အင်မတန် နိုင်ငံကြီးသား ပီသလှပါတယ် ဆိုတဲ့သူတွေဟာ ဘောလုံးကွင်းထဲက လူအုပ်ကြီးထဲ ရောက်သွားတဲ့အခါ ပြိုင်ဘက်အသင်းက လူမည်းကစားသမားကို မျောက်လို့ အော်ဆဲဖို့ ဝန်မလေးတော့ဘူး။ ဘယ်သူဘယ်ဝါမှန်း မသိနိုင်တဲ့ အကောင့်တုတစ်ခုကနေလည်း ရေးချင်ရာ ရေးဖို့ သိပ်လွယ်သွားတယ်။
ပြောချင်တာက ကိုယ့်ရင်ထဲက မကောင်းတဲ့စိတ်ဆိုတာ အခွင့်မသာသေးလို့ ငြိမ်နေတာမျိုးလည်း ရှိတတ်တယ် ဆိုတာပဲ။
🔳 ဒီတော့ ဘယ်အတိုင်းအတာထိ ဟီရိကို ကျင့်သုံးမှာလဲ။ တစ်နည်းပြောရရင် ကိုယ့်အဆင့်အတန်းကို ဘယ်အနိမ့်လောက်အထိ ဆွဲချမှာလဲ ဆိုတာ သိပ်အရေးကြီးသွားပြီ။
- ရည်းစားနဲ့ Sex chat တာရယ်၊
- သူစိမ်းမိန်းကလေးတစ်ယောက်ကို ထိကပါး ရိကပါးပြော၊ မဟုတ်တရုတ်ပုံတွေ ပို့ပြီး Sexual harassment လုပ်တာရယ်၊
- အဲဒီလိုလုပ်ပြီးတာတောင် ဝန်မခံဘဲ ဒီမိန်းကလေးကို နာမည်ဖျက် တိုက်ခိုက်နေတာရယ်၊
- ကာယကံမြောက် အဓမ္မပြုကျင့်တာရယ်၊ ဒါတွေက လိင်ကိစ္စတွေ ဖြစ်ကြပေမဲ့ အတိမ်အနက်ချင်းရော ထိခိုက်မှုချင်းပါ မတူကြဘူး။
လိင်စိတ်တို့၊ ဒေါသတို့၊ မနာလိုတာတို့၊ လက်စားချေလိုစိတ်တို့ကတော့ လူတိုင်းမှာ ရှိကြတာပါပဲ။ ဒါပေမဲ့ အဲဒါတွေကို ဘယ်လိုထိန်းသိမ်းစီမံသလဲ ဆိုတဲ့အပေါ် မူတည်ပြီး လူ့အဆင့်အတန်းတွေ ကွာခြားကုန်ကြတာ ဖြစ်ပါတယ်။
🔳 "ငါ နင့်ကို မုန်းတယ်၊ ဒါပေမဲ့ ငါသိထားတဲ့ နင့်အကြောင်းတွေ၊ အတွင်းရေးတွေတော့ ဘယ်တော့မှ ငါ ထုတ်မပြောဘူး။ (ခေတ်စကားနဲ့ ပြောရရင် အောက်ဖဲမလှန်ဘူး)"
"ငါ မှားသွားတယ်၊ မင်းနစ်နာခဲ့ရတာတွေအတွက် ငါတောင်းပန်တယ်"
"စစ်တိုက်ဖို့လိုလို့ တိုက်တယ်။ ဒါပေမဲ့ ဖမ်းမိလာတဲ့ သုံ့ပန်းတွေကိုတော့ လူ့အခွင့်အရေးနဲ့အညီ ဆက်ဆံပေးတယ်"
ဒါကြောင့် ဟီရိနဲ့ ပတ်သက်လို့ ပြောရမယ်ဆို သူတော်စင် မဟုတ်ရင်နေပါ၊ လူပီသဖို့လေးပဲ လိုပါတယ်။ သူတော်ကောင်းတွေ ပေါ်ထွက်မလာလို့ ဘာမှမဖြစ်ပေမဲ့ သူယုတ်မာတစ်ယောက် ပေါ်လာရင်တော့ အဲဒီလူ့အဖွဲ့အစည်း ဒုက္ခအကြီးအကျယ် ရောက်တတ်ပါတယ်။
🔳 လူနဲ့ပတ်ဝန်းကျင်၊ အတွင်းနဲ့အပြင်၊ ဟီရိနဲ့ သြတပ္ပ၊ ဒါတွေဟာ တစ်ခုနဲ့တစ်ခု အပြန်အလှန် သက်ရောက်မှု ရှိနေတာပါ။
လူမှုအဖွဲ့အစည်းရဲ့ စံနှုန်းတွေ တလွဲဖြစ်လာတော့ တလွဲဖြစ်နေတဲ့လူတွေ နေရာပိုရလာတယ်။ ဒီအခါ လူ့အဖွဲ့အစည်းကလည်း တလွဲပိုဖြစ်လာတယ်။
သြတပ္ပတရား ပျက်ယွင်းတော့ ဟီရိတွေပါ ပျက်လာတယ်။ အဲဒီလိုလူတွေ များလာတော့ သြတပ္ပက ပိုပျက်စီးတယ်။
ဒါကြောင့် ကောင်းတဲ့သူကို ချီးမြှောက်၊ မကောင်းတဲ့သူကို ရှုံ့ချတဲ့ လူမှုပတ်ဝန်းကျင်တစ်ခု ပေါ်လာဖို့ လိုအပ်သလို၊ လူသိတာ၊ မသိတာ နောက်ကိစ္စ၊ ကိုယ့်စိတ်ကိုက ဒါမျိုးမလုပ်ချင်တာ၊ ကိုယ့်အဆင့်အတန်းကို နှိမ့်မပစ်ချင်တာ ဆိုတဲ့သူတွေ များများရှိနေဖို့ဟာလည်း သိပ်အရေးကြီးပါတယ်။
🔳 လောကကို စောင့်ရှောက်တဲ့ တရားတွေ ပိုမိုထွန်းကားဖို့ လောကကလည်း ပြန်လည်စောင့်ရှောက်ဖို့ လိုအပ်ပါလိမ့်မယ်။
ဒေါက်တာ ဖြိုးသီဟ
၁၇.၉.၂၀၂၃
Photo credit - Pixabay
ပြောချင်တာက ကိုယ့်ရင်ထဲက မကောင်းတဲ့စိတ်ဆိုတာ အခွင့်မသာသေးလို့ ငြိမ်နေတာမျိုးလည်း ရှိတတ်တယ် ဆိုတာပဲ။
🔳 ဒီတော့ ဘယ်အတိုင်းအတာထိ ဟီရိကို ကျင့်သုံးမှာလဲ။ တစ်နည်းပြောရရင် ကိုယ့်အဆင့်အတန်းကို ဘယ်အနိမ့်လောက်အထိ ဆွဲချမှာလဲ ဆိုတာ သိပ်အရေးကြီးသွားပြီ။
- ရည်းစားနဲ့ Sex chat တာရယ်၊
- သူစိမ်းမိန်းကလေးတစ်ယောက်ကို ထိကပါး ရိကပါးပြော၊ မဟုတ်တရုတ်ပုံတွေ ပို့ပြီး Sexual harassment လုပ်တာရယ်၊
- အဲဒီလိုလုပ်ပြီးတာတောင် ဝန်မခံဘဲ ဒီမိန်းကလေးကို နာမည်ဖျက် တိုက်ခိုက်နေတာရယ်၊
- ကာယကံမြောက် အဓမ္မပြုကျင့်တာရယ်၊ ဒါတွေက လိင်ကိစ္စတွေ ဖြစ်ကြပေမဲ့ အတိမ်အနက်ချင်းရော ထိခိုက်မှုချင်းပါ မတူကြဘူး။
လိင်စိတ်တို့၊ ဒေါသတို့၊ မနာလိုတာတို့၊ လက်စားချေလိုစိတ်တို့ကတော့ လူတိုင်းမှာ ရှိကြတာပါပဲ။ ဒါပေမဲ့ အဲဒါတွေကို ဘယ်လိုထိန်းသိမ်းစီမံသလဲ ဆိုတဲ့အပေါ် မူတည်ပြီး လူ့အဆင့်အတန်းတွေ ကွာခြားကုန်ကြတာ ဖြစ်ပါတယ်။
🔳 "ငါ နင့်ကို မုန်းတယ်၊ ဒါပေမဲ့ ငါသိထားတဲ့ နင့်အကြောင်းတွေ၊ အတွင်းရေးတွေတော့ ဘယ်တော့မှ ငါ ထုတ်မပြောဘူး။ (ခေတ်စကားနဲ့ ပြောရရင် အောက်ဖဲမလှန်ဘူး)"
"ငါ မှားသွားတယ်၊ မင်းနစ်နာခဲ့ရတာတွေအတွက် ငါတောင်းပန်တယ်"
"စစ်တိုက်ဖို့လိုလို့ တိုက်တယ်။ ဒါပေမဲ့ ဖမ်းမိလာတဲ့ သုံ့ပန်းတွေကိုတော့ လူ့အခွင့်အရေးနဲ့အညီ ဆက်ဆံပေးတယ်"
ဒါကြောင့် ဟီရိနဲ့ ပတ်သက်လို့ ပြောရမယ်ဆို သူတော်စင် မဟုတ်ရင်နေပါ၊ လူပီသဖို့လေးပဲ လိုပါတယ်။ သူတော်ကောင်းတွေ ပေါ်ထွက်မလာလို့ ဘာမှမဖြစ်ပေမဲ့ သူယုတ်မာတစ်ယောက် ပေါ်လာရင်တော့ အဲဒီလူ့အဖွဲ့အစည်း ဒုက္ခအကြီးအကျယ် ရောက်တတ်ပါတယ်။
🔳 လူနဲ့ပတ်ဝန်းကျင်၊ အတွင်းနဲ့အပြင်၊ ဟီရိနဲ့ သြတပ္ပ၊ ဒါတွေဟာ တစ်ခုနဲ့တစ်ခု အပြန်အလှန် သက်ရောက်မှု ရှိနေတာပါ။
လူမှုအဖွဲ့အစည်းရဲ့ စံနှုန်းတွေ တလွဲဖြစ်လာတော့ တလွဲဖြစ်နေတဲ့လူတွေ နေရာပိုရလာတယ်။ ဒီအခါ လူ့အဖွဲ့အစည်းကလည်း တလွဲပိုဖြစ်လာတယ်။
သြတပ္ပတရား ပျက်ယွင်းတော့ ဟီရိတွေပါ ပျက်လာတယ်။ အဲဒီလိုလူတွေ များလာတော့ သြတပ္ပက ပိုပျက်စီးတယ်။
ဒါကြောင့် ကောင်းတဲ့သူကို ချီးမြှောက်၊ မကောင်းတဲ့သူကို ရှုံ့ချတဲ့ လူမှုပတ်ဝန်းကျင်တစ်ခု ပေါ်လာဖို့ လိုအပ်သလို၊ လူသိတာ၊ မသိတာ နောက်ကိစ္စ၊ ကိုယ့်စိတ်ကိုက ဒါမျိုးမလုပ်ချင်တာ၊ ကိုယ့်အဆင့်အတန်းကို နှိမ့်မပစ်ချင်တာ ဆိုတဲ့သူတွေ များများရှိနေဖို့ဟာလည်း သိပ်အရေးကြီးပါတယ်။
🔳 လောကကို စောင့်ရှောက်တဲ့ တရားတွေ ပိုမိုထွန်းကားဖို့ လောကကလည်း ပြန်လည်စောင့်ရှောက်ဖို့ လိုအပ်ပါလိမ့်မယ်။
ဒေါက်တာ ဖြိုးသီဟ
၁၇.၉.၂၀၂၃
Photo credit - Pixabay