋救急扶危channel,將會同好鄰舍北區教會合作,教會其中一個計劃「和你傾」有一班合資格嘅 註冊音樂治療師、註冊藝術治療師、註冊社工、註冊心理學家及註冊家庭治療師等,提供不少情緒及輔導服務支援手足。當中包括 音樂治療、藝術治療、心理輔導、家庭治療等服務!
我哋歡迎各位有需要嘅手足同我哋或者教會聯絡,而我哋將會提供轉介!!
查詢或申請 whatsapp 6544-9858 / telegrem
@ICEpopo/
@Lk109 有不少朋友都對呢個計劃好好奇,問左好多問題,以下節錄幾條大家最常問嘅給大家!
〈 和你傾服務 〉Q&A 大整合
Q: 暫時乜嘢人可以用到呢個服務?
A: 我哋主要對象係18歲或以上嘅人仕,將來有機會會新增其他年齡層的參與,請密切留意!
Q: 如果唔係教友,可以參加嗎?
A: 當然可以,我哋非常歡迎的,小編也不是教友呢!
Q: 申請完,之後有咩程序?
A: 我哋會先了解評估你嘅情況,之後會盡快安排合適的治療師跟進你的個案,同你見面傾吓偈。
Q: 要傾咩嫁,有冇特定嘢一定要講?
A: 你想分享什麼都可以,大至家庭,學業問題,小至今天的頭痛好困擾你,都可以講的。
Q: 安唔安全嫁?係咪呃人/會唔會洩漏我啲嘢出去嫁?
A: 我哋教會絕對係一個負責任嘅機構,任何問題都可以向教會查詢。所有參加者嘅資料,和治療師的對話,都係絕對保密的。我哋亦會定時在tg和whatsapp清除申請者的紀錄,以防被非法入侵帳户。
Q: 會收費嗎?
A: 收費全免的!一毫子都不用,人過來就可以。
————————————
有時候,抗爭有久,忙得太久,我們都好像忽略了自己的心了,那些看不見的傷口,或是已經鮮血直淌。
別忘了,你也是一個有需要的人。
當真係捱不住,倒下也可以的,我哋會接住你。
伸出手,我哋就會係到