Репост из: 鄒家成團隊發佈中心
【你要戰,便作戰】
「我哋要贏,就一齊繼續贏落去!要輸,我哋就要輸十年。我哋成個公民社會,係會有十年永不翻身。我哋嘅學生會被補、我哋嘅領袖會被捕。所以今次,我哋要贏,就一定要一齊贏!」
——梁繼平,七月一日,立法會議事廳
梁義士當日喺立法會內除低口罩所講嘅一番說話,至今言猶在耳。
過去一年,香港人一直為信念,為公義,為希望而前仆後繼,至今已經有過八千人為此而被捕,有手足被控暴動,有手足被控謀殺,更有手足為我哋而犧牲咗寶貴嘅性命。同行兒女失去嘅青春,佢哋承受嘅痛苦、流過嘅鮮血,呢筆係只有香港民族嘅勝利先能夠償還嘅債。如果我哋輸咗呢場仗,成個公民社會嘅沉淪唔會只得十年,我哋會係圖博,我哋會係東突厥,我哋會係南蒙古——我哋會陷入永不翻身嘅局面。
我哋要贏。
「九龍!救人!」
——大專學界,十一月十七日,理大反包圍之役
你同我喺爭取民族自由嘅路上絕不孤單,我哋會互相扶持,我哋會守望相助,我哋會藉住苦難而連結,我哋會因為希望而共同奮戰,我哋就係共同體,我哋就係不可分割嘅香港民族。理大一役,數以百計嘅人為救咗校內嘅手足而被捕,咁大嘅犧牲係咪值得?——冇人會咁問,因為佢哋係手足,係香港人,係我同你,而唔係一堆數字、一堆年期、一條加減數。
我哋要贏。
「香港人要掙扎。」
——冼嘉豪,五月四日,步入法庭犯人欄前
冇錯,香港人係要掙扎。我哋唔能夠就咁放棄——唔可以放棄自己,唔可以放棄手足,唔可以放棄香港。或者我哋可以移民海外,可以居桃園以避暴秦,嘗試重新建立過一個家,只係呢個永遠唔可能會係家,香港人只有一個家,呢個家唔係美加澳,唔係英法德,呢個家係香港,係我哋嘅香港。
國安法驚唔驚?驚呀。
就好似每一次子彈喺頭上飛過,催淚彈喺腳邊爆開,每一次都驚,但更加驚嘅係,個世界再冇香港呢個地方。
我哋會喺大街作戰,我哋會喺巷間作戰,我哋會喺海外作戰,我哋會喺地下作戰,我哋會喺媒體、喺網絡作戰。我哋決不投降,我哋會不惜一切代價,為保衛香港而戰。
共產黨打到嚟驚唔驚?驚呀。
但我有你哋,我哋都係香港人,所以我知我哋最後一定會贏。
「我哋要贏,就一齊繼續贏落去!要輸,我哋就要輸十年。我哋成個公民社會,係會有十年永不翻身。我哋嘅學生會被補、我哋嘅領袖會被捕。所以今次,我哋要贏,就一定要一齊贏!」
——梁繼平,七月一日,立法會議事廳
梁義士當日喺立法會內除低口罩所講嘅一番說話,至今言猶在耳。
過去一年,香港人一直為信念,為公義,為希望而前仆後繼,至今已經有過八千人為此而被捕,有手足被控暴動,有手足被控謀殺,更有手足為我哋而犧牲咗寶貴嘅性命。同行兒女失去嘅青春,佢哋承受嘅痛苦、流過嘅鮮血,呢筆係只有香港民族嘅勝利先能夠償還嘅債。如果我哋輸咗呢場仗,成個公民社會嘅沉淪唔會只得十年,我哋會係圖博,我哋會係東突厥,我哋會係南蒙古——我哋會陷入永不翻身嘅局面。
我哋要贏。
「九龍!救人!」
——大專學界,十一月十七日,理大反包圍之役
你同我喺爭取民族自由嘅路上絕不孤單,我哋會互相扶持,我哋會守望相助,我哋會藉住苦難而連結,我哋會因為希望而共同奮戰,我哋就係共同體,我哋就係不可分割嘅香港民族。理大一役,數以百計嘅人為救咗校內嘅手足而被捕,咁大嘅犧牲係咪值得?——冇人會咁問,因為佢哋係手足,係香港人,係我同你,而唔係一堆數字、一堆年期、一條加減數。
我哋要贏。
「香港人要掙扎。」
——冼嘉豪,五月四日,步入法庭犯人欄前
冇錯,香港人係要掙扎。我哋唔能夠就咁放棄——唔可以放棄自己,唔可以放棄手足,唔可以放棄香港。或者我哋可以移民海外,可以居桃園以避暴秦,嘗試重新建立過一個家,只係呢個永遠唔可能會係家,香港人只有一個家,呢個家唔係美加澳,唔係英法德,呢個家係香港,係我哋嘅香港。
國安法驚唔驚?驚呀。
就好似每一次子彈喺頭上飛過,催淚彈喺腳邊爆開,每一次都驚,但更加驚嘅係,個世界再冇香港呢個地方。
我哋會喺大街作戰,我哋會喺巷間作戰,我哋會喺海外作戰,我哋會喺地下作戰,我哋會喺媒體、喺網絡作戰。我哋決不投降,我哋會不惜一切代價,為保衛香港而戰。
共產黨打到嚟驚唔驚?驚呀。
但我有你哋,我哋都係香港人,所以我知我哋最後一定會贏。