希望各位First Aider可以認真咁睇下。本頻道知道各位都係想考完牌就即刻出。但目前公認嘅事實係：FA太多，多到同Black Bloc不成比例。大家真係要諗下係咪要再以First Aid嘅身份出勤。其次目前FA嘅風評真係令本頻道嘅各位Admin都大致認同為「金玉其外，敗絮其中」，原因有好多，呢到唔再一一陳述啦。所以導致咗一個情況：好多Black Bloc都唔想再向我哋尋求援助。當然FA嘅救助對象唔會單單只有Black Bloc，單呢啲意見正正反應FA嘅質素每況越下。

近來有好多有經驗嘅First Aider都已經萌生Quit Game嘅想法。我哋唔係因為場運動再打唔起，反而係因為現今FA界係劣評如潮。但問題在於現時FA人手由二大之戰後，處於青黃不接嘅情況。由於冇人接班，我哋以舊都會繼續on duty。老老實實，希望新晉First Aider出去接替我哋呢班老鬼，等我哋可以休息一下，係帶有私心。但係以目前情況，我哋亦放唔低呢班有心但無經驗嘅FA。

昨晚旺角嘅情況，正正反映出現今新進FA對理解戰場上動向嘅不足。FA唔係單單識處理傷口就可以，識走路都重要。想出FA嘅手足/剛剛考完牌嘅手足，可以考慮上多啲堂，攞多幾張證書。因為目前情況出到去得個OFA其實冇咩用（HKSPMC派Cert係人都知，唔好以為係SPMC攞到30小時就OK，SJ/RC係嚴格啲）。所以報多啲唔同Courses，可以學更多嘢，一定要時常溫習同練習。

不厭其煩再次提醒大家一個事實：First Aider係沒有任何光環，會被捕、被打、甚至更嚴重。大家亦都有可能比撚狗人士當做盾牌。藍屍、黑社會、警察係極有可能會敵視你哋。小至行為舉止，大至救援技術，同行FA、手足、街坊、記者都一一看在眼內。

以上就係我哋Admin嘅提點。如果大家唔Pro啲，真心會成為別人笑柄。