我見到高牆下一隻又一隻破爛嘅雞蛋,一次又一次嘅警暴重複發生,每一次抗爭者都會見到素未謀面嘅手足,勇敢地由四方八面衝上前線,我由19年11月7日起還柙至今已經第76日,中大、理大、平安夜、除夕等等嘅大戰,只能夠睇住CCTVB嘅新聞,擔心手足嘅安全,無法參與其中,實在愧對所有手足。
今日係元朗721恐襲半周年,想起721當日我係中上環受傷,無法前往元朗支援,我到依家都好嬲自己,如果當日我小心啲,我就可以趕去元朗支援。每一次諗起林卓廷議員受傷嘅畫面,我愧對當日喺元朗被打嘅所有人。
雖然本人只是一名藉藉無名嘅手足,我亦都唔想拎走屬於所有手足嘅光環,我諗唔到用咩方法可以達成五大訴求,亦眼見無日無之嘅警暴、濫權濫捕,亦對政府拒絕成立獨立調查委員會失望。
我經過深思熟慮後,抱著必死同終結嘅心態,作出一個重要決定,就係由即日起絕食抗議,直至死亡或者成立獨立調查委員會為止。
本人有幾個遺願︰「一、靈堂上播放願榮光歸香港;二、用黃菊佈置靈堂;三、釋放其他被捕人士。」
所有手足們勿念,請你哋一定要代我走到煲底,除下防護裝備相聚。
對世事絕望且藉藉無名嘅手足
強仔
2019年1月21日
*********************
編按︰信中強仔表示會絕食至死,上月底亦有透過朋友告之議員;後來朋友及議員們探訪及傾談後,強仔情緒已復原,並已停止絕食,張超雄議員亦於二月初曾探訪強仔了解情況,確認強仔無礙,大家不用擔心。
張超雄FB 👈閱讀更多
今日係元朗721恐襲半周年,想起721當日我係中上環受傷,無法前往元朗支援,我到依家都好嬲自己,如果當日我小心啲,我就可以趕去元朗支援。每一次諗起林卓廷議員受傷嘅畫面,我愧對當日喺元朗被打嘅所有人。
雖然本人只是一名藉藉無名嘅手足,我亦都唔想拎走屬於所有手足嘅光環,我諗唔到用咩方法可以達成五大訴求,亦眼見無日無之嘅警暴、濫權濫捕,亦對政府拒絕成立獨立調查委員會失望。
我經過深思熟慮後,抱著必死同終結嘅心態,作出一個重要決定,就係由即日起絕食抗議,直至死亡或者成立獨立調查委員會為止。
本人有幾個遺願︰「一、靈堂上播放願榮光歸香港;二、用黃菊佈置靈堂;三、釋放其他被捕人士。」
所有手足們勿念,請你哋一定要代我走到煲底,除下防護裝備相聚。
對世事絕望且藉藉無名嘅手足
強仔
2019年1月21日
*********************
編按︰信中強仔表示會絕食至死,上月底亦有透過朋友告之議員;後來朋友及議員們探訪及傾談後,強仔情緒已復原,並已停止絕食,張超雄議員亦於二月初曾探訪強仔了解情況,確認強仔無礙,大家不用擔心。
張超雄FB 👈閱讀更多