18區聯合群組-手足互助計劃


Гео и язык канала: Китай, Китайский
Категория: Политика


各位手足,由六月開始我地見證住香港展開最壞嘅時代,每個香港人都過得好艱難。
但正正係呢個最壞嘅時代,我地都同時見證到大部分香港人最好嘅一面。
互助互信係我地宗旨,希望可以幫助到每一位手足共渡難關!

Связанные каналы

Гео и язык канала
Китай, Китайский
Категория
Политика
Статистика
Фильтр публикаций


今個月仍然有新嘅求助個案
無論係準備上庭嘅人或是出獄後面對生活困難嘅人都好需要幫忙
19年發生嘅事帶來嘅影響一直都未完
如能協助請聯絡 @unitedbothelp


有準備上庭手足向我地求助
如能協助並想瞭解請聯絡 @unitedbothelp


收到新的求助
手足出獄後無家可歸,已協助搵到工作但需要一筆短期嘅生活費用
如能協助請聯絡 @unitedbothelp


有手足出獄後生活艱難,因政見不同家人亦不作理會
手足已經努力尋求工作望能自力更生,希望能夠籌到短期嘅生活費用渡過難關
並且分享咗在獄中手足亦面對好多困難需要幫忙
如能協助請聯絡 @unitedbothelp


不經不覺 已是三個寒暑
自三年前開始 每逢六月都別具意義
彷彿一切仍是昨天才發生 縈嬈在耳
-
白色恐怖籠罩下
有人選擇到自由的國度繼續生活
有人選擇留下面對
或者兩者都非完美的選項
然而 對某部份人來說
選擇 竟成了奢望
-
三年過去 仍有逾400宗案件待開審
所牽涉的手足數以千計
有些被「未審先囚」
一晃眼已被還押近千日
有些則需每星期報到兩至三次
每次費時一整天 因而無法尋找正常工作
沒有工作 則沒有收入
沒有收入 則等於生活困難
一時半刻的難關 或許勒緊褲頭就能捱過
但是三載光陰 你能想像他們是如何掙扎求存嗎
-
黑暗初至 重光無期
請堅守信念
留一口氣
點一盞燈
有人就有光 有光就有人
-
我們仍在支援冤案纏身的手足
如能協助 請聯絡 @unitedbothelp


時間過去接近三年
隨著政府打壓以及關注度下降,支援工作越來越困難
如果有緣睇到我地channel嘅求助個案
請係安全嘅情況下幫忙share
感激不盡🙇‍♂


另外有社會運動被捕,正在待審嘅手足負擔唔起律師費
甚至支持唔到日常生活,希望可以眾籌渡過難關
612解散後對好多面對審訊嘅手足黎講的確少咗好多支援
希望大家唔好遺忘呢班為香港付出過嘅手足🙇‍♂
如果可以提供協助請聯絡 @unitedbothelp


有不少手足尋求情緒/心理健康嘅支援
如果有人可能提供相關協助請聯絡 @unitedbothelp
感謝大家


Репост из: 被捕人士資訊部
當旁聽師到失去自由 16歲少女在法庭度過兩年青春的收穫

//就讀中四、現時16歲的允霖(化名),於2019年12月被控非法集結,她首次提堂踏足法庭後,翌年2月就開始以「旁聽師」身份到法庭旁聽其他案件。

旁聽讓她能夠在迷惘中找到歸屬,驅使她一直做「旁聽師」,「旁聽係我嘅救命稻草,只有做緊呢樣嘢,先感覺喺呢一場運動付出過同存在過」。

除了猶如家人般的「旁聽師」外,允霖在法庭裡還遇到另一個珍而重之的人,就是她的男友。

男友是其他案件的被告,允霖是因為旁聽而認識他,但男友最後罪成,被判入獄,大約兩年後才服刑完畢。當日她親眼目睹男友與其他朋友步入羈留室的身影,留下了深深的傷疤,使她有一段時間對法庭卻步。

現時允霖罪成並還柙,就連唯一的探訪見面機會都失去,剩下可連繫彼此的途徑,就只有寫信,但她坦言:「跨院所寫信要申請,好麻煩」。由於面對難以想像的未來,他們不敢給予對方承諾,不擅離別的允霖亦曾因此掙扎,兩人甚至短暫分開。直至她知道對方將會入獄,兩人之間的回憶如走馬燈般掠過眼前,她此時才意識到自己想好好珍惜眼前這個人,儘管兩人的肉身已被迫分離。

與其他被告不同,允霖有一年的旁聽經驗,所學到的法庭知識能夠應用在自己的案件上。她笑說在審訊期間,看到文件上有一名以前旁聽見過的警員證人名字,但寫法卻出錯,於是馬上告訴律師。這些經驗讓她消除對未知的恐懼,但矛盾之處是沒法作出任何實際幫助,「其實都好諷刺,我嘥咗咁多心機同精力去了解法庭呢樣嘢,但到頭來識咁多嘢都係幫唔到自己單案」。

現在的自己有否後悔當日出去?允霖毫不猶豫地回答:「我唔會,起碼我有為呢個地方付出過,就算而家面臨就嚟要身陷囹圄嘅風險,我會覺得對得住我自己」。

正因為重視身邊人,她亦沒有想過離開香港到外地生活,就算香港的環境如何變差,她的根依舊不變,「我唔鍾意而家嘅香港,但我好鍾意為香港努力付出嘅大家」。留下的人逐漸減少,近年她對於離別已習以為常,雖然少不免懼怕自己及其他「手足」會被遺忘,但她同時相信,仍然會繼續關注案件的有心人,不會完全消失。

最壞的時代使人面對失去與離別,但同時讓允霖得到意外收穫,就是在法庭內與一群素未謀面的人逐漸建立的情誼,他們因苦難而連結,成為彼此的依靠,「如果畀我揀多次,我都會選擇經歷呢兩年嘅事,我唔知如果無經歷呢啲苦難,會唔會得到而家擁有嘅嘢」。//

📌 訪問全文:《獨立媒體》


最近經濟好差,好多被告嘅手足都雪上加霜


有準備上庭審訊同被趕出家門又失業嘅手足向我地求助
如果想瞭解詳情同提供幫助嘅請聯絡 @unitedbothelp


收到被告嘅手足求助個案
如果想瞭解詳情同提供幫助嘅請聯絡 @unitedbothelp


手足為大家準備咗新年禮物!!

Teemo手足已經還押差唔多一年,今年雖然仲未能夠申請保釋出嚟過新年,但係想為大家帶來新年一定會食嘅年糕同蘿蔔糕,希望大家可以食埋佢嗰份,過一個充滿溫暖同祝福既新年。産品由香港製造,包裝設計同運輸都由手足一手包辦!


各位有興趣可以同我地落單,賞面由Teemo同其他手足為大家準備既新年禮物。


預祝大家虎年平安,琥琥生威。


【琥年賀年糕點 700g】


1) 椰汁年糕 $108
成份: 白玉糕,水,澱粉,糖,椰漿,植物油
淨重: 700克
需要貯藏在 0- -4度雪櫃,保質期為 1個月。
開封後請盡快食用。


2) 臘味蘿蔔糕 $108
成份: 蘿蔔,水,粘粉,澱粉,鹽,糖,味粉,臘腸,蝦米,植物油
淨重: 700克
需要貯藏在 0- -4度雪櫃,保質期為 14日。
開封後請盡快食用。


落單:https://forms.gle/XP9GcdFqGGdFepx67
截單時間:2022年1月20日 2300
取貨日子: 1月下旬 (確實日子及時間會於截單後再作通知)
取貨地點:由手足送貨到你嗰區(偏遠地區除外,詳細地點會有專人通知)


運費因應地區而有不同收費。


填表後會有專人 whatsapp/signal 聯絡。
———————————————
有興趣同Teemo做筆友既就寫信去 沙田中央郵政局郵箱編號103號。
****封面無需寫上收件人姓名(如果你寫咗,小編會收唔到信TT) 書信對牆內人好重要,快啲寫信俾Teemo啦。
———————————————
Facebook: Teemo的震撼教育課
Instagram: @ Teemo.hk
Telegram: @Teemolesson
Patreon: https://www.patreon.com/Teemo_hk




隨著兩個較大嘅手足支援機構宣告解散後
好多需要幫助嘅手足都十分徬徨
雖然呢個channel已經冇乜人手運行
但見到好多唔同嘅求助人開始絕望嘅時候
都希望可以係呢個艱難嘅時刻出分力
如果有善長人翁可以提供到任何形式嘅協助
請聯絡 @unitedbothelp


Репост из: 📞電話特派專員
籌旗買素描筆✏️

寶寶面對有機會終身監禁既刑期及無止境的審訊,他的家人不論精神及經濟上已再無辦法獨力去支援手足。
適逢五一黃金周,5月8號9號,港類茶擺檔,將會將所有市集收益不扣除成本全額捐助買素描筆。

50盒 限量 盒裝
手工制作台灣金鑽土鳳梨酥(8件)
配台灣進口極品金萱烏龍(8泡)
$198 (可以預先訂購,到市集領取)

台灣進口極品金萱烏龍 70G包裝
$128 (可以預先訂購,到市集領取)

港類茶8款口味 及禮盒

有意預先訂購可以填以下google form。
https://forms.gle/zMUs8vn5pV68jn179

IG : https://www.instagram.com/kongirl.tea/

荃民市集
日期:2021 年5月 8 - 9 日
時間:12:00 - 19:00
地點:荃灣信義工業大廈 3/ F(南豐紗廠 The Mills 正門對面)
手足家屬亦會於市集向大家答謝。


港共清算一直都冇停過,好多手足都被不同罪名控告。其中最受人關注嘅國安法案件亦陸續開審。因國安法被捕嘅手足都是難以保釋,被還押嘅佢地好需要大家關注及幫忙。

國安法審前嘅無限期還押絕對為手足以及其家人帶來沉重嘅壓力,然而佢地都好努力咁堅持落去。

「以無期待有期真係好磨滅意志。每每想放棄既時候,係親朋好友同寫信師既信俾我力量撐落去。」

有位手足在2020年7月後因國安法被捕後一直還押,曾是屋企經濟支柱突然變為階下囚,被還押後所有重擔就落到其他家人身上,經濟狀況出現困難。

「收押所既素描筆幾錢?我想畫畫啊,不過我知道都貴啊,如果太貴你就唔好買啦。」

收押所素描筆只係$22,但手足希望將一分一毫都留俾家人,佢知道家人已經為佢付出咗好多。

面對有機會終身監禁既刑期及無止境的審訊,他的家人不論精神及經濟上已再無辦法獨力承擔。

呢位手足嘅戶口遭到凍結以致612未能作出律師費用支援,需自行籌備律師費。

4月份一萬八千的律師費用尚未處理,預計未來幾個月亦最少要5至6萬開支。

如果有人可以幫忙的話請聯絡 @unitedbothelp


最近都有幾個申請係想搵經濟援助
瞭解後都係工作被解僱加上被趕出家門,甚至有人已經要執2手餐食
義工們已經難以承擔
如果有家長可以幫忙或是介紹兼職的話請聯絡
@unitedbothelp


感謝大家回應,短時間內已經搵到醫療協助
如果有住宿同經濟(例如介紹兼職)等方面可以協助嘅請聯絡我地🙇‍♂🙇‍♂🙇‍♂


Year2學生因運動關係傷及手部神經,經常復發以致行動不便,同時被藍絲家人趕出家門獨自生活,現在積蓄見底難以維持生活。
若有善心人能夠提供經濟、住宿或醫療協助請聯絡 @unitedbothelp

Показано 20 последних публикаций.

1 262

подписчиков
Статистика канала