(葵涌邨)梁錦威資訊頻道


Kanal geosi va tili: Xitoy, Xitoycha
Toifa: ko‘rsatilmagan



Kanal geosi va tili
Xitoy, Xitoycha
Toifa
ko‘rsatilmagan
Statistika
Postlar filtri


各位,我今日出冊,原地復活~
多謝呢段時間關心過我的朋友~
我在入面中過新冠,不過無「得重症」,瘦咗就同中COVID無咩關係,係因為其他理由。
總之我現在一切都安好~

至於之後的事就「再講啦~」


【2020年六四集會案判刑】

2020年六四非法集會案,剛在區域法院判刑。阿威被控煽惑他人參與未經批准集結及參與未經批准集結罪,被判囚9個月。

同案被告李卓人、黎智英、梁耀忠、蔡耀昌、胡志偉、鄒幸彤、何桂藍被判4個半月至14個月不等。

———————————————-
如有街坊、朋友希望寫信予阿威,可寄信至元朗派遞局 郵政信箱 399 號,註明 梁錦威 收


#謹代牆內手足轉載

各位好,我地係前T.N.T.X成員火鳥同相忘於江湖,今次我地代T.N.T.X其他前成員出呢篇聲明,向大家再次解釋我地停運嘅原因,而搞到T.N.T.X要停運嘅主角就係其中一位成員「果粒橙」同佢女朋友,利用牆內手足謀取私利所做成。

喺講事件經過之前,想先提一下T.N.T.X成立嘅目的同規矩,本來T.N.T.X成立嘅目的係希望幫助在囚手足,俾大家用支持手足嘅作品呢個形式,盡量減輕在囚手足嘅財務壓力,加入人數不限,而T.N.T.X嘅話事權係所有有份參與嘅「牆內手足」,決定任何事都由牆內手足投票決定。

講返正題,喺T.N.T.X成立時,本身搵左其中一位手足做admin,但果粒橙女友一直搶住想一齊做,最後雖然大家唔想,但喺冇辦法嘅情況下畀左果粒橙女友做admin,而原本個位手足就分左處理其他工作。但好快大家因為佢嘅人品同辦事能力低效而後悔,並投票決定搵到代替人物後就換admin,可惜喺畀佢做admin後就返唔到轉頭。

3個月前,我地搵到合適嘅人做admin,經再次投票通過後要求果粒橙女友交出admin權,但係佢竟然話唔畀,無視我哋嘅決定,而我地同果粒橙理論,得到嘅回應只係畀d時間佢處理,經多次理論得到嘅回應都係一樣,就咁就過左3個月,呢段時間我地用各種方法希望果粒橙女友交出admin權,但都冇用,而佢甚至一度用關閉T.N.T.X要脅我地,想我地唔好再叫佢交權,權力失衡都愈來愈嚴重,而佢地兩個就繼續發展挪用牆內手足名義 (T.N.T.X page) 賺錢嘅計劃。

果粒橙女友已經當左自己係話事人,否決曬我地所有嘅決定,例如加新人、畀我地知道金錢嘅情況、換人等通通否決,更嚴重係喺未經我地同意,用我地T.N.T.X同大家嘅名搵錢、收集物資、賣商品、甚至停運等,所有事都係果粒橙同佢女友自己決定並實行,我地全部人都係事後經出面嘅人通知先知有呢啲事,可見佢地嘅人品嚴重有問題。

所有收集到的物資 (包括200本書) 成員們一點也沒有收過,當大家在適當時候收唔到錢時,覺得條數有問題,用左2個月多次叫佢地交條數出黎睇,都係用各種理由唔畀,對一d手足黎講,其實呢d係救命錢。到我地發出最後通牒時,就出王現佢地畀人公開個人資料同自殺嘅鬧劇。係T.N.T.X嘅ig出自殺文,果粒橙喺呢件事後明確講明會強制自己女友交出admin權,當時冇人信過佢講嘅野,因為類似嘅說話佢已經講左好多次,而事實證明佢都係再一次滿口謊言,隨口講諗住拖時間,冇句真,而果粒橙女友係自殺鬧劇3日後復活,好似咩事都冇發生過咁,而到左呢一刻都係有八成成員未收到錢。

本身我地已經放棄,想向大家公告我地決定集體退出及其原因,放棄所有結束呢件事,但佢地潫未向我地交代任何一句嘅情況下私自結束T.N.T.X,我地要求佢地交代嘅賬目隨住del page從此死無對證。我地都覺得呢件事非常嚴重同過分,希望大家睇清楚呢兩個人,唔好再畀佢地呃同唔好畀佢地帶住可憐嘅光環離開,到最後啲錢到底點,係咪真係有問題我地無從查證,呢樣野就交由大家自行評價。

經過今次我地學到好多,吸收左今次嘅經驗,希望以後可以有機會用更好嘅姿態同大家分享作品。




#謹代牆內手足轉載《退出T.N.T.X聲明》之三

6. 根據T.N.T.X成立時的初衷及規條,所有在囚手足如有意成為T.N.T.X成員,只要獲決策委員會表決同意,都可以加入T.N.T.X,成員人數並冇上限,一切收益會由所有成員均分而不論作品數量;唯自本年9月起直至現在,果粒橙女友及其牆外團伙私自決定拒收新會員,令T.N.T.X變成小圈子,完全違背當初成立T.N.T.X,創建在囚手足之公共平台的原意和初衷。

7. 果粒橙女友曾於T.N.T.X平台上發文聲稱籌募了200多本書籍,並且已「打爆」一眾在囚成員的入書戶口;實情上,除果粒橙本人外,我哋所能接觸到的成員並無收到任何相關書籍,而我哋對籌募過程和書本去向一無所知,唯恐果粒橙女友及其團伙喺成員不知情下,於牆外以T.N.T.X名義籌募金錢、物資或一切其他幫助而拒絕交代去向,中飽私囊。

8. T.N.T.X平台行政管理人,即成員果粒橙之女友,強佔T.N.T.X之Patreon及Instagram控制權,並將T.N.T.X當成個人社交平台和情緒宣洩空間,以小編身份於11月16日發文指控遭人唾罵,宣稱自殺,上演「一哭,熱鬧,三上吊」之鬧劇,實際上此日為我哋要求果粒橙女友分享登入密碼並交代決策權問題之最後通牒到期之時,否則我哋將會集體退出T.N.T.X並公告原因,唯果粒橙女友情急之下竟出此下策,上演「網上自殺」;為顧及果粒橙女友的精神健康,我哋本應堅持交涉抗爭,直至她交出密碼和管理權,不再沾手T.N.T.X,好好休息;但係喺T.N.T.X平台竟然上演如斯醜陋拙劣之「自殺」鬧劇而我哋冇力阻止,實在令人羞愧臉紅,所以我哋決定如期集體退出T.N.T.X,並祝願果粒橙及其女友財源廣進,生意興隆,財政壓力早日得以舒緩,精神健康得以恢復。

總結以上各項原因,果粒橙及其女友和相關團伙已經完全掌控「騎劫」T.N.T.X,喺過去一段時間,佢哋再三違反T.N.T.X成立時已訂明的規則,無視其他成員的集體決定和指示,做出違背各成員意願嘅行為。我哋已經用盡一切辦法亦冇力阻止呢個情況維持落去,更預期將來只會更加過分,因此我哋決定即時離開,以免被利用為個人圖利工具,尤其是所涉及的金錢和物資,係來自真心希望支援在囚手足嘅同路人,我哋對陷入如此境地感到痛心之餘,希望各位唔好因為T.N.T.X嘅失敗,而對其他在囚手足的網上平台失去信心,今次只係我哋一眾手足所託非人,未有及早認清社運圈部份人士一直利用在囚手足謀生、圖利,被引入T.N.T.X這一潭混水,希望我哋今次離開,所有都會告一段落,多謝支持!

幹你娘塞爆
奇異果博士
水果忍者
蛋殼
19 NOV 2021


#謹代牆內手足轉載《退出T.N.T.X聲明》之二

3. 除果粒橙本人外,T.N.T.X其他成員從未同意或授權果粒橙之女友掌管T.N.T.X網上平台的行政管理權及擔任小編,唯現時T.N.T.X的Pateron及Instagram賬號之登入密碼由果粒橙團伙擁有,在過去一段日子此團伙於牆外已三番四次越權,私自為T.N.T.X作出決策,一眾T.N.T.X成員已投下不信任票並再三聯合要求果粒橙及其女友交出或至少分享登入帳號及密碼予其他成員的代表,果粒橙和其女友在過去兩個月的交涉中一再拖延知近日直接回絕我哋所有要求,堅持一人掌控T.N.T.X。

4. 根據T.N.T.X創立時之決定,成員皆以筆名發表作品,明確規定未經決議不應公開自己或其他成員身份,所以我哋4人認為,在匿名情況下,除Pateron的訂閱收益外,T.N.T.X不應該作出任何眾籌、向特定個人或組織募款,或以T.N.T.X名義作商品銷售而獲得收益,因為這樣並不透明,亦難向公眾交代受益人和款項去向。但係在過去一段時間,我哋得悉T.N.T.X行政管理人,即果粒橙女友,在未得決策委員會表決同意下,向最少一個組織以T.N.T.X名義收取捐款而未有交代明細;另外,成員果粒橙及其女友未理會T.N.T.X成員反對,私自決定將以T.N.T.X名義製作商品,並經T.N.T.X網上平台銷售,以上種種行為,完全有違成立之初衷,令T.N.T.X淪為以在囚手足們的名義作個人圖利的眾籌平台和網上商店。

5. 由於T.N.T.X的Pateron登入密碼和收款帳戶管理權均由果粒橙團伙持有,T.N.T.X成員未能查閱平台收益和積存款項提取記錄,帳戶管理人亦未兌現承諾定期提供財務報表,成員未能知悉牆外團伙利用T.N.T.X名義籌募之款項有否存入帳戶,更不能確保全數應屬於T.N.T.X成員的積存款項有否被挪用。實際上,自T.N.T.X今年6月成立至今,帳戶管理人一再拖延發放收益,大部份成員從未收取一分一毫。


#謹代牆內手足轉載《退出T.N.T.X聲明》之一

我哋係網上平台T.N.T.X(Pateron/Instagram)嘅前成員水果忍者、奇異果博士、蛋殼、幹你娘塞爆,今次希望透過各同路人手足好友嘅網上平台、空間向大家宣佈及聲明,尤其是有付款訂閱T.N.T.X嘅同路人,由即時起,我哋4人已經離開T.N.T.X,唔再係T.N.T.X嘅成員,一切有關T.N.T.X之運作事務,包括金錢瓜葛、內部糾紛、公眾籌募 (包括但不限於金錢、在囚物資、私人膳食、書籍、法律費用等)、商品銷售、義工及筆友招募等,一概與我哋無關,如有任何錢債或法律問題,請向現時實質持有T.N.T.X管理權之團伙,即成員果粒橙及其女友(T.N.T.X小編)和其他相關人士跟進或追究。

對於今次迫於無奈需要借助第三者之平台發表以上聲明感到非常遺憾,亦對所有訂閱、跟進T.N.T.X嘅手足、同路人深感抱歉,因為我哋4人作為T.N.T.X的成員,同時身為T.N.T.X決策委員會成員,未能守護T.N.T.X呢個本應屬於在囚手足共享均沾嘅平台,我哋需要負上無可推卸的責任。喺呢一刻,我哋可以做得到,亦都係必須要做的事係向大家交代離開嘅原因,同時如實讓大家知道T.N.T.X現時嘅狀況。以下係我哋離開嘅原因:

1. T.N.T.X的一切管理權,現時實際有成員果粒橙及其旅遊之團火完全掌握,當中包括帳號的行政管理權,及收款帳戶和積存款項之管理權,除此之外,現時一齊決策均由上述團火全權負責,決策委員會成員及其他成員一概未能參與決議,甚至未被通知有關運作之重要決定。

2. 果粒橙及其女友知團伙獨佔所有決策權,已違反T.N.T.X成立時所訂立之決策原則,即T.N.T.X一切決策必須由7名在囚創始成員組成之決策委員會進行投票表決,所有運作事務、行政團隊人事任命/罷免、新成員加入,均需要由決策委員會成員投票,並以絕大比數贊成方能通過,如今此民主機制名存實亡,決策委員會已被架空,現時T.N.T.X實質為成員果粒橙個人獨裁。




小編:【召喚旁聽師】明天,9 月 15 日是六四集會案 12 人認罪判刑嘅日期,請大家關注。判刑會喺早上11:30灣仔區域法院進行,旁聽人士可預早到場旁聽聲援。


【突發】阿威被捕,辦事處將暫停開放,直至另行通知。


【重新登記消費券安排】
之前一早就講過,用咁繁複嘅方法去申請消費券不如直接派錢落戶口最實際。但正苦係唔聽人講野架啦🙂 而家真係有好多長者申請無效拎唔到錢,又要嘥市民時間同資源去再重新處理🤡 派個錢都可以派到咁多問題出嚟,香港正苦好X嘢!

收唔到消費券嘅人留意,正苦昨晚公佈:
如欲透過特別安排重新登記的市民,須先確定是次提交的資料準確及齊全,並在九月十五日或之前把填妥的書面表格,連同身份證複本親身或委托其可信賴的人士於辦公時間交到九龍旺角彌敦道750號始創中心17樓消費券計劃秘書處。


大家亦可以聽下老人家點講:
身穿藍白色格仔恤衫的伯伯情緒激動大罵:「屌你老母,搞到我哋啲老人家!」

https://www.inmediahk.net/node/%E6%94%BF%E7%B6%93/%E3%80%90%E6%B6%88%E8%B2%BB%E5%88%B8%E9%A9%9A%E9%AD%82%E3%80%91%E5%91%A8%E6%B5%A9%E9%BC%8E%E8%BE%A6%E4%BA%8B%E8%99%95%E6%AA%A2%E6%9F%A5%E5%BE%8C%E4%BB%8D%E7%94%A9%E6%BC%8F-%E6%9D%B1%E6%B6%8C%E4%BC%AF%E4%BC%AF%EF%BC%9A%E6%88%91%E8%87%AA%E5%B7%B1%E5%A1%AB%E5%A5%BD%E9%81%8E%EF%BC%81?fbclid=IwAR2yvGTt9aFCnLb74zYQYWMNe8TNKfwGsVhLOabI5YwD9rOlc4F3xb8JVwY


最新一期嘅《葵青寶典》已經到咗我地辦事處啦,歡迎街坊取閱~


【公屋9月免租一個月】

政府舊年漠視民生,喺經濟最差嘅時候逆市加租9.66%,話就話要追平公屋住戶收入指數。但武漢肺炎肆虐全球,港府把關不力導致各行各業停業休市,收入大受影響繼而裁員、減薪。而普羅市民就面對失業、就業不足等困境。

班離地高官當然不知民間疾苦,話就話按機制調整租金,冇諗過市民現實面對嘅困難。香港政府永遠唔知道咩時候應該做咩嘢!


碧葵樓食水供應,預計可於凌晨時段恢復,感謝維修人員漏夜搶修


#突發
葵涌邨商場停車場下午爆食水喉,現時正在搶修。碧葵樓食水供應將會受影響,現時靠天台水缸的存水供水給住戶,用完後食水供應將會暫停。

現時房署在四樓平台臨時開放了取水點,街坊可到場取水。

此外房署亦聯絡了水務署提供食水缸等供水,現時仍在安排中。


映葵樓有鹹水喉破裂,現時已經閂咗鹹水喉,部份中低層單位鹹水供應會受影響,正安排維修。


【1957年出世嘅長者宜家可以申請樂悠咭💳】

政府早前已經公布咗60-64歲嘅長者即將可以用$2搭車🚎即日起1957年出世嘅長者可以填表/上網登記申請樂悠咭。

我哋可以協助街坊申請樂悠咭,有需要嘅長者就帶埋彩色證件相+身份證副本落黎搵我哋啦😉


近日有曉葵樓低層住戶同我地反映,話最近頻頻落雨,1樓平台有積水同青苔出現,導致有蚊蟲同臭味問題,令低層住戶好困擾。我地收到意見之後喺7月26號去信房署安排協助清理平台,並獲房署安排於7月28號進行有關清理工作。並提醒清潔承辦商日後在定期清理曉葵樓1樓平台時,須留意包括積水和青苔的衛生問題,如有發現,須盡快安排處理。
👏辛苦曬各位清潔工友! 👏


【用八達通登記消費券8月1號要拍一次卡拎錢💰】

用八達通申請消費券嘅人留意喇!喺8月1號派消費券嗰日你地要用以下其中一種方法拍一次卡先拎到錢架!

方法如下:
1. 於港鐵站、輕鐵客務中心、指定碼頭及公共運輸交匯處嘅公共交通費用補貼計劃嘅補貼領取站領取。
2. 於7-Eleven(7-11)、OK便利店和惠康超級市場領取
3. 於八達通服務站(港鐵站內更換八達通的機器)領取
4. 於「八達通」手機應用程式(在手機拍卡)領取

注意:如已將實體八達通卡轉移為手機八達通卡,則無需拍卡拎錢~

如有問題,請於辦公時間致電:3997 1251或親臨本辦事處查詢~


【有冇人執到電單車鎖匙呀?】

有街坊表示,7月23號晚上係上角街迴旋處至曉葵樓嘅路段跌咗電單車匙,歡迎執到嘅街坊於辦公時間與本辦事處聯絡~

20 ta oxirgi post ko‘rsatilgan.

547

obunachilar
Kanal statistikasi