［因應民意 講下美國先］


因此香港人權及民主法案通過左，香港人對美國政制日感興趣，所以今日我地講下美國政制同教下大家英文，等大家喺twitter同議員溝通時，可以更加有效咁表達我地嘅訴求。

美國總統係點樣選出架呢？ 香港親中政黨成日話:"美國總統都唔係直選出來啦！美國都冇民主嘅！真民主只係一個烏托邦，唔存在嘅！"而事實上又係點呢?

首先，美國總統的確唔係以一種直接嘅簡單多數制(simple majority)嘅方式選出來。佢地係有分兩種票嘅，一種就叫做民眾選票(popular vote)，而另一種叫選舉人票(electoral college)。首先美國總統係需要經過全民一人一票投出來嘅, 只係因為美國為左保障每個州分嘅利益, 而採取一種間選制度(Indirect election). 唔同香港選都冇得你選。

而間選唔代表唔民主，而係民主嘅另一種方式。因為所謂選舉人團，佢地嘅投票取向，係要根據選民嘅意願去投票嘅。如果佢地唔跟民意投票，就會成為失信選舉人(faithless elector)。同香港唔同嘅係喺美國做違背選民嘅事，係會畀人撤換，甚至可能要承擔法律責任。

美國總統大選嘅規則係贏家全取(winnner-take-all)；即係話，每一個州分係自成一個選區。以加州為例，選舉人票有55張。而只要候選人A比B拎多一票民眾選票，A都可以獲得全數55張選舉人票。而因為呢種制度，所以會出現所謂贏波輸盤嘅結果；就係取得較多嘅民眾選票，但就輸左選舉人票。2016年Donald Trump就係喺民眾選票較少，但選舉人票更多嘅情況下勝出。

大家又覺得呢種選舉方式可唔可以喺香港實行呢? 定係香港應該採用其他嘅選舉方法呢?