其實一直想對文宣組指指點點好耐，其實我地手足絕對唔係弱者，手足做過ge野絕對係價得我地尊重

對於一日唔埋幾十個塑造抗爭者係弱勢ge文宣，我一直都覺得好唔開心，可能係個人性格問題或者對於文宣ge既定想法，我覺得文宣方向應該多d推崇我地勇武手足有幾勇武，無論自我實現定係門檻論都好，其實我地係好需要大家塑造我地係強者，咁我地先覺得我地做ge野係有價值。打仗真係唔會日日塑造自己國家係弱者去求人可憐，或者情感勒索平民去參戰，反而係無論自己幾弱勢都要塑造自己係強勢個個士氣。

雖然我只係一個和理非，叫做識寫下code同畫下文宣之後咩都唔敢做，但係我都想抒發自己ge想法，我地一定會贏ga，因為我地真係好強，我地係明知自己鬥唔過中共國家機器都敢拼命去打，我地真係全世界全歷史最強ge民族，人地戰亂時ge平民真係唔會好似我地咁連條命都搏埋ga！真ga！人地歐洲好似好勇武，但其實打仗時咪又係個個移民！起碼我地冇！我本身係澳洲讀書，我可以搏移民，但我唔會，因為我相信香港人！

我想各文宣真係多d講勇武手足做過ge野，靜靜雞？我鄙，強者做左就唔會靜靜雞，強者做左就應該褒獎！反正d片段都公開哂，點解唔畀返自己人睇我地手足有幾勁？

文宣仔抽筋