#Iran #Politics #protest
伊朗示威發展

根據伊朗人權組織，至今有 340 幾人死亡，其中 43 人係兒童，成千上萬嘅示威者被捕，5 人被判處死刑，當中甚至有青少年

情景一：政權之後行動

啱啱伊朗議會通過要加強鎮壓行動，但唔少人認為政權未必會執行大規模處決或者嚴刑，因為今次有唔少婦女同女學生參與前線，而且示威已經係全國多地爆發，好難全面壓制；另外，伊朗全國 20 幾個城市安裝咗幾百萬部有人臉識別功能嘅鏡頭，當局更加容易捉人而唔使係街頭對峙；亦有傳聞話軍隊未有大規模鎮壓係因為覺得新兵無勇氣襲擊女性，而且示威者可能會呼籲年輕士兵加入抗議隊伍

情景二： 抗議逐漸平息

而家全國各地唔少女性唔再戴面紗出街、會係在公園慢跑、係餐廳同無血緣關係嘅男人食飯等等，呢啲活動都係違法，所以有人話抗戰已經勝利，為咗其他目標而冒生命危險係不負責任； 支持換走政權嘅伊朗人比例並唔高，調查普遍顯示過半人支持示威，但就得 34% 人支持世俗共和國， 28% 仍然支持伊斯蘭共和國

情景三： 內戰

自示威開始，國內外組織都開始有動作，包括地方武裝分子、流亡美國嘅伊朗前王儲同聖戰組織，加上伊朗宗教、種族同政治問題分歧大，唔知呢啲組織會唔會趁機搞大佢

情景四： 最高領袖哈梅內伊落台

哈梅內伊今年 82歲，傳聞有癌症，後面已經爭緊位；如果有權力過渡嘅情況出現，伊斯蘭革命衛隊可能會奪權，示威浪潮都可能趁機壯大，揾機會同新政府談判

Source: Roxane Farmanfarmaian, GRID