經驗分享一 之 反光衣的副作用
急救員,作為這場運動中擔任前線緊急醫療及救援嘅角色,其最大嘅辨識就係身上件反光衣。相信各位急救員、記者、街坊、甚至手足們都明白反光衣嘅重要性!係呢度我哋唔再多講啦(之後開一集講吓都可以嘅)!但係有冇諗過其實反光衣會帶嚟一啲反效果呢?
最近,有急救員係非示威遊行地區中穿着反光衣,並於附近巡邏徘徊。我哋好感激急救員犧牲個人時間,為抗爭運動出一分力,亦為所有人提供即時醫療護理,但於非示威遊行活動中穿着反光衣,其實係非常引人注目。更可能會令自己,甚至身邊嘅人受到不必要嘅影響,例如被警方調查拘捕、或是被黑幫人士作為目標而襲擊,更可能會暴露其他人士嘅存在(大家明啦,畫公仔唔哂畫出腸啦),引發更多不必要嘅麻煩同問題。
本頻道並非想責怪任何一位急救員,亦唔係要對任何急救員發出任何指示或命令。但凡事要三思而行,自己嘅行為舉動都引起不同嘅後果,呢啲後果有時好有時壞。我哋所有人都唔希望任何一位抗爭者,不論角色,將自己置身於危機中,更唔希望會因此而令其他人面對更大嘅危機。
希望各位急救員能夠將心比己,put your own feet into others shoes。識得審時度勢、冷靜分析,行動大膽得嚟又不乏纖細,更重要嘅就係識得詳細計劃,有變數個陣又識臨場應變。呢啲素質對急救員而言,遠比醫療知識更重要!
急救員,作為這場運動中擔任前線緊急醫療及救援嘅角色,其最大嘅辨識就係身上件反光衣。相信各位急救員、記者、街坊、甚至手足們都明白反光衣嘅重要性!係呢度我哋唔再多講啦(之後開一集講吓都可以嘅)!但係有冇諗過其實反光衣會帶嚟一啲反效果呢?
最近,有急救員係非示威遊行地區中穿着反光衣,並於附近巡邏徘徊。我哋好感激急救員犧牲個人時間,為抗爭運動出一分力,亦為所有人提供即時醫療護理,但於非示威遊行活動中穿着反光衣,其實係非常引人注目。更可能會令自己,甚至身邊嘅人受到不必要嘅影響,例如被警方調查拘捕、或是被黑幫人士作為目標而襲擊,更可能會暴露其他人士嘅存在(大家明啦,畫公仔唔哂畫出腸啦),引發更多不必要嘅麻煩同問題。
本頻道並非想責怪任何一位急救員,亦唔係要對任何急救員發出任何指示或命令。但凡事要三思而行,自己嘅行為舉動都引起不同嘅後果,呢啲後果有時好有時壞。我哋所有人都唔希望任何一位抗爭者,不論角色,將自己置身於危機中,更唔希望會因此而令其他人面對更大嘅危機。
希望各位急救員能夠將心比己,put your own feet into others shoes。識得審時度勢、冷靜分析,行動大膽得嚟又不乏纖細,更重要嘅就係識得詳細計劃,有變數個陣又識臨場應變。呢啲素質對急救員而言,遠比醫療知識更重要!