#Admin專欄 #二零二四年度漢字 #侵
@Windseasonbro有睇開本Channel嘅Channel友，如果你係風巴嘅fans，都應該知道，自2019年開始，風巴每年年尾都會開放投票，畀大家選代表當年嘅年度漢字，2019年係「和勇合體字」；2020年係「抗」字；2021年係「崩」字；2022年係「癲」字；2023年係「殞」字，而2024年，大家同風巴都揀「侵」字咗作為年度漢字。
無他，當大家睇到上述文字同埋2019年後至今都應該知道，香港每年都比之前更衰退、更差，負面形容詞已經形容唔到香港嘅情況，而「侵」作為語帶相關嘅詞彙，更有多一重意義。
其一當然就是來自中国，無日無之對香港嘅入侵，侵害人身自由，連非勇武派、於721一事只為保護市民、指住白衣人，叫佢哋「唔好郁手」、「企後啲」、「黑社會真係惡呀」、「影住佢啲樣」、「黑社會唔好走」、着「返元朗的朋友小心」，「現時在元朗的懷疑黑社會份子來自元朗」，以及表示已聯絡警方，自己正前往元朗嘅林卓廷都被定『暴動』罪，中国勢力全面入侵香港，可見一斑。
所以中国侵略香港的『侵』，自然就是2024年的年度漢字之選(當然自1997年起每年都是侵略，但2024年的侵略更甚），熊貓經濟根本無作為、中国外勞侵略香港地盤，地盤工人明明已開工不足，但仍以外勞及MIC(預製組件、同時又係Made in China)劣幣驅逐良幣；『專材』落嚟香港，其實本地公司已經無乜生意，但仍要畀面政府，高薪請中国人，而同時『專材』嘅七八十歲高堂都要落嚟香港，小紅書教導所謂嘅專材點樣蠶食香港社會資源，同時劣質嘅中資食店入侵全港、大中小學交流團要以大灣區為先，其實就係全面入侵香港。
另一方面，『侵』亦代表2024再度當選嘅美國總統，Donald Trump。
2024年7月13日18時11分，美國總統候選人、前美國總統Donald Trump於賓夕法尼亞州(Commonwealth of Pennsylvania，下稱『賓州』)演講時被鎗手鎗擊行刺。
本身子彈彈道應該會擊中Trump要害，而幸好Trump剛好改變姿勢，子彈僅僅擦過Trump的耳邊，一時之間嘅改變姿勢，竟然改變一個人甚至全世界嘅命運。
2016年Donald Trump獲選美國總統之位，坦白講，佢嘅政治取向除咗小粉紅同中国人唔中意之外，連香港黃絲之中，都唔係人人Buy佢嗰一套，放諸歐美以至全世界亦然，甚至有人以『希魔再世』形容侵。
姑勿論世人對佢評論兩極，好壞參半，但無可否認嘅係，佢的確係改變世界、改變時代嘅風雲人物。落筆前，於2024年12月12號，時代雜誌公佈Donald Trump繼2016年後第二度獲選年度風雲人物，足見其影響力。
撇除佢具受爭議嘅立場，無容置疑嘅係侵嘅人格魅力，以及受到行刺時的冷靜判斷，例如被槍擊後立即舉高手振臂、背後係美國旗嘅畫面，畫面真係好靚，的確係歷史風雲人物的氣魄。
唔好話2024年，我認為佢係代表住一段較長時期嘅美國歷史。
例如佢早年同Micheal Jackson份屬好友，MJ死咗之後Donald Trump經常都懷愐佢，而MJ生前有段時間捲入性侵兒童爭議，當全世界都質疑MJ有做時，只有Donald Trump對好朋友深信不疑，支持MJ，係少數有情有義之人。
日本前首相安倍晉三亦係Donald Trump多年朋友，兩人會一齊打哥爾夫球，而安倍晉三喺2022年7月都被鎗擊身亡，兩個同樣係國家元首嘅好朋友，Donald Trump於兩年後遇上同一性質嘅鎗擊行刺，而因為平時演說身體自然擺動嘅習慣而逃過一劫。如此天選之人，所以『侵』就係如此代表2024。
無疑，『侵』係代表2024年嘅年度漢字，而無論過去香港人點樣被入侵，做人都要面對未來，希望下一年會更好，風巴在此預祝大家有一個美好嘅2025年，2025年要建立好習慣，你又準備好未？
希望大家繼續支持暴風雨巴呢個TG Channel同 #Admin專欄，而如果你中意聽風巴
@Windseasonbro 鳩噏，請你Follow本Channel
@Windseasonhk ，並叫多兩個朋友玩TG Follow風巴，感謝！
