對海外手足的遊行示威的一點看法(可能係廢話,因為我不在海外,唔清楚實際運作情況,唔啱聽可以當我冇講過)。其實宜家所有行動既針對目標唔應該係港共/中共,因為極權從不在意人民既看法,數以百萬人既遊行佢都當我地透明。宜家針對既目標應該係海外當地既政府、機構、人士,因為外國係要對當地既人民負責(姐係海外手足)。舉個例子,以市民身份向當地既駐港海外法官施壓要求離職、向當地在港設分部既國際公司施壓要求取消香港業務、向當地政府施壓要求取消香港經貿辦、向當地立法議員施壓要求制裁香港官員/法官/議員、向當地國際明星施壓要求取消香港演出、向當地市民施壓要求抵制到香港旅遊......如此類推,有數以百計既施壓方向。目前港共仲係care國際社會對香港既看法,因為國際貿易對香港好重要,我地要諗方法將香港既真實情況講出去,等全世界都知道香港係極權社會,作出相應既抵制。好似烏克蘭會向國際公司施壓要求退出俄羅斯市場,我地要全世界都知道同香港有業務合作係不道德既助作極權行為。