Репост из: 被捕人士收信部
To guys:
大家好呀,又係我。嚟到六月,雨水嘅季節,帶點悲傷,又有啲blue。但都好,起碼落啲雨,可以降吓溫先。前排真係太熱啦,我feel到成個人就嚟溶,好似去咗火山口咁,長期3x°C🥵我諗捱過咗依兩年,我冷氣都唔使開,哈哈,心靜自然涼。
啊,係啦,近排我收到好多唔同類型嘅信,有筆友,有memes,有資訊。但好遺憾,有好多唔合規格嘅信,我係收唔到的。但我都好感謝各位嘅心機,為咗唔好浪費你哋嘅一番心機,我諗一啲通訊以外嘅信都可以唔使寄畀我了。比如一啲以cap圖為主、新聞、資訊等等都可以唔使寄俾我。Sorry由於我冇辦法聯絡寄依類型信嘅單位/人,所以希望大家可以幫我代為轉達,感謝。仲有一點都必須注意,如果寄信俾我,請盡量唔好有圖片,一啲無關痛癢嘅文字,不便之處,敬請原諒!!
好啦,講完啲正經嘢,講返啲無聊野先。我每次去拜山嘅途中,都會望到好多人喺樓下嘅沙灘度玩一啲類似滑翔傘嘅嘢,但啲人又冇飛起,好似係有塊滑水板喺水面飛馳,到底幾種玩意係咩名堂,好似好有趣咁,唔知大家知唔知呢?我都好想試吓玩,唔知係咪太熱呢,成日都冇乜食慾。反而煙就食多咗,又食多咗零食,好熱氣,成個口爛晒,好想飲杯涼茶,痛死我啦😭睇來真係要忍下口先得,坐得監耐,我發現自己開始有啲彎彎地(唔係gay個啲),成日都諗埋啲奇奇怪怪嘅嘢。哈哈,但都係件壞事嚟,我諗都係靈感來源嘅一種,雖然我都係冇乜點整過啲新嘢出嚟,但係思維上確係有啲改變,希望係好嘅改變啦。
XD嗯嗯,仲有五個月就24歲了,時間過得真係好快,仲記得啱啱入嚟時先22歲,越大啲時間就越快,回想返十幾歲嘅時光,啲時間好似用極都用唔完咁,晚晚都可以玩通頂,而家就連夜少少瞓都搞唔掂,老喇老喇。哈哈,好啦,咁今次就講住咁多先,下次再講過,願一切平安,健康, Peace and love💛🕯
PS: 大家有冇覺得我啲字靚咗呢?
PS2: 聽收音機聽到JB有首新歌, Jazz底嘅叫咩名?睇報紙見到有篇Tyson Yoshi嘅專訪,睇嚟我都要努力啲先得喇,唔係有排追啊😣
Lil Saiyan
4-6-2021
大家好呀,又係我。嚟到六月,雨水嘅季節,帶點悲傷,又有啲blue。但都好,起碼落啲雨,可以降吓溫先。前排真係太熱啦,我feel到成個人就嚟溶,好似去咗火山口咁,長期3x°C🥵我諗捱過咗依兩年,我冷氣都唔使開,哈哈,心靜自然涼。
啊,係啦,近排我收到好多唔同類型嘅信,有筆友,有memes,有資訊。但好遺憾,有好多唔合規格嘅信,我係收唔到的。但我都好感謝各位嘅心機,為咗唔好浪費你哋嘅一番心機,我諗一啲通訊以外嘅信都可以唔使寄畀我了。比如一啲以cap圖為主、新聞、資訊等等都可以唔使寄俾我。Sorry由於我冇辦法聯絡寄依類型信嘅單位/人,所以希望大家可以幫我代為轉達,感謝。仲有一點都必須注意,如果寄信俾我,請盡量唔好有圖片,一啲無關痛癢嘅文字,不便之處,敬請原諒!!
好啦,講完啲正經嘢,講返啲無聊野先。我每次去拜山嘅途中,都會望到好多人喺樓下嘅沙灘度玩一啲類似滑翔傘嘅嘢,但啲人又冇飛起,好似係有塊滑水板喺水面飛馳,到底幾種玩意係咩名堂,好似好有趣咁,唔知大家知唔知呢?我都好想試吓玩,唔知係咪太熱呢,成日都冇乜食慾。反而煙就食多咗,又食多咗零食,好熱氣,成個口爛晒,好想飲杯涼茶,痛死我啦😭睇來真係要忍下口先得,坐得監耐,我發現自己開始有啲彎彎地(唔係gay個啲),成日都諗埋啲奇奇怪怪嘅嘢。哈哈,但都係件壞事嚟,我諗都係靈感來源嘅一種,雖然我都係冇乜點整過啲新嘢出嚟,但係思維上確係有啲改變,希望係好嘅改變啦。
XD嗯嗯,仲有五個月就24歲了,時間過得真係好快,仲記得啱啱入嚟時先22歲,越大啲時間就越快,回想返十幾歲嘅時光,啲時間好似用極都用唔完咁,晚晚都可以玩通頂,而家就連夜少少瞓都搞唔掂,老喇老喇。哈哈,好啦,咁今次就講住咁多先,下次再講過,願一切平安,健康, Peace and love💛🕯
PS: 大家有冇覺得我啲字靚咗呢?
PS2: 聽收音機聽到JB有首新歌, Jazz底嘅叫咩名?睇報紙見到有篇Tyson Yoshi嘅專訪,睇嚟我都要努力啲先得喇,唔係有排追啊😣
Lil Saiyan
4-6-2021