愚人節係以前既時候其實叫漁人節

係第二次世界大戰既時候，船隻進出香港都受到限制
要提早半年申報定幾時離開同番黎香港，仲要係船身上面寫住船隻既編號
非常唔方便
所以當時可以出海既漁民實在好少，好多漁民都係呢段期間紛紛轉行

第二次世界大戰完結之後
英國政府陸陸續續放寬番漁船既限制
定左係4月1呢個財政年度開始既時候取消申報政策
漁民終於可以自由出海
但船身上面既編號一直沿用至今

但係之前好多漁民都轉晒行，可以即時上船做漁人既人唔多
於是係4月1日係香港仔碼頭就搞番個即場招聘
係報紙大肆宣傳：四月一 漁人節 香港仔碼頭 招工
當年好多人都去左報名做漁民
所以4月1日漁人節就係咁黎

之不過，一架船只能夠裝十個人，想番工既人就有幾千人，當中包括留係香港既英國人，印度人，加拿大人
啲上滿晒人既漁船船長就大叫：呢部Full啦，呢部Full啦，去另一架啦
如是者有啲英國想黎捉魚既人上唔到船，佢地覺得比人呃左
英國人聽到「呢部Full」聽成 "April's Fool"
番到去英國將呢件事share番比本土國民
英國人覺得香港人用April's Fool 黎呃人，覺得好有趣
所以自此係4月1日，英國就有左講啲野去呃人既習慣

時至今日，April's fool已經傳遍世界各地
已經成為全球性既節日

但我想係到呼籲番，4月1日本應係漁人節，係慶祝出海既日子
而April's fool, 本身應該係講呢部船Full左咁解