#戰友投稿

致今晚有出黎既手足：
多謝你地，特別想同屯門既手足講，經過九個月都未放棄屯門。
每次屯門有行動，就有人會係公海講

👦🏻幾點鐘，邊度等
👦🏽公海黎嫁屌你，講左咪比popo知，想手足死呀
🧑🏾唔講邊度等，屯門咁大，我實搵到手足位置啦，尻企我好撚危險
或者
👦🏻到左，人都無，唔好話手足
👦🏽屌，等到幾時，食左成晚西北風

以上對話大家一定有睇過，甚至自己都講過，某屯門公海我由一開始到依家都未退group，唔係鐘意睇你地嘈交，自己人分化自己人，而係希望大家終有一日會團結，就好似十月同十一月果陣，屯門牛係有成功過。
我只係一個普通人，無資格去教每一位應該要點做，但我想行多步，試多一次，雖然講左唔知有無用，我知道我唔講，大家只會每次出黎，結果失望而回，我都係其中一個出左黎好多次，然後次次都見唔到大家團結有目標地去做一件事，然後好彩地/唔好彩地走。
唔好講地下化啦，地下化左既手足自然會有佢地set左要做既野，問題係未有地下化既手足，包括和理非，都應該要繼續做，運動先唔會完。大家諗下上年同今年相比，依家靜左幾多？唔好同我講肺炎啦，有肺炎係咪唔洗食飯呀？有肺炎係咪唔洗打仗呀？
唔好再講要諗解決咩問題咩問題，解決到就一早解決左，解決唔到唯有靠我地團結。
黎緊如果再有野搞，希望大家團結一次啦，好嗎？