大家想唔想見到美國制裁中國?我知道大家都好想,所以我就特登攞依支旗出嚟去配合依個大會。嗯,我哋依家呢,見唔見到我哋揸住依支旗呀?依支旗係代表住我哋香港人喺兩傘革命,喺2014年既時候一個標誌。我想問下在座喺當中有幾多朋友係同我哋一齊,係2014年已經喺抗爭緊?我哋比啲掌聲自己好唔好?
《我要真普選 廢除功能組別》,依個係雨傘革命追求既,亦都係我哋對上既依啲:我地提出
《五大訴求 缺一不可》,第五樣既訴求,就喺實行雙普選。我哋由2014年到依家,我哋追求亦都係一樣,我地都冇變過,係咪呀?我地會堅持下去追求我哋既普選。
喺在座當中,有好多嘅學生朋友,2014年嘅時候可能你未參與過喺抗爭嘅裡面。但喺我哋今年喺元旦嘅時候,我哋再次攞番依個旗幟出嚟,就係想話比大家聽,我哋要勿忘初衷。我哋唔可以忘記我哋一直追求既野。
我哋香港自治行動係6月開始,我哋就係同大家一齊。我哋最初就喺G20日本大板行。我哋係一直舉住美國旗去打國際戰線。我哋就係希望喺日本G20既時候,將香港咁緊急情況既議題,向美國作出呼籲、去呼求。就自此香港既議題就打咗入中美既談判當中。
喺返到香港,七月開始,我哋喺各區,大家都會見我地有好多既美國旗。我哋喺示威嘅當中 我哋係希望繼續讓國際去關注香港普選既問題,香港既抗爭。直至去到八月中,特朗普總統佢share 喺 twitter,share左我哋美國旗隊,我哋喺示威場地,我哋唱住美國國歌。自此感動倒美國全國既關注。
喺接住落嚟一個月,9月既時候,美國既眾議院已經通過左《香港人權及民主法案》。喺再過多兩個月之後既11月,參議院亦都通過左。
我地一直就係堅持住舉美國旗,讓美國介入香港,因為我哋依家睇得到,當美國願意通過《香港人權及民主法案》之後,全世界其他嘅國家,包括歐盟、唔同嘅歐美國家,佢地都願意去加入,去立唔同既,近似既法案去制裁中國。所以我哋好清楚我哋做依個戰線,我哋要堅持落去,我哋要繼續去舉美國旗。
直到元旦,如果大家記得喺元旦日嘅遊行,大家會見到我哋再次舉返依啲既旗幟:
《我要真普選》既banner,我哋都再次出嚟。點解我哋要舉依個banner出嚟?係因為我哋有見自從區選之後,香港人我哋嘅抗爭,彷彿好似冷落左落嚟。我哋好擔心,我哋係咪會忘記左我哋一直追求嘅普選,依個先係重點。
所以我哋再次攞返我哋14年嘅標誌出嚟話俾香港人聽:我哋唔好忘記啊!我哋要繼續,我哋要爭取普選,依個先係我哋最終要揾既野啊!
《廢除功能組別》係我哋一直最想要做嘅,亦都係我哋呼籲香港人:我哋要集中做好依樣野。因為就比我哋今年,我哋好僥倖地選舉裡面可以控制到功能組別,但係我哋唔能夠去擔保,喺依屆可以得到,但之後呢?如果功能組別一日唔取消,香港嘅問題,只要有一次比建制派去控制,香港就會玩完㗎喇。所以我哋唔可以再投功能組別。再投功能组別亦都係會令到外國更加難加入,因為我哋投票係話比外國聽,我地肯定緊功能組別依個角色。我哋要爭取啲咩?係真普選啊!大家記住我哋要真普選,我哋唔要功能組別。
所以我地係,今年我哋會同大家一齊,一齊去推動,爭取廢除功能組別。亦都有朋友或者會話,如果,今年唔能夠普選咁點算呀?我哋可以同大家講,我哋香港自治行動,我哋希望今年可以推動香港人。如果我哋唔能夠普選既時候,因為有人話我哋要香港普選,仲要去探討唔同嘅方法、唔同嘅方案。但係我哋知道,如果傾唔到既,我哋會期望將依一屆嘅立法會去延期,直至香港人可以大家討論,同埋美國同中國參與裡面,同香港人三方,我有一個共識,可以有一個真正嘅普選方案出嚟。最遲我哋去到2020…2022,我哋可以普選特首,亦都可以普選立法會,好唔好啊?
普選係我哋香港自治行動最重要,因為我哋一直就喺講緊點解我哋要自治
。我地其實就係參考住歷史當中眾多英國殖民地,佢地喺自治嘅路上慢慢佢地就去獨立。而佢哋自治之前,最重要既就係佢哋先有左普選。普選對於佢哋嚟講就係,先獲得左自嘅自治權。由於有左自治權之後,佢地嘅國民可以參與大家嘅政府,有自己嘅國會。佢哋透過就係幾代嘅人自治之後,佢地最尾步向獨立。雖然有啲殖民地佢哋最終冇選擇獨立,但係佢哋保持自治狀態其實已經同獨立差唔多。我哋見到喺歷史上面,眾多依啲由自治過渡到獨立既國家,佢哋體制嘅穩定、既經濟,都比一啲好短時間、好急速以一個流血革命方式嘅國家係更加好。我哋係爲香港人好。
我哋相信香港作為一個金融嘅城市,我哋好難承受一個好激烈嘅流血革命。但係我哋係能夠可以透過我哋普選之後,我哋香港自治行動,會推動香港人我哋去修憲。我哋希望香港去刪除2047這個界限,可以讓香港可以永續自治。我地利用依個時間換取空間,俾香港慢慢發展成一個自己有自主權嘅地方,好冇吖? 我地相信依個喺對香港人最好最好既方案。
而每當我哋喺依段日子,喺依半年大家見住嘅抗爭,好多前線嘅義士為我哋去犧牲。我每一次上網,我睇番,早日見到… 見到唔同既義士,佢哋嘅紀念…有陳彥霖,有周梓樂佢地,我好激動,我係唔知點講。我睇番如果我哋唔能夠有普選嘅時候,我哋唔能夠對得住佢哋上天之靈啊!我哋要爭取到底,不論我哋任何香港嘅人,我哋為到佢地在天之靈可以得到安息,我哋一定要爭取到普選㗎!係咪吖?
我哋香港自治行動會繼續高舉依個旗幟,向外國去幫助香港爭取普選。
多謝大家。
一 香港自治行動 (HKAA) 於 112天下制裁集會台上演說全文YouTube 全演說:
https://youtu.be/IvfNPt2jacs#我要真普選 #廢除功能組別
#香港憲法保衛戰
#112天下制裁集會
------------------------------
保衛香港憲法 文宣頻道:
@defendhkconstitution