【林鄭！請立即上返大灣區！】

今日嘅記者會上，林鄭宣布押後原定禮拜三到「 #臨時立法會 」發表 #施政報告，原因係佢要出席一個完全與香港無關嘅「深圳經濟特區建立40周年慶祝大會」。

雖則我哋早已知道港共嘅「施政報告」並非以港人利益為依歸，但以往都會同大家上演「 #關懷社會 」戲碼，喺會上大耍官腔然後離場。但今日，林鄭決定戲都唔做，公開話俾全世界人知，作為香港嘅首長，佢認為深圳嘅慶祝活動比香港本地嘅事務更加重要，簡直貽笑大方。

今日林鄭記者會嘅另一重點係對 #12港人事件 嘅精彩回應。

當林鄭被問及去到深圳之後會唔會探望12港人時，林鄭嘅回覆係「 #每個禮拜都問， #唔想再評論。」

首先，有香港人喺境外地方被拘留，作為香港嘅行政首長，關心一下佢哋嘅處境本來就係 #應有之義 ，而絕對唔應該咁樣對佢哋嘅情況 #置若罔聞。

另外，12港人事件 #疑點重重 ，當我哋搵到越來越多嘅證據顯示呢個唔係單純好似黑警所講「偷渡失敗」嘅事件時，政府早就應該向公眾交待清楚行動細節，而唔係好似錄音機咁 #重複一啲早已被民間證據推翻嘅謊言。

而且作為社會嘅 #第四權 ，傳媒本來就有責任探究社會大眾關注嘅議題。12港人事件哄動全球，採訪相關人物，查明真相，就係佢哋嘅工作之一。「每個禮拜都問」，係因為你嘅所謂回應從來都冇答過條問題，更冇釋除過公眾嘅疑慮，反而只係一再 #火上加油。

無論係去年反送中，抑或係今次12港人事件，港共政權從來都冇打算 #面對公眾、 #面對真相！單單係今日嘅記者會，就已經完全反映林鄭等一眾港共官員係有幾咁賤視香港同香港人，亦反映佢哋有幾咁唔想負起作為政府嘅基本責任。

既然係咁，點解林鄭等人唔早日放棄香港， #全面擁抱大灣區榮耀呢？

#save12hkyouths
#十二加九
#毋忘義士 #釋放十二
- - - - -
🌐：https://twitter.com/owenchowkashing
📺 ：https://instagram.com/owenchowkashing?igshid=ldwslvfdkqlx
📧：owenchowkashing@gmail.com