發夢返黎 上網補習 - 網上義補義教計劃

@DreamnTutoring Yoqdi 0
Bu sizning kanalingizmi? Qo‘shimcha imkoniyatlardan foydalanish uchun egalikni tasdiqlang

《發夢返黎 上網補習》是一個為香港「發夢」中學生而設的「免費網上補習」計劃,希望可以減輕他們的經濟壓力,為香港未來奮鬥的同時,能夠渡過學業上的難關。
Kanal hududi va tili
Xitoy, Xitoy tili
Kategoriya
ko‘rsatilmagan


Kanalning hududi
Xitoy
Kanal tili
Xitoy tili
Kategoriya
ko‘rsatilmagan
Indeksga qo‘shilgan
17.10.2019 10:00
reklama
TGAlertsBot
Каналингиз репостлари ва эсловлари ҳақида хабар беради.
Telegram Analytics
TGStat хизмати янгиликларидан бохабар бўлиш учун обуна бўл!
SearcheeBot
Telegram-каналлар оламидаги сизнинг йўлбошчингиз.
209
ta obunachilar
~0
1 ta e’lon qamrovi
N/A
kunlik qamrov
N/A
bir kundagi e’lonlar
N/A
ERR %
0
iqtibos olish indeksi
So‘nggi e’lonlar
O‘chirilgan e’lonlar
Eslovlar bilan
Repostlar
【DSE要帶咩】
➡️ 用File 入好准考證同身分證!
➡️ 文具
- 盡量揀唔好咁易斷墨、咁易化嘅原子筆
- 盡量用塗改帶,以免乾唔切,趕就直接刪走
- 用螢光筆Highlight重點,但唔好帶太多,張枱好細
- 跟咩科帶返咩文具:直尺、量角器、計數機等等
➡️ 口罩 + 紙巾 + 酒精搓手液
➡️ 健康申報表
➡️ 外套(唔著都放櫈底/掛櫈背)
➡️ 錶 / 眼鏡 (確保你睇到個鐘)
➡️ 水 + 少少野食(入場前唔好飲太多)
知道今屆DSE考生辛苦了,仲有廿四號就要開始考試,呢段時間撐住!考好佢,煲底見之前喺大學見先!😘
致DSE考生的話:

知道DSE delay好可能會鬆懈咗,正常嘅~ 但宜家數番都係得番一個月咋!! 休息埋呢一兩日好啦!!!呢場都係心理戰黎,要係呢場運動、疫症同公開試之間平衡到心理並唔容易,如果你可以克服到,你已經贏左一截!

你哋呢大半年內經歷咗咁多連好多大人都未經歷過嘅野,跨過咗咁多難關,呢次嘅障礙我哋相信你哋一定會熬得過!
話咁快,30/3就要考中文,各位DSE考生都喺呢個月內搏盡咁温書。有手足整個練習比2020DSE考生温書,希望幫到更多大家!只需要喺手機download一個app叫Quizlet,然後撳最底條link,就可以做😎

距離卷一仲有兩個禮拜,係溫詞解嘅最好時機。2019卷一,詞解語譯佔30分範文入面嘅9分,差唔多3分1,做好詞解,分分鐘救你一命!😛

手足整咗個中文範文詞解練習,一次做就先做LEARN,再做TEST。LEARN係用電話或者電腦打字,TEST就攞紙筆寫。每日做兩篇,分開時間做,6日就已經全部做完一次。之後每日三篇,但只係做TEST就夠,搭車可以開flash card睇下。就算從零開始,兩個禮拜都一定入腦! 😎

要打exact wording的確比較困難,但係能夠幫助你短期記憶,唔好怕煩飛咗啲題目呀!DSE係自己嘅,撐咗咁耐,頂埋佢!要考好佢,然後未來繼續一齊抗爭😎

加油!光復香港,時代革命!

Link: https://quizlet.com/glory_glory_glory/folders/76565561/sets
To‘liq o‘qish
投票!投票!建制一定要輸!
咁多位香城online poly副本嘅同學手足千其唔好有事🙏🙏
由於呢幾日Admin忙於參與香城 Online ,所以回覆各位義師同學生message 嘅時間比之前長。為左可以減低人手不足嘅影響,Admin 積極尋找有心人加入成為Admin,同時建構緊自動化流程,希望可以加速幫同學仔配對義師、審核義師嘅申請。希望大家多多包涵。🙇🏼‍♂️
另外都有少少野想同咁多位義師講🙇‍♂️🙇‍♂️
好多謝咁多位嘅支持,admin而家已經收到好多嘅申請👏👏
不過因為admin只有兩個人,要處理數百份導師申請都要D時間,同一時間都要處理學生嘅申請,幫各位老師做配對亦都需要時間;所以admin係度希望大家比D時間admin做配對😭如果暫時仲未有配對到學生比你嘅話請耐心等候🙇‍♂️🙇‍♂️
唔好意思🙇‍♂️🙇‍♂️
🙇🏻‍♂️【衷心感謝各位支持】🙇🏻‍♂️

計劃啱啱開始嘅時候,因為義師唔夠嘅關係,
出左個徵義師 Post,多得世界各地有心人幫手Share,
而家報名參加計劃嘅義師數量已經回升,
亦都有唔少身處海外嘅香港人報名,
終於可以配對到合適嘅義師比同學仔啦~
再一次感謝咁多位幫手Share 嘅同路人同報左名嘅義師。🙇‍♂️🙇‍♂️

另外,喺過去十幾日Admins冇同大家更新計劃狀況,
主要係因為我哋兩個人都全力處理配對流程遇到嘅問題,
所以直到今日先有時間可以同咁多位更新狀況,好唔好意思。🙇‍♂️

計劃開始咗唔夠 3 個星期,
一開始雖然有過百位同學報名,
不過因為當我哋透過 Telegram聯絡同學仔嘅時候,
有啲同學冇回覆,或者留咗一個搵唔到人嘅 TG,
所以到而家,Admins 只係配對到 30 幾位同學仔🥺
Admins 之後會集中火力去比更多有需要嘅同學仔搵到我地。

最後,Admins 收集到一啲義師嘅問題,
都想襯機會一次過解答。
Q:「我冇考過DSE,淨係考過HKALE,想問下我可唔可以幫手補?」
A:計劃歡迎考過HKALE嘅同路人成為義師~不過因為對於即將要考DSE嘅中六同學黎講,佢地比較傾向學考試答題技巧,所以會優先配對有考過或者教緊 DSE嘅義師比佢地先;而冇考過或者教緊DSE嘅義師,我哋會配對比中五或以下年級嘅同學仔先~

Q:「請問平台籌辦者是什麼背景」
A:Admins明白大家非常關注個人資料/私穩問題,所以會對平台籌辦者會有懷疑係十分合理。
Admins 團隊由兩個 90 後香港人組成,我哋係黎自 IT 同 Digital Marketing 背景,希望可以用我哋專業,支援曾經發夢嘅香港中學生。亦都因為我哋嘅背景,認識一啲 Startups 嘅負責人,至於支援今次計劃嘅台灣 startup,因為負責人認同我哋嘅理念,所以願意幫手做技術支援。

Q﹕好想幫下同學仔,但係我冇咁多時間/時間表唔固定,可以點做?
A﹕我哋嘅計劃主要會集中希望可以提供定期上堂、比學生視像通話問書嘅網上補習方式。另外,因為唔希望同其他團隊重複服務性質,所以如果義師傾向用文字方式問書,我哋知道有另一個團隊 TG group 搞緊問書、改文,如果你時間唔許可,又傾向用 Text message 教學,我地會建議加入呢個 channel,一樣可以盡一分力幫到同學仔。:)

Q﹕張登記form填到一半就hang左機proceed唔到,點算?
A:我地發現如果用iOS Device,然後用 facebook 打開張form嘅話,有可能會出現呢個問題,建議大家用可以用 Chrome browser 打開條link,就冇問題架啦~造成大家不便,唔好意思。

發夢返黎 上網補習
✨義務導師登記:http://bit.ly/dreamandtutoring
✨發夢學生登記:http://bit.ly/dreamandstudy
✨《發夢返黎 上網補習》Channel:https://t.me/DreamnTutoring

#齊上齊落
#免費補習
#心靈上支援學生
#挑戰兩個人到底可以做到幾多
#對比學生嘅犧牲我哋付出真係輕不足道
#DoSomethingForHongKong
To‘liq o‘qish
咁多位同學/老師你地好🤙
近日我地嘅Tg account 被人多次惡意舉報,導致我地無法透過Tg 直接聯絡同學😔😔所以想請各位老師同學將我地嘅Tg account 加入contact,我地先可以聯絡你 : https://t.me/DreamAndTutoring 。哪裡有壓迫,哪裡有反抗!
大家好 我地係《發夢返黎 上網補習》嘅admins
目前我地已經收到過百份嘅學生補習申請,不過申請成為義師人數未能追上學生申請人數😔 所以我地開左個fb page,希望可以宣傳比更多嘅有心人同學生睇到🥳 計劃嘅進度同有D咩更新都會同時係FB同TG出post,方便一班比較少用TG嘅朋友,歡迎大家入去like 我地個page啊~
https://www.facebook.com/DreamAndTutoring/
各位義師同學仔你哋好 👋🏻

我哋係《發夢返黎 上網補習》嘅 admins 🙇🏻‍♂️
首先好多謝大家嘅支持,計劃發起唔夠一個星期,
好開心已經有20幾位義師同80幾位同學報名啦!👏🏻👏🏻

為左唔想你哋等到 11 月,admins決定提早喺下星期開始為義師配對同學啊!😇
等義師同同學仔可以早啲試下網上補習呢個新方式,
admins 亦會喺過程中協助大家同收集大家嘅意見,
希望可以不斷改善流程,幫到更加多嘅同學仔!💪🏻

另外,10月19日 23:59 前報名嘅義師同同學,
admins send左一封電郵或 TG message去你哋提供嘅聯絡方法,
內容係除咗確認收到你哋嘅申請之外,亦都順便解答關於計劃嘅一啲疑問。
如果收唔到我哋嘅電郵或TG message,一定一定要同返我哋講呀!😣(TG: https://t.me/DreamAndTutoring)
如果係 10月19日 23:59 打後報名嘅義師同同學,你哋會喺 10 月底收到我哋通知㗎啦~
(有啲報左名嘅同學仔大頭蝦,冇留低到 TG ,咁樣我哋搵唔返你㗎!🥺)

最後,如果大家覺得呢個計劃好有意義,希望大家可以幫手推薦比更多身邊嘅朋友。
🤙🏻如果有任何疑問想搵 admins,都可以聯絡《發夢返黎 上網補習》TG:https://t.me/DreamAndTutoring
(我哋暫時只有 2 個 admins,所以未必可以即刻覆到訊息,請各位多多體諒)

✨ 義務導師登記:http://bit.ly/dreamandtutoring
✨ 發夢學生登記:http://bit.ly/dreamandstudy

《發夢返黎 上網補習》admins
To‘liq o‘qish
唔好意思啊,打攪大家一兩分鐘🙇🏻‍♀️🙏🏻 我地係新開嘅幫仔女搵網上義補channel,主要想為有需要嘅小朋友搵網上義補老師。👩🏻‍🏫👨🏻‍🏫

我地喺連登留意到,之前有有心人發起類似義補計劃,補習形式以面對面方式進行。🧒🏻👦🏻 而我地知道面對面,有啲小朋友可能會有戒心😔,所以我地希望可以提供網上補習技術支援,等義師同小朋友可以喺大家都放心嘅環境下補習,減低義師同小朋友嘅疑慮。🧒🏻👦🏻

而家我地希望招募更多義務導師,等我地有足夠義師配對比有需要嘅小朋友。所以希望各位家長可以幫幫手,如果能力許可,可以報名成為義師,或者share link比其他有心人士🙇🏻‍♀️🙏🏻

當招募到 50 個義師,我地就會立刻開始配對小朋友嘅申請 🥳

另外希望各位仔女可以join埋呢個 Channel,或者share link比朋友仔~記住:仔女唔放棄,家長唔離棄!👨‍👩‍👧‍👦 我地一定會盡最大努力,喺背後默默支援你地 💪🏻

✨ 義務導師登記:http://bit.ly/dreamandtutoring
✨ 發夢學生登記:http://bit.ly/dreamandstudy
✨《發夢返黎 上網補習》Channel:https://t.me/DreamnTutoring
✨ 如果有任何疑問,都可以聯絡《發夢返黎 上網補習》TG:https://t.me/DreamAndTutoring
To‘liq o‘qish
🎉我們宣佈發起《發夢返黎 上網補習》義務補習計劃!🎉

🤔初衷:
《發夢返黎 上網補習》是一個為香港「發夢」中學生而設的免費網上補習計劃,希望可以減輕他們的經濟壓力,為香港未來奮鬥的同時,能夠渡過學業上的難關。🥺

🇭🇰 我們是誰 🇹🇼:
AmazingTalker 於 2016 年創立,總部設於台灣,是一個網上外語學習平台,台灣人創辦的初創公司。我們希望創造一個平等、自由、開放的環境,讓來自世界各地的學生和導師,可以隨時隨地,在網上自由教學。

本計劃由香港區團隊🇭🇰發起和執行,團隊成員為香港土生土長、熱愛香港的 90 後,希望透過發起是次計劃,幫助有需要的中學生。縱使面對重重困難,我們也相信知識可改變命運。💪🏻

🧐有何不同:
我們留意到最近有不少香港有心人發起類似的免費補習計劃,希望可以幫助有需要的中學生,而補習形式是以面對面形式進行。

我們知道不少學生可能對要面對面的義補有戒心😔,而我們團隊經營網上教學多年,希望可以提供技術支援,讓義師和學生可以在能夠保障雙方安全的前題下進行補習,同時減低義師和學生的疑慮,讓更多有需要的小朋友可以得到幫助。🧒🏻👦🏻

網上補習特點:
✅ 網上補習是透過手機或電腦以視像形式進行,義師和學生都可安在各自家中進行補習,保障雙方安全之餘,也可以不受地區限制。
✅ 義師和學生可以「匿名」方式溝通和進行補習,網站具有訊息功能,雙方無需交換個人聯絡方式,補習過程也可以無需打開視像鏡頭。
✅ 義師可以自由開放時間,進行一對一或一對多補習,對於有正職的義師而言可以有更大彈性。
✅ 我們提供完善的預約系統,如有突發事情,學生和義師都可以透過網站在 12 小時前取消課堂。
✅ 如學生和義師任何一方希望終止義補服務,都可以透過網站進行。

🏃🏻‍♂️ 初步計劃:
👉🏻 階段一:義師招募
開學已經接近兩個月,了解到大部分中學會在 12 月中考試,我們團隊希望能夠在 10 月底前招募至少 100 名義師,確保有足夠義師啟動計劃,並在 11 月開始為學生配對義師和開始補習。

與此同時,為了統計學生人數和補習需求,希望同學可以填寫以下問卷,和追蹤我們的 Telegram,以得到計劃最新狀況。

✨義務導師登記:http://bit.ly/dreamandtutoring
✨「發夢」學生登記:http://bit.ly/dreamandstudy
✨《發夢返黎 上網補習》Channel:https://t.me/DreamnTutoring
✨如果有任何疑問,可以聯絡《發夢返黎 上網補習》TG:https://t.me/DreamAndTutoring

👉🏻 階段二:義務補習配對
成功招募足夠義師後,我們會在 Telegram 通知所有學生和義師,再進行義師配對。

⭐️備註:
✔️ 由於義師人數會對能夠服務學生的人數有很大影響,若報名成為義師的人數少於20人,計劃可能會被延遲或擱置。
✔️ 由於平台的設計原先是以學外語為主,因此在介面和功能上,未必能完全附合香港中學補習的使用情景,還請各位見諒。
✔️ 學生和義師需在AmazingTalker註冊帳戶,而我們承諾絕不向第三方透露用戶的個人資料。
To‘liq o‘qish