【禁止堂食:清潔工去邊度食飯?】
今日政府宣佈,本周三(29/7)凌晨開始全面禁止餐廳堂食,同時不論室內或室外,身處公眾地方都要戴口罩。聽到呢個消息,相信好多打工仔都好頭痕,以後返工可以去邊度食飯呢?如果從事文職工作,還可以叫外賣返辦公室食,但從事戶外工作的工人,卻係買完外賣都唔知應該去邊度食。餐廳無得堂食,去公園除低口罩又要罰$5000,究竟可以點算?
講到呢度,阿珍就諗起去年呢位要在公廁食飯的工友。清潔工人冇得Work from home,疫情期間不單止要承受感染病毒的風險,而且工作量大增。現在就連食飯地方都冇。星期三之後,食環外判清潔工要食飯,只能去返垃圾站的休息室。但係,一個垃圾站隨時有數十上百的工友,有咩可能可以在狹小的休息室一齊食飯呢?唔通真係要好似張建宗司長咁講去「郊野公園」食飯?最後可能出現的真實情況,就係一班清潔工人,擔櫈仔在垃圾站休息室外,對住啲垃圾同垃圾車食飯,廁所清潔工就只能在廁所食飯。
政府限制堂食,無非係想減低社區病毒傳播,但一刀切完全唔理前線工人的實際情況,其實係咪反而會增加工人感染病毒的風險呢?究竟政府高層的「冷氣軍師」,幾時先會了解基層工人的民間疾苦?最後的最後,即使撇除衛生及感染風險的問題,垃圾站及公廁,由於人人均可隨時進入,其實好可能依然屬於「公眾地方」。換言之,即使清潔工人在垃圾站及廁所範圍(休息室以外)食飯,在法例上依然可能要被罰$5000。阿珍非常好奇,到時食環署督察見到呢個情況,會不會「果斷執法」呢?如果酌情不執法,又可以做甚麼「口頭勸喻」呢?
「你哋唔可以喺度食飯,再食我哋就要出告票。」
「阿sir我哋唔喺度食,可以去邊度食?」
「......我唔知。總之唔可以喺度食飯啦。」
呢啲情況,大家都可以預見。政府高層又有冇諗過可以點執行呢?
—————————————————
勞法諮詢熱線:27708668
FB專頁: https://www.facebook.com/JanitorJ
如欲加入本會(清潔服務業職工會)
請填寫網上入會表: https://forms.gle/e6Tbgag3ZL4JwFrw7
今日政府宣佈,本周三(29/7)凌晨開始全面禁止餐廳堂食,同時不論室內或室外,身處公眾地方都要戴口罩。聽到呢個消息,相信好多打工仔都好頭痕,以後返工可以去邊度食飯呢?如果從事文職工作,還可以叫外賣返辦公室食,但從事戶外工作的工人,卻係買完外賣都唔知應該去邊度食。餐廳無得堂食,去公園除低口罩又要罰$5000,究竟可以點算?
講到呢度,阿珍就諗起去年呢位要在公廁食飯的工友。清潔工人冇得Work from home,疫情期間不單止要承受感染病毒的風險,而且工作量大增。現在就連食飯地方都冇。星期三之後,食環外判清潔工要食飯,只能去返垃圾站的休息室。但係,一個垃圾站隨時有數十上百的工友,有咩可能可以在狹小的休息室一齊食飯呢?唔通真係要好似張建宗司長咁講去「郊野公園」食飯?最後可能出現的真實情況,就係一班清潔工人,擔櫈仔在垃圾站休息室外,對住啲垃圾同垃圾車食飯,廁所清潔工就只能在廁所食飯。
政府限制堂食,無非係想減低社區病毒傳播,但一刀切完全唔理前線工人的實際情況,其實係咪反而會增加工人感染病毒的風險呢?究竟政府高層的「冷氣軍師」,幾時先會了解基層工人的民間疾苦?最後的最後,即使撇除衛生及感染風險的問題,垃圾站及公廁,由於人人均可隨時進入,其實好可能依然屬於「公眾地方」。換言之,即使清潔工人在垃圾站及廁所範圍(休息室以外)食飯,在法例上依然可能要被罰$5000。阿珍非常好奇,到時食環署督察見到呢個情況,會不會「果斷執法」呢?如果酌情不執法,又可以做甚麼「口頭勸喻」呢?
「你哋唔可以喺度食飯,再食我哋就要出告票。」
「阿sir我哋唔喺度食,可以去邊度食?」
「......我唔知。總之唔可以喺度食飯啦。」
呢啲情況,大家都可以預見。政府高層又有冇諗過可以點執行呢?
—————————————————
勞法諮詢熱線:27708668
FB專頁: https://www.facebook.com/JanitorJ
如欲加入本會(清潔服務業職工會)
請填寫網上入會表: https://forms.gle/e6Tbgag3ZL4JwFrw7