Uber年度計劃項目報告
感謝各位手足在過去一年支持Uber救護車嘅項目,當中有好多項目我哋都冇預計過竟然可以行得咁耐,都係有賴各位專業人士同家長手足嘅協助。感激各位對我哋嘅信任,即使係財務狀況同計劃內容不透明下依然身體力行支持我地,好多唔講得嘅事、幫助過嘅手足對各位嘅感謝都盡在不言中。
過去一年Uber急救站主要提供資源比手足,為生活困難的同路人提供短暫支援,2019-2020年期間我哋支援對象主要為學生、前線、家長,支援項目包括飯錢支援、教育培訓、裝備支援、法律轉介、被捕生活支援、醫療支援(已停止)。
現時抗爭後援頻道大多都面對同一問題:過於依賴群眾募捐。一旦組織喺TG上失去影響力/群眾Leave Group就會出現資金短缺情況,而支援手法上仍停留於直接捐款,令到頻道只能不斷透過群眾募捐持續營運,但呢筆錢,始終會有用完嘅一日。
甚至有一部分channel Admin辭工全職搞社運,生活都開始出現問題,連自己都搞唔掂,又點去幫手足?
成日話如果有個李嘉誠ALL-IN香港就會贏,呢句點解?
革命就是創業,創造出我們的未來。
Uber急救站現時以平台模式協助手足發揮專長,當中有仔女對烹飪有興趣,由我們聯絡可以提供資源(如廚房/食材)的家長,以減低營運成本,同時由其他對商業有興趣嘅仔女跑黃店寄賣,從中訓練他們的組織策劃、行動能力,所有盈利扣除成本後聘請手足。
爭取香港重光路途遙遠,唔係一時三刻可以實現,每個人必須整理好自己生活,要能自救先可以救人。
記住個人責任唔係要唔帶任何負擔比大家,而係用你既能力創造幾大效益幫助人。
我地希望未來一日即使UBER解散都可以有人繼續做我哋做緊既野。
特別嗚謝
三姐妹
徐記廚房
Sogmo Gelato
18 Liberty Car Beauty
爆倉零食
香港兒女
G.B.M.H
家長聯絡
@nobodygives3仔女聯絡
@nobodystation