蔡英文喺連任成功後曾經講過，台灣嘅年輕人係台灣最美嘅風景。

林鄭月娥呢？佢縱容警隊，拉，鎖，打我哋呢班年輕人👱🏻，將我哋呢班為民主，為公義抗爭嘅年輕人說成『 They have no stake in this society』，呢個係林鄭嘅說法。

因為你嘅一錯再錯，不但將中央統一台灣嘅大計變成泡影，亦令到曾經同你握過手嘅王志民依家要離開香港去研究黨史，亦都將一國兩制喺國際上成為天大嘅笑話。

一方面就話同香港人重建信任，轉個頭就容許警隊購買電槍？（外國已經有使用電槍而導致死亡嘅案例）。林鄭一方面話要重建法治，與巿民攜手同行，一方面對警暴視而不見。如今面對醫護罷工，你竟然仲講得出「任何人如認為用極端手段能威迫政府或醫管局，去做一啲，我哋理性上唔應該做嘅嘢，或對公眾利益有害無益嘅嘢，都唔會得逞」？

林鄭，因為你，令到警方得到同你一樣，歷史最低分囉，你仲好意思叫巿民支持由你一手摧毀，擁有175年傳統嘅警隊？其實就係因為你先會令警隊名譽掃地，掛上污名，亦都因為你先令一國兩制變成笑話。

林鄭，你知唔知個醜字點寫？
咁寫啊！！攬。炒。之。母！！