TAMA TAXI


Channel's geo and language: China, Chinese
Category: Transport


TAMA TAXI 創立於 2019 年,只收好司機,以最嚴謹驗證考核,敢說是全港服務最好的士服務。希望透過一起堅持,令香港變得美好。
在本平台上,乘客可以掌握 TAMA TAXI 各種即時資訊,協助大家 call 車。


Channel's geo and language
China, Chinese
Category
Transport
Statistics
Posts filter


一直有人查詢:TAMA TAXI 有無輪椅車?
以前無,唔代表以後都無。
終於有了。
日產 NV200,真正輪椅的士,配套齊全,專為輪椅使用者而設。
可載 1 位輪椅乘客(坐輪椅上車) + 2 位陪同乘客。
接受 24 小時前預約安排,每次服務及行政費 $120。
車輛數目不多,只能有限度提供服務。
現已接受網上預約。

https://www.tamataxi.com/service-page/%E7%84%A1%E9%9A%9C%E7%A4%99%E7%9A%84%E5%A3%AB%E9%A0%90%E7%B4%84?referral=service_list_widget

#TAMA
#TAMATAXI
#日產NV200
#無障礙的士


#TAMA混能輪椅的士
經過一星期內部投票,我們決定推出 [ TAMA 混能輪椅的士] 服務。
----------------------------------
縱然有乘客反映,混能的士 1+1 的設計局限、以及輪椅兼容性不高(輪椅大小受限、不適合電動輪椅),難以滿足實際需要。
但考慮到 NV200 及 Noah 無障礙的士供應問題,可能有人會考慮以混能的士作為第二選擇。
所以本服務適合以下人士:
1. 只需要載 1 位輪椅乘客 + 1 位乘客;
2. 非電動輪椅;
3. 輪椅尺寸小於 70cm (闊) x 120cm(長) x 130cm (高);
4. 負重少於 200kg。
而本服務收費為「預約費 $100 + 按錶收費」。
希望本服務能夠幫到部分有需要嘅乘客。
-------------------------------------------
另外可以睇睇呢條片嘅教學,了解如何用混能的士上輪椅。
https://youtu.be/i-shbscNeAY

預約 [ TAMA 混能輪椅的士] :
https://www.tamataxi.com/services


TAMA TAXI 正考慮重啟「混能輪椅的士服務」,希望你們給予一點意見,謝謝。
https://www.tamataxi.com/post/wheelchairtaxi


TAMAvengers, Assemble!
加入 TAMA TAXI,除咗面試,無其他方法。請先填寫表格及遞交申請。
https://www.tamataxi.com/tamavengers

#TAMATAXI
#TAMAvengers


即時新增一項「特別用途預約」。
乜嘢係特別用途?你提出,我哋決定幫唔幫到你。
可能係指定時間裡面每日一早要出門探訪、有重要事情處理;
可能係每日要定時去覆診、可能係想無目的地遊車河……
如果需要係合理、做得到嘅,會嘗試幫你安排。
行政費可能係 $0、可能係 $10、可能係 $100、可能係 $1000……
明就明。
必須在官方網站填寫預約內容。
網址:tamataxi.com

#TAMATAXI
#預約的士
#唔好意思唧牙膏式更新內容


寧可一思進,莫在一思停。
世界局勢很大鑊、香港很糟糕,可能明天我們都不在了。
尤其我這種頑固,超大機會被捉去貨櫃坐兩三星期監,但仍能進,就不該停。
我急住想在噩夢發生前完成一些事。
然而,我年紀開始大,手腳慢。
惟有分階段完成、推出。

首先,TAMA TAXI 官網可以用住先,網址 https://www.tamataxi.com/
係呀,TAMA TAXI 有自己 Domain 呀!我一早買咗落嚟袋住,而家先拎出嚟用。
呢個官網我用 TAMA SPACE website 大幅修改而成。
不代表 TAMA SPACE 已不存在,只是稍後會將其中服務及商品 embed 入去。
官網仍然很粗糙,好多細節仍然未執好,用得用住先,
即時用得嘅係「預約」部分,先滿足幾乎每日一問嘅需求。
呢個預約係要最少 24 小時前落單,上午約下午、下午約夜晚,即日預約恕我做唔到。
預約嘅行政工作本來就好煩好多,以前搞到 Admin 發脾氣。
而家用呢個方式減省一啲工作,希望滿足到有真實需要嘅乘客。
暫時有一般的士、大的士、包鐘三種預約可提供。
輪椅的士應該要稍後,起碼要知邊啲黃絲傅提供到服務。
重點係呢個預約係要額外畀行政費,而部分會由黃絲傅收取。

另外,基於上次西貢觀日團反應不俗,參與的 Tamaian 亦提出唔同嘅建議、訴求,所以在情況許可下會搞一啲 TAMA EVENT。
當然起碼要唔使再限聚先搞得,所以現階段都係一啲概念。
其中「飯聚集團」係由環環相扣概念衍生,希望能夠為一啲我哋會幫襯嘅食店創造一些收入。
實行方法係透過食界 KOL 同食店構思限定 tasting menu,然後同大家坐低食返餐,去程、回程,當然由 TAMA TAXI 一條龍接載。
另外「告別香港遊」、「他媽觀星團」唔浪費篇幅講,自己入去睇睇。如果你哋諗到有咩想搞,歡迎提議。
而家咁嘅環境梗係搞唔到,但有啲嘢係為未來而做。

為未來而做嘅,除咗網站,仲有有人一直有提議及期待嘅嘢。
或者你估到,但我唔講太明白,因為唔敢喺呢個階段承諾。
但個 project 其實已經開始緊。
究竟可以做到幾多、做成點結果、要睇有幾多資源。
有資源,先可以成就更多的事。
你可以話我大想頭,但我亦唔怕直接講:
Elon Musk 真係好撚型!
係呀!我係要搵錢買資源,無資源我會俾人蝦、俾人迫到埋心口都無還拖之力。
而更麻煩係加劇邊緣化,商業競爭就是如此……




有幾多人會喺花墟附近搵車?








收到一啲查詢。
其實唔使諗咁複雜,擺到明係搵食艱難巧立名目整色整水賺你錢人血饅頭,不過亦都希望大家喺過程中有啲得著,如果你覺得跟兩個饅頭王遊吓車河、睇吓日出、呼吸吓清晨空氣、放吓臭屁……係好玩嘅,咪一齊嚟。
以後仲搞唔搞?聽日都唔知過唔過到,以後再算啦!
去完東壩唔想走留低得唔得?你唔走我走,可以應承你就係睇完日出車你出西貢市,要去其他地方到時隨緣安排。
搞夜晚得唔得?睇星都好似 OK 喎!諗諗。
點解港島區無份?咁新界西、九龍西都無……時間未配合到。
聽日就 16/Jan,報名請集中去 t.me/yellowcab_admin ,謝謝。


[特備節目:西貢靜思日]
簡介:嗱,就咁嘅,由於生意淡泊,無乜好做,但車就點都要揸,台長及左手計劃嚟緊兩個星期日(16及23日/Jan) 一朝早拍拖去西貢東壩跳......舞、談心..….係咪好浪漫?如果你又想一齊,順路就兜埋你,想到時睇日出、影日出、吹風、睇癲佬......你想做乜就唔關我事嘅,我哋做司機嘅啫。
想 Join 就報名。
日期:16/Jan、23/Jan
開車時間:05:15am
上車點:新界東、九龍東
離開時間:08:00am
落車點:西貢市中心
名額:上限 8 人 (分 2 架車)
車資:每人 $100 (幫補車租)
其他:上車點視乎情況安排,盡量以集中為原則。搭的士唔使嘟 Apps 唔使打針先嘅,但必須清潔衛生。報名請至 t.me/yellowcab_admin 報名。








[Tamaian 應知事項]
為鞏固 TAMA 理念、建立更成熟 TAMA 社群,Tamaian( 包括黃絲傅及乘客)應該共識以下事情。

1. TAMA 的理念是「連結」、「互相支持」、「環環相扣」,透過平台及的士連結一起,務求做正確有意義、符合普世價值的事。

2. TAMA 有別於其他「荼餐廳」式任何人來者不拒平台,採用最嚴謹制度審核加盟司機,必須通過面試考核,維持清一色特色,並需遵守各項條款約束,為乘客提供安全舒適搭乘體驗。

3. Tamaian 應建立同伴式關係共生共存,除有共同信念,尊重、公平善待其他成員亦重要。

4. 基於個性不同、付出程度各異,在沒有違背理念、沒有違反普世價值原則下,Tamaian 請互相尊重,不要計算付出多寡、不要因小差異而排斥、指摘夥伴,記住有更大更重要目標未達成,避免在此之前四分五裂。

5. TAMA 是專用式平台,的士供應未能跟大眾平台相比,Tamaian 應抱持隨緣態度看待每次服務,不一定每次都可滿足 call 車要求,但必會想辦法完善服務。

6. 如乘客有緊急需要、趕時間,建議可在「其他要求」註明清楚原因、用途,衡量可等候時間,若一定要 TAMA TAXI,歡迎重出 order,而一般情況如 10-20 分鐘未能接單,可考慮用其他方式搵車。

7. 為公平回應 Tamaian 以 TAMA 為首選平台,黃絲傅亦應優先為 Tamaian 提供服務。如果同時間其他平台有同區 order,請優先接載 Tamaian。

8. 黃絲傅亦應依據台規指引,最優先處理歸類為緊急或特殊需要 order。同區 order 則以先入先出原則處理。

9. 乘客也請理解部分人有緊急特殊需要,體諒黃絲傅會優先考慮接載。

10. 為達到彼此公平善待目的,TAMA 不接受折扣、單程隧道、不合理、不合情、不合法的要求,這類 order 會被無視。所有 order 一律按錶收費、過海收回程隧道費,行李、寵物亦應按法例要求付費。

11. 乘客如多付車資打賞鼓勵,由黃絲傅自行處理,TAMA 不會過問。但不接受 call 車時加錢求車,避免習以為常令其他人認為可加錢搶車,黃絲傅亦需無視任何加錢求車 order。

12. 黃絲傅需經常保持車廂清潔衛生, 不要在車廂內吸煙。乘客上車後請主動提供消毒液搓手,乘客亦請配合衞生要求,不要在車廂遺棄紙巾、垃圾。

13. 乘客填寫上車地點應以「地區 + 地標或街道大廈」為標準,例如「中環置地廣場」、「旺角朗豪坊」、「九龍塘石竹路」,避免只填寫大廈名稱,尤其商業及工廠大廈,例如只填寫 On Building、時運工業大廈、利華樓......等,黃絲傅或未能掌握正確上車點而不敢接單。

14. 乘客請衡量可等候時間正確輸入。可考慮等候 10 分鐘,如無人接單用 repeat 功能重出 order。黃絲傅能分辨 recall order,在範圍內會盡力滿足要求。

15. 乘客如需指定時間用車,例如 30 分鐘後用車、11:00am 用車,可以在「其他要求」清楚註明,想預約亦可以這形式註明,讓黃絲傅預計能否接單。

16. 乘客上車後,黃絲傅請安全駕駛,為避免分心,請關掉電話屏幕、不要使用其他通訊工具如 zello 跟其他司機談話、派單(如遇困難例如問路需求助其他司機則除外)。

17. 黃絲傅必須清楚乘客 order 要求,能處理才確認接單,不能夠隨意接單後又棄單或失約,更不能夠將 order 派予 TAMA 以外其他司機,會嚴肅處理。

18. 如果接單後因突發原因例如壞車、交通意外,請在 zello channel 尋求其他黃絲傅協助處理。

19. 不可經任何渠道分享或散播乘客聯絡電話、不可派卡片予乘客誘使乘客用其他方式或平台約車,包攬乘客屬於沒道德操守、不公平對待其他成員,必嚴肅處理。乘客也應該拒絕並通知 Admin 這種行為,以維持公平原則。

20. 為能夠穩健長遠發展,完善服務,有充足資源非常重要,我們會嘗試各種方式尋求資金、資源以維持市場競爭力,吸納更多支持者,Tamaian 請務必明白我們現時的營運模式極不健康也脆弱,現實上 TAMA 面對各種商業競爭,必須要維持競爭力。

Tamaian 如需協助、服務意見反映、建議,請統一用 Telegram t.me/yellowcab_admin 提出,讓 Admin 集中處理。
希望所有 Tamaian 滿意 TAMA 服務。




[關於預約 TAMA TAXI]
Admin 每日都收到預約 TAMA TAXI 的查詢,多謝大家支持。
很遺憾,現在並無資源處理一般用車的預約安排。
這裡指的「一般用車」,泛指日常點對點用車,例如 7:30am 沙田去旺角、08:00am 屯門去荃灣……等,通常是上班、上學等一程車用途。
請花點時間了解為何安排困難。
1. 如果我們接受這種預約,肯定會有大量用戶提出相同要求,將產生極大量人手工作,而遺憾我們沒有人力資源處理。
2. 預約需要人手處理,是由於每個預約要求不同,包括日期、時間、起點、乘客人數、用途……需要了解要求才可配對黃絲傅。
3. 每日有哪些黃絲傅會開工,其實 Admin 不知道,他們不會預先報到、開幾點、哪區起步。要將預約要求通知所有黃絲傅,然後再等他們回覆是否接受預約,過程也有很多程序處理。
4. 黃絲傅的開工時間、起點,都會左右他們的考慮。例如黃絲傅甲 5am 在荃灣取車開工,乘客想預約 6am 荃灣去青衣,要接受預約,由 5am-6am 時段幾乎就不可再接客,因萬一 5:30am 上了客去香港島,就無法回頭完成那支預約 order。客觀現實:不接客一個鐘就為了滿足一個乘客的預約,絕不合理。
5. 根據上述情況想像,黃絲傅取車開工之後任何一個時段,其實都無法掌握自己哪個時間在哪個地點,要接受預約其實很困難。
6. 有些乘客問,那去機場、關口是否可以預約?以往機場、關口預約受歡迎,是由於出入境人流頻繁,載客入去,有客出去,而且通常都長途,在成本效益有保障情況下,當然受的士司機歡迎。但自疫情後,出入關口或機場的需求近乎零,所以連帶這種預約都暫停。
7. 未來會否因應情況再接受機場或關口預約,現時言之尚早,要視乎實際需求再作決定,如果有新安排,Admin 會在不同渠道通告。
8. TAMA TAXI 現時可接受包車形式預約,即包鐘,以最少 2 小時起計,以定價形式收費,視乎時段、用途訂價,有需要可以到 https://t.me/YellowCab_Admin 查詢。
9. 除了包鐘預約,我們也會因應「特殊情況」考慮接受預約。「特殊情況」沒有一個能公開及清晰定義,每人需要情況不同,難以概括公開描述。參考例子是有乘客需要在一段指定時間內每日準時用車到法庭、醫院,我們也在可能情況下盡力安排,有需要請到 https://t.me/YellowCab_Admin 提出你的要求。
10. 總括而言,「一般用車」不接受預約,但大家可以用 https://t.me/YellowCab_HK_bot, 於「其他要求」註明你用車日期、時間,看看有否黃絲傅接受,要訣是如果是早上用車就早上時段落 order、晚上用車就晚上落 order,因如果你早上用車晚上出 order,早更的黃絲傅基本不會睇到你的預約要求,他們晚上都需要休息。

一般用車
https://t.me/YellowCab_HK_bot

特殊用車
https://t.me/YellowCab_Admin



20 last posts shown.