【田飛龍：我哋就係要搶奪歷史話語權】

全國港澳研究會田飛龍今日撰文批評 #支聯會，直指支聯會 #違反國安法。本來去到今時今日，香港嘅制度同法治早已淪陷，政權公開批鬥邊個或者攞邊個嚟祭旗我哋都應該已經見怪不怪。但如今中共公開批鬥支聯會，反映中共喺香港連「和理非」及「大中華」思想都容不下。

但我覺得呢篇文章有一個細節幾值得大家留意：田飛龍直指支聯會籌辦「#六四記憶人權博物館」，係要「#搶奪歷史話語權，在香港及國際社會傳播 #不實 及 #具煽動性的歷史信息」。

反烏托邦小說《一九八四》入面有句名言：「誰掌握過去就掌握未來，誰掌握現在就掌握過去。」

#篡改歷史 從來都係極權政府嘅慣用技倆。單係過去一年，港共政權已經多次刪改教材、扭曲史實，將抗日講成共產黨嘅功勞，將721元朗恐襲講成群眾互毆等等。

正因為 #獨裁者 係如此害怕醜陋嘅真相，如此害怕覺醒嘅人民，佢哋先會咁千方百計去 #操縱歷史。中共今日公開批鬥支聯會「傳播不實及具煽動性的歷史信息」，正正反映咗佢哋嘅 #不安同 #心虛。作為人民，我哋更加有責任喺民間繼續傳承 #正確歷史，與經暴政篡改，具維穩性質嘅官方史觀抗衡。

歷史就係歷史，歷史係用嚟被大家學習同借鑒，絕對唔可以淪為替暴政維穩嘅 #統治工具。既然中共要將歷史話語權私有化，我哋就更加要將佢搶返嚟！

#香港民族 #重奪歷史話語權

#毋忘國恥 #忍辱潛行
#靜觀其變 #伺機而起

田飛龍原文：https://www.hkcd.com/content/2020-11/16/content_1229131.html?fbclid=IwAR1kYuJZEp994HMPdO8RFdeIBZOW27IzweoqPlqSTJ7AWKfWw4N7uXG08LI