【伍健偉探訪日記】
💌 訂閱阿K嘅Patreon
「見到伍健偉從來都唔係一件容易嘅事」。未還押之前,阿K經常因為跟進街坊Case、開會、或者無端畀人拉咗坐臭格而見佢唔到;到因為国安法而還押,排隊探佢要等一個月,搖完一個鐘頭巴士去到荔枝角,再等一輪先有得見佢十五分鐘。
荔枝角一如以往逼滿人潮,等咗差唔多一個鐘頭先有得探。一入去就見到一個頭髮「dum dum哋」、戴住口罩都見到佢笑口噬噬、精精神神嘅癡線佬—阿K行出黎,等住唯一可以聽到佢把聲嘅電話通。
成員成日講,因為探訪時間得十五分鐘太少,所以講野要好似念急口令咁快,交代完一輪工作嘅野之後,阿K講佢最近做咗好多新嘅運動,有同囚友紮馬、打下咩「形意拳」、做掌上壓、做平板運動,仲話見到好多囚友胸肌好巨型,好羨慕佢哋,想操到佢哋一樣咁大波 (好難想像阿K大隻個樣)。
佢仲話最近睇緊兩本書,一本係《冰與火之歌》,講權力鬥爭;而另一本就係《哈比人》嘅原裝故事,講哈比人喺高壓之下點樣掙扎求存,唔知有冇街坊都睇緊依本書呢?佢話想知道大家對依兩本書嘅書評係點樣喎 (大家踴躍啲留言,我會cap返畀佢睇!)。
不過原來入面最關心嘅係嚟緊嗰$5,000蚊電子消費卷點洗,佢哋又無得用電話、啲電子卷又有限期、而佢又覺得自己唔可能一時三刻出得返黎,拎黎買下日常生活用品、畀私飯錢、報紙錢都唔得,今鋪真係見財化水,仲要入面好多都係未定罪嘅囚友,眼白白睇住$5,000冇咗,不如派現金好過啦,所以叫我哋跟進下在囚人士點用嗰$5,000;同埋佢睇到琴日新聞講,依家去餐廳準備強制要用安心出行,佢好擔心遲啲要強逼所有香港人打疫苗。
好快十五分鐘就完咗,臨走前同佢揮咗好耐手唔捨得走,因為大家知道每次見面時間得來不易,下次再見已經可能係好耐之後,有時我哋仲會互相畀心心
💌 訂閱阿K嘅Patreon
「見到伍健偉從來都唔係一件容易嘅事」。未還押之前,阿K經常因為跟進街坊Case、開會、或者無端畀人拉咗坐臭格而見佢唔到;到因為国安法而還押,排隊探佢要等一個月,搖完一個鐘頭巴士去到荔枝角,再等一輪先有得見佢十五分鐘。
荔枝角一如以往逼滿人潮,等咗差唔多一個鐘頭先有得探。一入去就見到一個頭髮「dum dum哋」、戴住口罩都見到佢笑口噬噬、精精神神嘅癡線佬—阿K行出黎,等住唯一可以聽到佢把聲嘅電話通。
成員成日講,因為探訪時間得十五分鐘太少,所以講野要好似念急口令咁快,交代完一輪工作嘅野之後,阿K講佢最近做咗好多新嘅運動,有同囚友紮馬、打下咩「形意拳」、做掌上壓、做平板運動,仲話見到好多囚友胸肌好巨型,好羨慕佢哋,想操到佢哋一樣咁大波 (好難想像阿K大隻個樣)。
佢仲話最近睇緊兩本書,一本係《冰與火之歌》,講權力鬥爭;而另一本就係《哈比人》嘅原裝故事,講哈比人喺高壓之下點樣掙扎求存,唔知有冇街坊都睇緊依本書呢?佢話想知道大家對依兩本書嘅書評係點樣喎 (大家踴躍啲留言,我會cap返畀佢睇!)。
不過原來入面最關心嘅係嚟緊嗰$5,000蚊電子消費卷點洗,佢哋又無得用電話、啲電子卷又有限期、而佢又覺得自己唔可能一時三刻出得返黎,拎黎買下日常生活用品、畀私飯錢、報紙錢都唔得,今鋪真係見財化水,仲要入面好多都係未定罪嘅囚友,眼白白睇住$5,000冇咗,不如派現金好過啦,所以叫我哋跟進下在囚人士點用嗰$5,000;同埋佢睇到琴日新聞講,依家去餐廳準備強制要用安心出行,佢好擔心遲啲要強逼所有香港人打疫苗。
好快十五分鐘就完咗,臨走前同佢揮咗好耐手唔捨得走,因為大家知道每次見面時間得來不易,下次再見已經可能係好耐之後,有時我哋仲會互相畀心心