【YouTube機頂盒收錄影片謄本超過1000條了】
燕子生命嘅YouTube機頂盒計劃自2020年10月27日正式開始，每星期喺YouTube或者其他地方揀選各類影片製作謄本寄俾在囚嘅手足，俾手足可以繼續同世界保持聯繫，不知不覺已經接近十個月。
由一開始只有幾個手足整謄本，影片類型以時政為主，到依家每星期超過70個手足整謄本，影片類型亦涵蓋時政、娛樂、財經、哲學及歷史等等。除咗我哋嘅義工外，亦非常感謝解悶工廠幫手製作好多全圖嘅謄本。
有人話做呢啲嘢幫唔到成件事，但依家個情況就係我哋踢一場波，有個戰友斷十字韌帶，暫時踢唔到波，咁係咪佢傷咗就唔再係戰友？唔係呀，我哋可以有人繼續踢波、有人送佢上白車、有人去醫院探佢、有人買個生果籃亦都可以有人寫心意卡俾佢，做呢啲嘢幫到場波或者之後嘅比賽咩？唔得。幫到佢康復咩？唔得。但係咪唔做？你係咪會唔做？
事實上我哋一條謄本都唔想整，今個星期係第44期嘅YouTube機頂盒，總共有59條影片謄本，超過14萬字，亦都已經去到第1005條謄本。YouTube機頂盒會一直運作，直至所有手足出獄，但幾時先到嗰一日？冇人知。YouTube機頂盒停運係因為所有手足出獄，定還是我哋全軍覆沒？冇人知。希望唔係後者，祝我哋平安，亦祝各位手足平安。
我哋能力有限，未能夠接觸到所有在囚手足，歡迎手足嘅親友或筆友幫手印出嚟寄入去俾手足。
燕子生命YouTube機頂盒 https://www.swallowlife.org/youtube-機頂盒
燕子生命嘅YouTube機頂盒計劃自2020年10月27日正式開始，每星期喺YouTube或者其他地方揀選各類影片製作謄本寄俾在囚嘅手足，俾手足可以繼續同世界保持聯繫，不知不覺已經接近十個月。
由一開始只有幾個手足整謄本，影片類型以時政為主，到依家每星期超過70個手足整謄本，影片類型亦涵蓋時政、娛樂、財經、哲學及歷史等等。除咗我哋嘅義工外，亦非常感謝解悶工廠幫手製作好多全圖嘅謄本。
有人話做呢啲嘢幫唔到成件事，但依家個情況就係我哋踢一場波，有個戰友斷十字韌帶，暫時踢唔到波，咁係咪佢傷咗就唔再係戰友？唔係呀，我哋可以有人繼續踢波、有人送佢上白車、有人去醫院探佢、有人買個生果籃亦都可以有人寫心意卡俾佢，做呢啲嘢幫到場波或者之後嘅比賽咩？唔得。幫到佢康復咩？唔得。但係咪唔做？你係咪會唔做？
事實上我哋一條謄本都唔想整，今個星期係第44期嘅YouTube機頂盒，總共有59條影片謄本，超過14萬字，亦都已經去到第1005條謄本。YouTube機頂盒會一直運作，直至所有手足出獄，但幾時先到嗰一日？冇人知。YouTube機頂盒停運係因為所有手足出獄，定還是我哋全軍覆沒？冇人知。希望唔係後者，祝我哋平安，亦祝各位手足平安。
我哋能力有限，未能夠接觸到所有在囚手足，歡迎手足嘅親友或筆友幫手印出嚟寄入去俾手足。
燕子生命YouTube機頂盒 https://www.swallowlife.org/youtube-機頂盒