三次元空間清算師

以下為中大學生會臨時行政委員會主席區倬僖於26日凌晨記者會之發言：

我們重申，中大學生會的一切代表性及權力均源於中大學生，因此學生會負責任的對象是中大同學，而非中大校方。我們強烈譴責中大校方以強權輾壓學生的聲音，漠視接近四千位同學的授權，剝奪候任幹事會朔夜為同學服務的權利。既然朔夜以符合中大學生會會章的方式，正當地贏得同學信任，我們絕對會承認朔夜作為學生代表的合法性。我們會在三月一日，按照同學的期望將學生會職能移交至朔夜，並且會無條件支持他們一切決定。

中大學生會有著超過五十年的歷史，這半個世紀，由香港前途談判、八九民運、反國教、雨傘運動到反送中革命，中大學生會一直參與其中，推動大時代的變遷。作為如此優秀的學生會之一員，我們感到十分驕傲。而歷史，將會記載中大校方今日是如何一手摧毀一切，與暴政狼狽為奸，剝奪我們僅有的權利和自由。

今日中大校方打壓學生會，絕對不單是中大的事，而是代表政權正是不惜一切整肅香港的公民社會，撲殺社會每一個守護良知的角落。我們衷心希望，各位香港人可以關注中大學生受到打壓的情況，不要棄這班願意為良知、公義發聲的同學於不顧。

#手足吐苦水


全香港區議員扮工N宗罪

尊貴嘅議員們鐘意番下一日工，唔鐘意又自己放自己假，或者訓到日上三竿下午先蒲頭，總之上午永遠見唔到本人或者長期失蹤，街坊多啲上午落去測試下撞下，包保次次去襯都見到議助好努力標準式兜議員開緊會呀/有野做/咁啱行開左呀。分分鐘街坊認錯議助係議員添，真係辛苦晒你地啦議助們。

日日返黎扮工睇下youtube，hea下吹下水，或者全日，修正係半日先啱，坐係到唔知做乜等運到又唔出去做區。成年都唔知你個區議員做左啲咩成積出黎，可能大部分都係議助嘅成績。

議員們能力低到嚇死人，作為新人都知你班友冇經驗冇知識架啦，成年時間比你學習學左啲咩番黎？唔識又唔請教啲有經驗嘅前輩，又唔去學，見到複雜少少嘅case就hea住打發街坊走，盲都見到你唔耐煩啦，做戲都專業少少啦，然後交比議助跟囉，自己走去扮忙，都係果句唔，不如議助去選啦。

街坊落黎批評幾句起晒槓以為人地係藍絲趕人走，態度180度變，平時就扮親民惡起上黎真係以為自己係尊貴嘅議員，咁你真係做唔到野喎，同埋唔好一黎就分晒黃藍先，你有冇努力嘗試過將淺藍轉黃呀？咁選你出黎做咩？我要人幫點解唔搵有經驗嘅民建聯走去搵你咩都唔識嘅素素素人？

facebook轉發新聞comment幾句當係營運左fb，或者長期拎人地啲食環清潔洗地相出post當係自己野，個FB愈多呢種post，扮工成份愈大。講到疫情幾嚴重好似你有份幫手咁，唔好將食環同大廈清潔人工既功勞當係自己啦，拎人地啲相好唔好意思？政治人物勤力少少自己寫下文真係出自己嘅野啦。其實講到尾，可能全部野都係議助們營運緊。

#都唔知你同你嘅團體做乜柒系列

一個月開下一兩次街站打個卡當係落左區做左野，難得一遇嘅街站咪又係派蛇齋餅粽，仲要係區議會嘅野添，少少政治宣傳都唔識滲入去，又唔係幫到場運動，又唔撚係拎到淺藍支持，咁你做黎仲唔係打個卡扮下工比黃營睇？除非你叻日日派啦咁就拎到淺藍票啦，不過你地班尊貴嘅議員懶到出汁一個星期開到一次街站都拜得落神。

都係果句，你地班友冇乜時間做區議員架啦，諗下你同你嘅團隊係呢段時間有乜野實質野可以做幫到香港啦，唔好做埋晒啲扮工野取閱班街坊啦，好假呀議員們